Copyright  2010 Dailywaka. All Rights Reserved
Powered By: PMedia
Tracker
Web Counter
Vistor #
خريف ۾ پاڻيءَ جي کوٽ 10 کان 60 سيڪڙو تائين ٿي سگهي ٿي: پيئڻ جي پاڻيءَ جي فراهميءَ کي ترجيح ڏني وڃي: وڏو وزير
ڪراچي (رپورٽ: يووراج گرناڻي) سنڌ جي وڏي وزير سيد مراد علي شاهه چيو آهي ته خريف ۾ پاڻيءَ جي کوٽ 10 کان 60 سيڪڙو تائين ٿي سگهي ٿي انڪري آبپاشي کاتي کي پاڻي جي کوٽ کي منهن ڏيڻ لاءِ حڪمت عملي واضح ڪرڻ جي هدايت ۽ پيئڻ جي پاڻيءَ جي فراهميءَ کي ترجيح ڏني وڃي. هن اها ڳالهه اڄ وزيراعليٰ هائوس ۾ ايندڙ خريف دوران امڪاني پاڻيءَ جي کوٽ بابت اجلاس جي صدارت ڪندي ڪئي. اجلاس  ۾ چيف سيڪريٽري سنڌ رضوان ميمڻ، وڏي وزير جو پرنسپل سيڪريٽري نويد ڪامران بلوچ، سيڪريٽري آبپاشي سيد جمال شاهه ۽ ٻين لاڳاپيل آفيسرن ۽ انجنيئرن شرڪت ڪئي. سيڪريٽري آبپاشي جمال شاهه وڏي وزير کي بريفنگ ڏيندي چيو ته 9 مارچ 2017ع کان واهن ۾ موجود پاڻيءَ جي مختص ڪيل ڊسچارج ۾ کوٽ ٿي سگهي ٿي، اترين علائقن ۾ ٿيندڙ هاڻوڪي برفباريءَ ۽ گرمي پد سبب صورتحال وڌيڪ خراب ٿي آهي ۽ اتان پاڻي جي وهڪري ۾ گهٽتائيءَ ڪري تربيلا ۽ منگلا ڊيمن ۾ به پاڻي جي آمد ۾ کوٽ پيدا ٿي آهي. هن چيو ته جيتري تائين سنڌ جو تعلق آهي 2 کان 10 مارچ تي چشما بئراج وٽ روزانو 40000 سي ايف ايس پاڻيءَ بدران 22798 سي ايف ايس چشما ڊائون اسٽريم جو مجموعي وهڪري آهي، ان ۾ پنجاب جا واهه تونسا بئراج مان پنهنجي گهرج جو پاڻي وٺندا آهن. سيڪريٽري آبپاشيءَ چيو ته 18 مارچ کان پاڻيءَ جي امڪاني کوٽ شروع ٿي آهي ۽ اها اپريل پهرين ڏهن ڏينهن ۾ 10 کان 60 سيڪڙو ٿيندي. هن چيو ته اهڙي صورتحال سال 2012ع ۾ ٿي هئي ۽ 2017ع ۾ ان وقت کان وڌيڪ برفباري ٿي آهي. برفباريءَ سبب اسڪردو ۾ گرمي پد گهٽيو آهي. ارسا ٻڌايو آهي ته جيڪڏهن برف پگهرڻ ۾دير يا برسات پوڻ ۾ تاخير ٿي ته صرتحال وڌيڪ خراب ٿي سگهي ٿي ۽ پاڻي جي کوٽ اپريل 2017ع جي آخر تائين ٿي سگهي ٿي. وڏي وزير سيد مراد علي شاهه چيو ته هن سيڪريٽري آبپاشيءَ کي هدايت ڪئي هئي ته هُو سمورن ٽنهي بئراجن جي چيف انجنيئرز سان اجلاس منعقد ڪري ۽ کين صوبي کي پيش ايندڙ پاڻي جي کوٽ ۽ ان سان پيدا ٿيندڙ صورتحال بابت خيالن جي ڏي وٺ ڪري. سيڪريٽري آبپاشيءَ چيو ته هن چيف انجنيئرز سان اجلاس منعقد ڪيو آهي ۽ ان حوالي سان حڪمت عملي واضح ڪئي آهي. هن حڪمت عمليءَ بابت ٻڌائيندي چيو ته 31 مارچ کان گڊو بئراج جو ساليانو بندش جي عرصي وارو شيڊول هوندو، تيستائين واهن جي سطح گهٽ هوندي ۽ اها بلوچستان (1000 سي ايف ايس) کي پاڻيءَ جي فراهميءَ لاءِ 249 آر ايل، پاور اسٽيشن ۽ گهوٽڪي ڪئنال (1000 سي ايف ايس) هوندي. پهرين اپريل