Copyright  2010 Dailywaka. All Rights Reserved
Powered By: PMedia
Tracker
Web Counter
Vistor #
جمهوريت خلاف سازشون ختم ناهن ٿيون، پيپلز پارٽي آمريتن جو ڀرپور مقابلو ڪيو، جيل ڪاٽيا پر گوڏا نه کوڙيا: بلاول ڀٽو زرداري
حيدرآباد (رپورٽر) پيپلز پارٽي چيئرمين بلاول ڀٽو زرداري چيو آهي ته پيپلز پارٽي آمريتن جو ڀرپور مقابلو ڪيو، جيل ڪاٽيا پر گوڏا نه کوڙيا. 18 آڪٽوبر شهيدن جي ياد ۾ ڪوٺايل جلسي کي خطاب ڪندي پيپلز پارٽي چيئرمين بلاول ڀٽو زرداري جو چوڻ هيو ته تاريخ گواهه آهي ته هر دور ۾ ڪربلا برپا ٿيندي آهي، پاڪستان پيپلز پارٽي کي جن آزمائشن مان گذرڻو پيو آهي، ان جو مثال نٿو ملي، هزارين ڪارڪن ڦاسي جي ڦاهي تي چڙهي ويا، ڀٽو پيڙهيل طبقن جو قائد هيو.بلاول ڀٽو زرداري حيدرآباد ۾ پيپلز پارٽي جي جلسي کي خطاب ڪندي چوڻ هيو ته پيپلز پارٽي ايوب خان جي آمريت جو مقابلو ڪيو، هن چيو ته پيپلز پارٽي پنهنجي قيام کان اڄ تائين آزمائشن مان گذري رهي آهي، پيپلز پارٽي کي قيام کان اڄ تائين جيترين آزمائشن مان گذري رهي آهي، پيپلز پارٽي کي قيام کان هيل تائين جيترين آزمائشن مان گذرڻو پيو، ان جو مثال نٿو ملي، بلاول ڀٽو وڌيڪ چيو ته شهيد ڀٽو جي عوامي ۽ جمهوري حڪومت جو تختو اونڌو ڪيو ويو، پيپلز پارٽي جا جيالا ضياءَ جي آمريت سامهون سينو تاڻي بيٺا، سندس چوڻ هيو ته شهيد ڀٽو جي ڦاسي بعد ضياءَ سمجهيو ته هاڻي پيپلز پارٽي ختم ٿي وئي، ان وقت بيگم نصرت ڀٽو ۽ بينظير ڀٽو پارٽي جي ڪمان سنڀالي، جڏهن ڀٽو ڦاسي کان نه ڊنو ته بينظير موت کان ڪيئن ڊڄي سگهي پئي.چيئرمين پيپلز پارٽي چيو ته جمهوريت خلاف سازشون ختم ناهن ٿيون، بينظير هر جڳهه آمرن ۽ دهشتگ4ردن کي للڪاريو، شيطاني قوتن جي حملي ۾ بينظير ڀٽو کي شهيد ڪيو ويو، بلاول ڀٽو زرداري جو وڌيڪ چوڻ هيو ته شهيدن جي ياد ملهائڻ جا ٻه طريقا هوندا آهن، هڪ طريقو ڳوڙا ڳاڙي سوڳ ملهائڻ آهي، جڏهن ته ٻيو طريقو سوڳ ملهائي قاتلن کي بي نقاب ڪرڻ آهي، بلاول ڀٽو وڌيڪ چيو ته سياست منهنجي لاءِ عبادت آهي، جيڪا منهنجي وڏن ڪئي، مان به ڪري رهيو آهيان، جيستائين ڦرلٽ جو نظام قائم آهي، جيستائين هاري مزدور ۽ غريب ظلم جي چڪيءَ ۾ پيسجندا رهندا، جيستائين عوام بنيادي حقن کان محروم رهندو، تيستائين هن ناسور جو خاتمو نه ٿيندو، جيڪڏهن هن ناسور جو خاتمو ڪرڻو آهي ته چهرا نه استحصالي نظام بدلائڻو پوندو، اسان جي جدوجهد استحصالي نظام بدلائڻ لاءِ آهي.