تي بئراجن جا دروازا کوليا ويندا ۽ پاڻي ڊائون اسٽيم ڏانهن موڪليو ويندو. سکر بئراج بابت ڳالهائيندي هن چيو ته سکر بئراج جو مجموعي انخلا ان عرصي دوران 10100 سي ايف سي هوندو. اين ڊبليو سي تي رائيٽ بينڪ ۽ دادو ڪئنال 31 مارچ تائين شيڊول بندش ڪري بند هوندو، بلوچستان جو 3 مارچ تائين سکر بئراج رائيٽ بينڪ مان روزانو جو حصو 700 سي ايف ايس آهي جنهن کي 31 مارچ تائين يقيني بڻايو ويندو، جيتوڻيڪ اين ڊبليو سي ۽ دادو ڪئنال ۾ پاڻيءَ جي کوٽ هوندي. خيرپور فيڊر ايسٽ ۽ ويسٽ هر هڪ ۾ (-50%) 650 سي ايف ايس پاڻي جاري ڪيو ويندو، روهڙي ڪئنال 3 ۾ آپريٽ ٿيندو ۽ 5000 سي ايف ايس پاڻي وصول ٿيندو. نارا ڪئنال ۾ به ٻن گروپس ۾ آپريٽ ٿيندو ۽ 3800 سي ايف ايس وصول ٿيندو. ڪوٽڙي بئراج بابت حڪمت عملي تي ڳالهائيندي جمال شاهه چيو ته سکر بئراج کان ڪوٽڙي بئراج لاءِ 3000 سي ايف ايس پاڻي جاري ڪيو ويندو. ڪوٽڙي بئراج جي 3 مارچ دوران مختص پاڻي روزانو 4000 سي ايف ايس آهي. سکر بئراج ۾ پاڻي جي وهڪري ۾ بهتري ايندي ئي ڪوٽڙي بئراج کي پاڻي جي فراهمي ۾ ترجيح ڏني ويندي ته جيئن خريف جي شروعاتي گهرجن کي پورو ڪري سگهجي. پهرين اپريل دوران ڪوٽڙيءَ لاءِ مختص ڪيل پاڻي 6500 سي ايف ايس هوندو. ان تي وڏي وزير آپباشي کاتي کي هدايت ڪئي ته اهي پاڻيءَ جي کوٽ بابت عوام کي فوري طور تي آگاهه ڪري. هن چيو ته پيئڻ جي پاڻيءَ کي پورو ڪرڻ لاءِ خاص ڌيان ڏنو وڃي. هن چيو ته نارا ۽ روهڙي ڪئنال لاءِ پهرين مئي کان ڪپهه جي پوکي ۾ دير ڪئي وڃي ۽ گهوٽڪي ڪئنال لاءِ 15 مئي ڪئي وڃي. اپريل جي آخر ۾ صورتحال کي ڏسندي سارين جي پوکي بابت غور ڪيو وڃي. هن چيو ته رائس ڪئنال ڪمانڊ جي کاتيدارن کي سهولتن جي فراهميءَ لاءِ هڪ نئين حڪمت عملي واضح ڪئي وڃي. سيد مراد علي شاهه چيو ته لاڳاپيل چيف انجنيئرز سان صلاح مشوري بعد واهن ۾ پاڻيءَ جي ايڊجسٽمينٽ ۽ ڊسچارج هئڻ گهرجي. ڪوٽڙي بئراج ۾ وصول ٿيندڙ پاڻيءَ جي تناسب بابت اتان کان پاڻي وٺندڙ واهن ۽ بئراجن جي حوالي سان پيئڻ جي پاڻي جي ضرورتن کي ترجيح ڏني وڃي. سيڪريٽري آبپاشيءَ چيو ته اٽڪل سمورن واهن جي پاڻيءَ جي فراهميءَ ۾ 50 سيڪڙو پاڻي جي کوٽ برداشت ڪرڻ آهي. هن چيو ته اهڙي قسم جي صورتحال پهرين به ٿي آهي ۽ اهڙي صورتحال کي بهتر ريت منهن ڏنو ويندو. هن چيو ته ڪينجهر ڍنڍ جي آپريشن کي وڌايو ويندو ته جيئن گهڻي عرصي تائين ڪراچيءَ جي پاڻي جي گهرج کي پورو ڪري سگهجي. وڏي وزير آبپاشي کاتي کي هدايت ڪئي ته هُو واٽر اينڊ ڊرينج سسٽم واري اداري کي مشورو ڏئي ته هو سمورن درياهن ۾ پاڻيءَ جي وهڪري ۾ کوٽ ۽ واهن ۾ موجوده پاڻيءَ جي قلت کي ڏسندي شهر ۾ پاڻيءَ جي بهتر استعمال کي يقيني بڻايو وڃي.