ميان صاحب جي معاشي پاليسي سبب غريب غريب تر ۽ امير امير تر ٿيندو پيو وڃي، قومي ادارا پستي طرف وڃي رهيا آهن، ملڪ قرضن ۾ وڪوڙيل آهي، ملز ۽ ڪارخانا بند ٿي رهيا آهن، مهانگائي ماڻهن جو جيئڻ حرام ڪري رهيو آهي، نه مزدور جو ڪو حال آهي، نه هاريءَ جو، نوڪري پيشا ماڻهو پنهنجي نوڪري بچائڻ جي چڪر ۾ لڳا پيا آهن، ٻڌو ڀائرو، ميان صاحب چئي رهيو آهي ته ترقي ٿي رهي آهي، انهن جا پراجيڪٽ وقت کان اڳ پورا ٿي رهيا آهن، ته مان پڇان ٿو ته سنڌ ۾ جيڪي وفاق جا هڪ اڌ پراجيڪٽ آهن، اهي پورا ڇو نه ٿي رهيا آهن، اسان کان سپر هاءِ وي جو پراجيڪٽ کسي موٽر وي بڻائڻ جو آسرو ڏنو، موٽر وي ڇو نه مڪمل ٿي رهيو آهي، اوهان موٽر وي تي حادثي جو بهانو بڻائي موٽر کي کي رولي ڇڏيو، اهي رڳو دوکو ڏيڻ جا ماهر آهن، هنن رڳو اربين رپين جا اعلان ڪيو، هڪ دفعو منهنجي سامٿهون ٿر جي لاءِ 2 ارب رپين جي پروگرام جو اعلان ڪيو، اهو اعلان ڪيڏانهن ويو، سنڌ واسيو، ٻيو مان اوهان کي ڇا ٻڌايان، تازو حال ئي ۾ نئين وزيراعظم صاحب ايم ڪيو ايم کان پنهجو ووٽ خريد ڪرڻ لاءِ ڪراچي ۽ حيدرآباد لاءِ 3 ارب رپين جو اعلان ڪيو، نيو جتوئي ۾ ايئرڪنڊيشنڊ جلسو ڪيو، ان ۾ به اربين رپين جا اعلان ڪيا ويا، هن چيو ته اڙي بابا ڪجهه نه ملندو، اهي رڳو اعلان ٿيندا آهن، ملڻو ڪجهه ناهي، اها رڳو پيپلز پارٽي جي حڪومت آهي، جيڪا سنڌ ۾ ڪم ڪندي آهي، سنڌ ۾ جيڪا به ڊولپمينٽ ٿي آهي، اها رڳو پيپلز پارٽي جي ڪري ٿي آهي، ميان صاحب هجي يا ايم ڪيو ايم، اهي جڏهن سنڌ ۾ ايندا آهن، چوندا آهن، سنڌ کنڊر بڻجي ويو آهي، اهو سڀ ڪوڙ ۽ دوکو آهي، سنڌ ڪڏهن کنڊر نٿي بڻجي سگهي، جنهن سنڌ کي شاهه لطيف، سچل ۽ سامي جي دعا هجي اها سنڌ ڪڏهن کنڊر نٿي بڻجي سگهي، سنڌ واسيو، مان اها دعويٰ نٿو ڪريان ته هتي سڀ ٺيڪ ٿي ويو آهي پر ڪم به گهڻو ٿيو آهي، هاڻي وڌيڪ ڪم ڪرڻ جي ضرورت آهي، تيزيءَ سان ڪم ڪرڻ جي ضرورت آهي، اوهان حيدرآباد کي ئي ڏسي وٺو شهر هاڻي بهتر ٿي رهيو آهي، روڊ ٺهي رهيا آهن، اوور برجز ٺهي رهيا آهن، ايئن پوري سنڌ ۾ ڪم ٿي رهيا آهن، اهڙيءَ ريت درياهه مٿان پل بڻايا ويا آهن، درياهه جي ٻنهي پاسن ماڻهو ڳنڍي رهيا آهن، ڪلاڪن جو سفر منٽن ۾ طئي ٿي رهيو آهي، ان کانسواءِ سنڌوءَ تي غوثپور-گهوٽڪي پل جو به جلد ئي ڪم جي شروعات ٿي ويندي، جنهن سان گهوٽڪي ۽ ڪنڌڪوٽ جي عوام کي سهولت ملندي، واهن ۽ ڪئنالن کي پڪو ڪيو پيو وڃي، جنهن سان پاڻي ضايع ٿيڻ کان بچندو، اهو انقلابي ڪم آهي، تازو اوهان ٻڌو هوندو ته ارسا ربيع سيزن لاءِ 20 کان 30 سيڪڙو گهٽتائي جو اعلان ڪيو آهي، جنهن سان سنڌ جي فصلن کي نقصان پهچندو، اها ڳالهه درست آهي ته پاڻيءَ جي کوٽ آهي پر ارسا جي پاليسيءَ سان سنڌ کي تمام گهڻو نقصان پهچندو، پڇڙيءَ ۾ هجڻ جي حساب سان پاڻيءَ تي پهريون حق سنڌ جو بڻجي ٿو پر سنڌ سان پاڻيءَ جي ورڇ معاملي تي ناانصافي ڪئي وڃي ٿي، اهو ڪٿان جو انصاف آهي ته جڏهن پاڻي وڌيڪ هجي ته پاڻيءَ جا منهن سنڌ ڏانهن کوليا وڃن ۽ جڏهن پاڻيءَ جي کوٽ هجي ته سنڌ لاءِ پاڻيءَ جا در بند ڪيا وڃڻ، سنڌ حڪومت واٽر ڪورسز کي پڪو ڪرڻ جي اسڪيم تي به ڪم ڪري رهي آهي، تعليم ۽ صحت جي شعبي ۾ ڪم جي رفتار کي تيز ڪيو پيو وڃي، هائير سيڪنڊري جي تعليم جو خرچ حڪومت ڀريندي، اسڪول ويندڙ ٻارڙين کي ساڍا 3 هزار وظيفو ڏنو پيو وڃي، نيون اسپتالون ۽ ٽراما سينٽرز بڻايا ويا آهن، ڪڊني سينٽرز ۽ برن سينٽرز جيڪي رڳو ڪراچي ۾ هوندا هيا اهي هاڻي ٻين شهرن ۾ به بڻايا پيا وڃن.
سرموڙ خبر
اهم خبرون 
اڳتي پڙهو
سيوهڻ ڀرسان هانءُ ڏاريندڙ حادثو: ڊاٽسن مٿان ڪوچ چڙهي وئي، ٻارڙي ۽ عورت سوڌو ۸ ڄڻا فوت، ۲۰ زخمي
سيوهڻ (رپورٽ: گلشيربلوچ) لڪي شاهه صدر ڀرسان ڊاٽسن مٿان ڪوچ چڙهي وئي، معصوم ٻارڙي ۽ عورت سوڌو ۸ ڄڻا فوت، ۲۰ زخمي، خبرموجب سيوهڻ ڀرسان هانءُ ڏاريندڙ حادثو پيش آيو آهي، لڪي شاهه صدر وٽ ٿيٻاٽ ٿاڻي جي حد ۾ انڊس هاءِ وي تي سڪرنڊ جي ڳوٺ دليل ڪوٽ مان درگاهه قلندر لال شهباز تي سکا کڻي ايندڙن جي ڊاٽسن جو ٽائر پنچر ٿي ويو، ٽائر جي پنچر ٿيندي ئي پويان ايندڙ مسافر ڪوچ ڊاٽسن مٿان چڙهي وئي، جنهن جي نتيجي ۾ معصوم ٻارڙي ۽ عورت سوڌو ۸ ڄڻا فوت ٿي ويا، جڏهن ته ۲۰ ڄڻن جي زخمي ٿيڻ جا پڻ اطلاع آهن، فوتين ۾ ۷ ورهين جي ٻارڙي مسڪان، اياز، سجاد، رياض، حاجي غلام نبي، ياسين ۽ ٻيا شامل آهن. اطلاع تي پوليس ۽ ايڌي رضاڪارن پهچي فوتين جا لاش ۽ زخمين کي تعلقي اسپتال سيوهڻ منتقل ڪيو، زخمين جي حالت ڳڻتي جوڳي هجڻ ڪري فوتين جي انگ ۾ واڌ جو خدشو ٻڌايو پيو وڃي. ٻئي پاسي سيوهڻ جي عبدالله شاهه انٽيسٽيوٽ آف ميڊيڪل سائنس جي ڊائريڪٽر معين الدين صديقي انسٽيٽيوٽ ۾ ايمرجنسي لاڳو ڪندي ڊاڪٽرن ۽ سموري اسٽاف کي طلب ڪري ورتو آهي.پوليس جو چوڻ آهي ته حادثي جو شڪار ٿيل ماڻهو قلندر لال شهباز جي زيارت لاءِ وڃي رهيا هئا ته حادثو پيش آيو.پوليس چيو ته فوتين جو تعلق سڪرنڊ جي ڳوٺ دليل ديري سان آهي جيڪي هڪ ئي گهر جا ڀاتي آهن جن ۾ 3 سڳا ڀائر به شامل آهن..