سرموڙ خبر
اهم خبرون 
اڳتي پڙهو
آدمشماري جو طريقيڪار چيلينج : خدشا آهن، معاملو شفاف نه ٿيو ته وفاق لاءِ نقصانڪار هوندو:پيپلزپارٽي
ڪراچي (رپورٽ: يووراج گرناڻي) پاڪستان پيپلز پارٽي آدمشماري جي طريقيڪار کي سنڌ هاءِ ڪورٽ ۾ چئلنج ڪري  ڇڏيو آهي، فرحت الله بابر جو چوڻ آهي ته آدمشماري تي کين خدشا آهن، معاملو شفاف نه ٿيو ته وفاق ۽ ان جي هيڪڙائي لاءِ نقصانڪار هوندو. پ پ طرفان فرحت الله ۽ مولا بخش چانڊيو سنڌ هاءِ ڪورٽ ۾ آدمشماري جي طريقيڪار کي چئلنج ڪيو. درخواست ۾ وفاق، ڳڻپ کاتي ۽ ٻين کي ڌر بڻايو ويو آهي. درخواست ۾ چيو ويو آهي ته آدمشماري غير منصفاڻي طريقي سان ٿي رهي آهي. عدالت ۾ درخوستگذار چيو ته آدمشماري جي عمل ۾ سنڌ ۾ رهندڙ پرڏيهن جي به سنڌ واسين طور ڳڻپ ڪئي پئي وڃي، جيڪو غلط عمل آهي. ان موقعي تي سنڌ اسيمبلي ٻاهران ميڊيا سان ڳالهائيندي فرحت الله بابر چيو ته آدمشماري تي پ پ سميت سمورن طبقن خدشا ظاهر ڪيا آهن. هن چيو ته آئين موجب  آدمشماري کي شفاف بڻايو وڃي. پ پ اڳواڻ چيو ته آدمشماري ۾ ڄاڻ کي ڳجهو رکيو ويو آهي. فرحت الله بابر چيو ته معاملو شفاف نه ٿيو ته وفاق ۽ ان جي هيڪڙائي لاءِ نقصانڪار هوندو. فرحت الله بابر جو چوڻ آهي ته ڄاڻ تائين رسائي هر شهري جو بنيادي حق آهي. سندس چوڻ هو ته آدمشماري ۾ آئين جي آرٽيڪل 2، 4 ۽ 19 جي ڀڃڪڙي ڪئي پئي وڃي. پ پ اڳواڻ فرحت الله بابر چيو ته آدمشماري 19 سالن بعد ٿي رهي آهي، جئين اختيارن جو نئين سر جائزو وٺي سگهجي.
سنڌ هاءِ ڪورٽ ۾ ڊاڪٽر عاصم حسين جي ضمانت وارين ٻن درخواستن تي ڌرين جا دليل مڪمل، فيصلو محفوظ
ڪراچي (رپورٽر) سنڌ هاءِ ڪورٽ ۾ ڊاڪٽر عاصم حسين جي ضمانت وارين ٻن درخواستن تي ڌرين جا دليل مڪمل ڪري عدالت فيصلو محفوظ ڪري ورتو آهي. سنڌ هاءِ ڪورٽ ۾ ٻن ججز جي اختلافي فيصلي سبب ٻڌڻي ڊاڪٽر عاصم جي درخواستن تي ريفري جج جسٽس آفتاب احمد ڳورڙ ڪئي. سنڌ هاءِ ڪورٽ جي ريفري جج جسٽس آفتاب احمد ڳورڙ جي عدالت ڊاڪٽر عاصم حسين جي ٻن ڪيسن ۾ ضمانت وارين درخواستن تي ڌرين جا دليل ٻڌڻ بعد فيصلو محفوظ ڪري ڇڏيو، ان کان اڳ ٻن ججز اختلافي فيصلو ڏنو، هڪ جج فاروق شاهه ڊاڪٽر عاصم جي ضمانت واري درخواست رد ڪئي هئي، جڏهن ته جسٽس محمد ڪريم خان آغا ميڊيڪل رپورٽس جي بنياد تي ضمانت منظور ڪئي هئي. سنڌ هاءِ ڪورٽ ۾ ڊاڪٽر عاصم جي وڪيل لطيف کوسي دليل ڏيندي چيو ته ڊاڪٽر عاصم کي طبي سهولتون فراهم نٿيون ڪيون وڃن، پاڪستان ميڊيڪل بورڊ جيڪا رپورٽ ڏني آهي، ان تي غور نٿو ڪيو وڃي.  نيب جي وڪيل دليل ڏيندي چيو ته ڊاڪٽر عاصم جي ميڊيڪل بنياد تي ضمانت جو ڪو به جواز ناهي ڊاڪٽر عاصم اسپتال ۾ داخل آهي، جتي علاج جي هر سهولت آهي. ڊاڪٽر عاصم جي وڪيل لطيف کوسي عدالت ٻاهران ميڊيا سان ڳالهائيندي چيو ته احتساب عدالت ۾  ڊاڪٽر عاصم کي طبي سهولتون فراهم نٿيون ڪيون وڃن، هن چيو ته پوليس وٽ هجي يا رينجرز وٽ، حراست حراست هوندي آهي. لطيف کوسه چيو ته ميڊيڪل بورڊ جيڪا رپورٽ ڏني آهي، ان تي غور نٿو ڪيو وڃي، ڊاڪٽر عاصم ڪڏهن مڇر ناهي ماريو ۽ نيب وري هن کي دهشتگرد قرار ڏنو آهي. ڊاڪٽر عاصم جي وڪيل چيو ته جيڪڏهن ڊاڪٽر عاصم جو علاج نه ڪرايو ويو ته ان جي زندگي کي خطرو آهي ۽ هو معذور به ٿي سگهي ٿو. هن چيو ته 2 سال ٿيڻ تي آهن پر ڊاڪٽر عاصم کي بيماري جي علاج لاءِ ضمانت نه پئي ڏني وڃي.
ميانداد_آفريدي جهيڙو ختم، ٻنهي اڳواڻن ڀاڪر پائي ٺاهه ڪري ڇڏيو،آفريدي ، ميانداد کان معافي وٺي ڇڏي 
ڪراچي(رپورٽر) پاڪستان ڪرڪيٽ ٽيم جي ٻن سينئرن جاويد ميانداد ۽ شاهد آفريدي ۾ ٺاهه ٿي ويو آهي، شاهد آفريدي جاويد ميانداد کان معافي وٺي ڇڏي آهي، جڏهن ته ميانداد شاهد آفريدي تي هنيل الزام واپس وٺي ڇڏيا آهن. شاهد آفريدي ۽ جاويد ميانداد وچ ۾ ملاقات ڪراچي ۾ ٿي. ملاقات کانپوءِ شاهد آفريدي ۽ جاويد ميانداد گڏيل وڊيو جاري ڪئي. ان موقعي تي ٻنهي ڄڻن هڪ ٻئي کي ڀاڪرن ۾ ڀري شڪايتون ختم ڪيون. ملاقات دوران جاويد ميانداد چيو ته شاهد آفريدي بابت چيل پنهنجا لفظ واپس وٺان ٿو.  جيڪو ڪجھه چيو اهو ڪاوڙ ۾ چيو هو. ان موقعي تي شاهد آفريدي جاويد ميانداد کان معافي وٺي ڇڏي. سندس چوڻ هو ته توهان جي ڳالهه تي مونکي ڏاڍو ڏک ٿيو. پر آئون سينئر هجڻ جي ڪري توهان کان معافي وٺان ٿو ۽ توهان جي تمام گھڻي عزت ڪندو آهيان. هن چيو ته منهنجي لاءِ ۽ منهنجي چاهيندڙن لاءِ وڏي ڳالهه اها آهي ته توهان مون تي هنيل الزام واپس وٺي ڇڏيا آهن. جاويد ميانداد ۽ شاهد آفريدي جي ملاقات ٻنهي جي گڏيل دوست ڪرائي، جنهن ٻنهي ڪرڪيٽرن ۾ ٺاهه ڪرائڻ ۾ اهم ڪردار ادا ڪيو. واضح رهي ته شاهد آفريدي ۽ جاويد ميانداد ۾ تڪرار کانپوءِ ميانداد آفريدي تي ميچ فڪسنگ جو الزام هنيو هو، جڏهن ته جواب ۾ آفريدي چيو هو ته جاويد ميانداد سان هميشه پيسن جو مسئلو رهيو آهي. 