ڪوئيٽا ۾ دهشتگردن جي بزدلاڻي ڪاروائي، آپگهاتي ڌماڪو، پوليس اهلڪارن سميت 8 ڄڻا شهيد، 10 زخمي 
ڪوئيٽا(مانيٽرنگ ڊيسڪ) ڪوئيٽا ۾ دهشتگردن جي بزدلاڻي ڪاروائي ، پوليس اهلڪارن سميت 7 ڄڻا شهيد 10 زخمي ٿي پيا . سرياب جي علائقي ۾ سبي روڊ تي پوليس جي ٽرڪ کي نشانو بڻايو ويو بم حملي ۾ 7 ماڻهو شهيد جڏهن ته 10 ڄڻا زخمي ٿي پيا . پوليس ۽ امدادي ٽيمن واري هنڌ پهچي فوتين جي مڙهن ۽ زخمين کي اسپتال منتقل ڪيو، جڏهن ته شهر جي سمورين اسپتالن ۾ ايمرجنسي لڳائي وئي آهي پوليس ۽ ايف سي جي اهلڪارن علائقي کي گهيري ۾ آڻي سرچ آپريشن شروع ڪري ڇڏيو پوليس جو چوڻ آهي ته پوليس جي گاڏي کي نشانو بڻايو ويو آهي گاڏي ۾ 35 پوليس اهلڪار سوار هئا. ٻئي طرف اکين ڏٺن شاهدن جو چوڻ آهي ته سفيد رنگ جي گاڏي پوليس ٽرڪ سان ٽڪرائجي وئي ۽ زوردار ڌماڪو ٿيوبلوچستان جي گهرو وزير سرفراز بگٽي چيو آهي ته اسان دهشتگردي خلاف جنگ ۾ فرنٽ لائين تي آهيون تنهن هوندي. ڪوئيٽا ۾ پوليس اهلڪارن جي ٽرڪ ڀرسان ڌماڪي جي جاءِ جو جائزو وٺڻ کان پوءِ ميڊيا سان ڳالهائيندي سرفراز بگٽي چيو ته آخري دهشتگرد جي خاتمي تائين اسان اها ويڙهه وڙهنداسين، اهڙا بزدلانا حملا دهشتگردي جي خلاف اسان جي عزم کي ڪمزور نٿا ڪري سگهن. صوبائي گهرو وزير چيو ته پوليس ۽ ايف سي کي پيشگي ايڪشن جي ڪري نشانو بڻايو پيو وڃي، دهشتگردن کي پيغام ڏيڻ چاهيان ٿو ته ڏکين دشمنن سان وڙهنداسين ۽ ڪامياب ٿينداسين. سرفراز بگٽي جو چوڻ هو ته دهشتگرد پهرين وزيرستان ۾ ويڍي منصوبابندي ڪندا هئا پر اڄ اسان جي خلاف حملن لاءِ افغانستان جي زمين استعمال ڪري رهيا آهن. هن وڌيڪ چيو ته ڀارتي ڳجهي ايجنسي را ۽ اين ڊي ايس پاڪستان ۾ حملا ڪندڙ دهشتگردن جي مدد ڪري رهي آهي تنهن هوندي ان حملي بابت ڪجهه چوڻ وقت کان اڳ هوندو.
اڳتي پڙهو
اڳتي پڙهو
اخبار 
HOME /
 ADVERTISMENT  /
CONTACT US  /
پهريون صفحو   
ايڊيٽوريل
اسپورٽس
  شوبز
گذريل شمارا
اخباري لي آئوٽ
رابطي لاءِ
Email:
ڪارساز ڌماڪي کي 10 سال مڪمل ٿي ويا: ڪراچي ۾ بختاور ۽ آصفه ڀٽو زرداري سانحي جي شهيدن جي يادگار تي گل ڇٽي دعا گهري
ڪراچي (رپورٽ: يووراج گرناڻي) ڪارساز سانحي جي شهيدن جي روح کي ثواب پهچائڻ لاءِ پيپلز پارٽي جي اڳواڻن ۽ جيالن پاران فاتحه پڙهڻ جو سلسلو جاري آهي، اڳوڻي وزيراعظم بينظير ڀٽو جي نياڻين بختاور ۽ آصفه ڀٽو زرداري ڪراچي ۾ سانحي جي شهيدن جي يادگار تي گل ڇٽي دعا گهري آهي.پ پ چيئرمين جي ڀينرن ۽ اڳوڻي صدر جي نياڻين بختاور ۽ آصفه ڀٽو زرداري ڪارساز پهچي سانحي جي شهيدن جي ياد تي گل ڇٽيا ۽ دعا گهري. ان موقعي تي شهيد بينظير ڀٽو جي نياڻين چيو ته شهيدن جو خون ضايع ناهي ٿيندو،  ضرور سانحي جا ذميوار قانوني جي ڪٽهڙي ۾ ايندا، جنهن سان متاثرن کي انصاف ملندو.اڳوڻي وزيراعظم بينظير ڀٽو جي ملڪي بدري کانپوءِ واپسي تي ڪراچي ۾ ڪارساز وٽ ٿيل ڌماڪي کي 10 سال مڪمل ٿي ويا، پر اڄ تائين سانحي جي ذميوارن جو پتو نه پئجي سگهيو آهي. بينظير ڀٽو 8 سال ملڪي بدري کانپوءِ 18 آڪٽوبر 2007ع تي ڪراچي جي جناح انٽرنيشنل ايئرپورٽ پهتي ته عوامي سمنڊ سندس استقبال لاءِ پهتو هو.پيپلزپارٽي جا جيالا سڄي ملڪ مان جڏهن پنهنجي قائد جي جهلڪ ڏسڻ لاءِ پهتا ته بينظير ڀٽو پاڻ به پنهنجي جذبات تي قابو نه رکي سگهي ۽ ڳوڙها ڳاڙي ويٺي هئي. پيپلز پارٽي جي خصوصي سڪيورٽي “جان نثاران بينظير ڀٽو ”اڳوڻي وزيراعظم کي جڏهن قافلي جي صورت ۾ ڪارساز تي آندو ته  سندس بلٽ پروف ٽرڪ ڀرسان ٻه ڌماڪا ٿيا،جنهن جي نتيجي ۾ بينظير ڀٽو ته محفوظ ته رهي پر ڪارڪنن سميت 177 ماڻهو مارجي ويا، جڏهن ته 600 کان وڌيڪ زخمي ٿيا هئا.بينظير جي شهادت کانپوءِ پيپلز پارٽي جي پنهنجي حڪومت ٺهڻ باوجود سانحي جي ذميوارن جو پتو نه پئجي سگهيو آهي.
بينظير ڀٽو کي هڪ سازش تحت مارايو ويو: پريز مشرف ايتري عرصي کانپوءِ بيان ڇو ڏنا؟: منظور وساڻ
ڪراچي(رپورٽ:يووراج گرناڻي) پ پ پ جي سينيئر اڳواڻ ۽ صنعت واري صوبائي وزير منظور حسين وساڻ ڪارساز سانحي بابت ميڊيا سان ڳالهائيندي چيو آهي ته ۱۸ آڪٽوبر سانحو ڪارساز انٽرنيشنل سازش هئي، جنهن جي قيادت پرويز مشرف ڪري رهيو هو. سانحو ڪارساز جي جاچ جا نتيجا جلد برآمد ٿيندا. هن چيو ته سانحي ڪارساز ۾ پيپلز پارٽي کي انصاف ناهي مليو. پرويز مشرف ايتري عرصي کان پوءِ بيان ڇو ڏنا. شهيد بي بي بي کي هڪ سازش جي تحت قتل ڪيو ويو. هن اڳڪٿي ڪندي چيو ته ۲۰۱۸ع جي شروع ۾ سازشن ۾ ملوث ماڻهو سامهون ايندا، ۱۸ آڪٽوبر ۽ ۲۷ ڊسمبر ٻنهي ۾مماثلت آهي. هن چيو ته هن وقت جيڪي حالتون آهن شهيد بي بي جو نه هجڻ اهو عوام ۽ پاڪستانين جو وڏو نقصان آهي. هن عمران خان بابت پڇيل سوال جي جواب ۾ چيو ته اهو وقت به جلد اچڻ وارو آهي جڏهن عمران خان به چوندو ته مون کي جلدي ڇو ڪڍيو، عمران خان جيل نه پر ٻاهر ضرور وڃي سگهي ٿو. منظور وساڻ چيو ته هن وقت قومي حڪومت جي به سازش ٿي رهي آهي. پر اها سازش ناڪام ٿيندي. اهي سازشون بند ٿيڻ گهرجن. سازشون آخر ڪيستائين هلنديون. هن چيو ۲۰۱۸ع ۾ ڀٽو کان وٺي بي بي تائين جا قاتل بي نقاب ٿيندا ۽ الله جي پڪڙ ۾ ايندا. منظور وساڻ جو ڪراچي ۾ ڇرا گروپ بابت چوڻ هو ته ڇرا مار شخص جون ڪارروايون عالمي سازش جو حصو آهن. ڪراچي کي بدنام ڪرڻ جي سازش ڪئي پئي وڃي. هن وڌيڪ چيو ته ڇرا مار کي پڪرڻ ۾ گهرو وزير سهيل سيال جي نه پر پوليس جي ناڪامي آهي. پهرين هٿوڙا گروپ هو هاڻ ڇرا گروهه سامهون آيو آهي. سي پيڪ ۽ ڪراچي جي ترقي دشمن کان برداشت نٿي ٿئي.
اڳتي پڙهو
اڳتي پڙهو
بلاول ڀٽو زرداري دادو ۾ سرڪاري پئسي سان جلسو ڪري رهيو آهي: اياز لطيف پليجو
2018ع چونڊن جو سال آهي ، پيپلز پارٽي ملڪ ۾ جمهوريت ۽ سسٽم جي بقا چاهي ٿي: نثار کهڙو
وڏي وزير ، ڊي جي رينجرز ۽ آءِ جي سنڌ کي محرم الحرام دوران سڪيورٽي جا سخت انتظام ڪرڻ جي هدايت ڪري ڇڏي 
ڪراچي جي مختلف علائقن ۾ پوليس ۽ رينجرز سرچ آپريشن ڪري 21 جوابدارن کي گرفتار ڪري ورتو
آدم شماري سنڌ جي بقا جو مسئلو آهي، ڀرپور نموني حصو وٺي سازشن کي ناڪام بڻائينداسين:آل پارٽيز


اڳتي پڙهو
جمهوريت خلاف سازشون ختم ناهن ٿيون، پيپلز پارٽي آمريتن جو ڀرپور مقابلو ڪيو، جيل ڪاٽيا پر گوڏا نه کوڙيا: بلاول ڀٽو زرداري***سيوهڻ ڀرسان هانءُ ڏاريندڙ حادثو: ڊاٽسن مٿان ڪوچ چڙهي وئي، ٻارڙي ۽ عورت سوڌو ۸ ڄڻا فوت، ۲۰ زخمي***ڪوئيٽا ۾ دهشتگردن جي بزدلاڻي ڪاروائي، آپگهاتي ڌماڪو، پوليس اهلڪارن سميت 8 ڄڻا شهيد، 10 زخمي ***ڪارساز ڌماڪي کي 10 سال مڪمل ٿي ويا: ڪراچي ۾ بختاور ۽ آصفه ڀٽو زرداري سانحي جي شهيدن جي يادگار تي گل ڇٽي دعا گهري***نئون ديرو ۾ ڪار ساز سانحي جي شهيدن جي ورسي ملهائي وئي، مزارن تي گل نڇاور، قرآن خواني ، اجتماعي دعا ، ڀيٽا پيش***ملڪ سان جيڪو ڪجهه ٿي چڪو آهي، اهو ٺيڪ ڪرڻ سولو ناهي: آصف زرداري***بينظير ڀٽو کي هڪ سازش تحت مارايو ويو: پريز مشرف ايتري عرصي کانپوءِ بيان ڇو ڏنا؟: منظور وساڻ*** جمهوريت خلاف سازشون ختم ناهن ٿيون، پيپلز پارٽي آمريتن جو ڀرپور مقابلو ڪيو، جيل ڪاٽيا پر گوڏا نه کوڙيا: بلاول ڀٽو زرداري***سيوهڻ ڀرسان هانءُ ڏاريندڙ حادثو: ڊاٽسن مٿان ڪوچ چڙهي وئي، ٻارڙي ۽ عورت سوڌو ۸ ڄڻا فوت، ۲۰ زخمي***ڪوئيٽا ۾ دهشتگردن جي بزدلاڻي ڪاروائي، آپگهاتي ڌماڪو، پوليس اهلڪارن سميت 8 ڄڻا شهيد، 10 زخمي ***ڪارساز ڌماڪي کي 10 سال مڪمل ٿي ويا: ڪراچي ۾ بختاور ۽ آصفه ڀٽو زرداري سانحي جي شهيدن جي يادگار تي گل ڇٽي دعا گهري***نئون ديرو ۾ ڪار ساز سانحي جي شهيدن جي ورسي ملهائي وئي، مزارن تي گل نڇاور، قرآن خواني ، اجتماعي دعا ، ڀيٽا پيش***ملڪ سان جيڪو ڪجهه ٿي چڪو آهي، اهو ٺيڪ ڪرڻ سولو ناهي: آصف زرداري***بينظير ڀٽو کي هڪ سازش تحت مارايو ويو: پريز مشرف ايتري عرصي کانپوءِ بيان ڇو ڏنا؟: منظور وساڻ*** جمهوريت خلاف سازشون ختم ناهن ٿيون، پيپلز پارٽي آمريتن جو ڀرپور مقابلو ڪيو، جيل ڪاٽيا پر گوڏا نه کوڙيا: بلاول ڀٽو زرداري***سيوهڻ ڀرسان هانءُ ڏاريندڙ حادثو: ڊاٽسن مٿان ڪوچ چڙهي وئي، ٻارڙي ۽ عورت سوڌو ۸ ڄڻا فوت، ۲۰ زخمي***ڪوئيٽا ۾ دهشتگردن جي بزدلاڻي ڪاروائي، آپگهاتي ڌماڪو، پوليس اهلڪارن سميت 8 ڄڻا شهيد، 10 زخمي ***ڪارساز ڌماڪي کي 10 سال مڪمل ٿي ويا: ڪراچي ۾ بختاور ۽ آصفه ڀٽو زرداري سانحي جي شهيدن جي يادگار تي گل ڇٽي دعا گهري***نئون ديرو ۾ ڪار ساز سانحي جي شهيدن جي ورسي ملهائي وئي، مزارن تي گل نڇاور، قرآن خواني ، اجتماعي دعا ، ڀيٽا پيش***ملڪ سان جيڪو ڪجهه ٿي چڪو آهي، اهو ٺيڪ ڪرڻ سولو ناهي: آصف زرداري***بينظير ڀٽو کي هڪ سازش تحت مارايو ويو: پريز مشرف ايتري عرصي کانپوءِ بيان ڇو ڏنا؟: منظور وساڻ*** جمهوريت خلاف سازشون ختم ناهن ٿيون، پيپلز پارٽي آمريتن جو ڀرپور مقابلو ڪيو، جيل ڪاٽيا پر گوڏا نه کوڙيا: بلاول ڀٽو زرداري***سيوهڻ ڀرسان هانءُ ڏاريندڙ حادثو: ڊاٽسن مٿان ڪوچ چڙهي وئي، ٻارڙي ۽ عورت سوڌو ۸ ڄڻا فوت، ۲۰ زخمي***ڪوئيٽا ۾ دهشتگردن جي بزدلاڻي ڪاروائي، آپگهاتي ڌماڪو، پوليس اهلڪارن سميت 8 ڄڻا شهيد، 10 زخمي ***ڪارساز ڌماڪي کي 10 سال مڪمل ٿي ويا: ڪراچي ۾ بختاور ۽ آصفه ڀٽو زرداري سانحي جي شهيدن جي يادگار تي گل ڇٽي دعا گهري***نئون ديرو ۾ ڪار ساز سانحي جي شهيدن جي ورسي ملهائي وئي، مزارن تي گل نڇاور، قرآن خواني ، اجتماعي دعا ، ڀيٽا پيش***ملڪ سان جيڪو ڪجهه ٿي چڪو آهي، اهو ٺيڪ ڪرڻ سولو ناهي: آصف زرداري***بينظير ڀٽو کي هڪ سازش تحت مارايو ويو: پريز مشرف ايتري عرصي کانپوءِ بيان ڇو ڏنا؟: منظور وساڻ
اڄ جي اخبار
سنڌخبرون