شوبز 
راندين
اڳتي پڙهو
اڳتي پڙهو
اڳتي پڙهو
اڳتي پڙهو
اخبار 
HOME /
 ADVERTISMENT  /
CONTACT US  /
پاڪستاني ڊرامن ڀارت کي مات ڏئي ڇڏي آهي: بشريٰ انصاري
ڪراچي : ناليواري اداڪارا بشريٰ انصاري چيو آهي ته اسان ڀارتي ڊرامن کي شڪست ڏني آهي، انهن جو ڪو به پروگرام پاڪستان ۾ ذڪر جوڳو نه رهيو آهي. پنهنجي هڪ بيان ۾ سينيئر اداڪارا بشريٰ انصاري جو چوڻ هو ته پاڪستاني فنڪارن سخت محنت ۽ لڳاءَ سان ڪم ڪيو آهي، جنهن جي جيتري به واکاڻ ڪئي وڃي اها گهٽ آهي. هن چيو ته اسان جا ٽي وي ڊرامن سڄي دنيا ۾ پنهنجو معيار رکن ٿا، اهو ئي سبب آهي جو انهن ڀارتي ڊرامن کي به مات ڏئي ڇڏي آهي.
پهريون صفحو   
ايڊيٽوريل
اسپورٽس
  شوبز
گذريل شمارا
اخباري لي آئوٽ
رابطي لاءِ
Email:
اسلام آباد هاءِ ڪورٽ اڳوڻي صوبائي وزير شرجيل انعام ميمڻ جي حفاظتي ضمانت منظور ڪري ورتي 
اسلام آباد (رپورٽ:زاهد ڪورائي) اسلام آباد هاءِ ڪورٽ اڳوڻي صوبائي وزير شرجيل انعام ميمڻ جي حفاظتي ضمانت منظور ڪري ورتي، شرجيل ميمڻ جو چوڻ آهي ته هو انصاف ڏيڻ تي عدالت جو ٿورائتو آهي. اسلام آباد هاءِ ڪورٽ ۾ اڳوڻي صوبائي وزير شرجيل انعام ميمڻ جي ڪرپشن بابت ڪيس جي ٻڌڻي ٿي. پي پي ايم پي اي شرجيل ميمڻ پنهنجي وڪيل سان گڏ عدالت ۾ پيش ٿيو، نيب جي وڪيل پاران حفاظتي ضمانت ڏيڻ جي مخالفت ڪئي وئي. جنهن تي جسٽس اطهر من الله پڇاڻو ڪندي چيو ته ٻڌايو وڃي ته شرجيل ميمڻ کي حفاظتي ضمانت ڇو نه ڏني وڃي، عدالت آڏو پيش ٿيو آهي انڪري هاڻي هو جوابدار ناهي. جسٽس محسن اختر ڪياني چيو ته ڇا هي ڪنهن به عدالت ۾ پيش نٿو ٿي سگهي. نيب جي وڪيل چيو ته شرجيل ميمڻ حفاظتي ضمانت جو غلط استعمال ڪيو. جنهن تي جسٽس اطهر من الله ريمارڪس ڏنا ته عدالت حڪم نه ڏيندي ته نيب جوابدار کي ڪراچي منتقل ڪري، جوابدار کي سنڌ هاءِ ڪورٽ ۾ پيش ٿيڻ گهرجي. عدالت دليل ٻڌڻ بعد شرجيل انعام ميمڻ جي 20 لک رپين جي مچلڪن عيوض 5 اپريل تائين حفاظتي ضمانت منظور ڪئي. ٻئي طرف اڳوڻي صوبائي وزير شرجيل ميمڻ ميڊيا سان ڳالهائيندي چيو ته پاڪستان اچي پاڻ کي عدالت آڏو پيش ڪيو آهي، انصاف ڏيڻ تي هو عدالت جو ٿورائتو آهي. سندس چوڻ هو ته هن ڪيس ۾ 16، 16 ماڻهو ضمانت تي آزاد آهن، اهو ريفرنس سندس غير موجودگي ۾ داخل ڪيو ويو هو.
هاڻي ملڪ ۾ ڪنهن به دهشتگرد تنظيم جو نيٽ ورڪ نه آهي: ڪنهن ڌر سان نرم رويو رکڻ جي ڳالهه ناهي ڪئي: چوڌري نثار
اسلام آباد (رپورٽ:زاهد ڪورائي) وفاقي گهرو وزير دهشتگرد تنظيمن سان نرم رويي واري تنقيد تي سينيٽ ۾ ڦاٽي پيو آهي، سندس چوڻ آهي ته ملڪ ۾ ڪنهن دهشتگرد تنظيم جو نيٽ ورڪ نه آهي، ڪنهن ڌر سان نرم رويو رکڻ جي ڳالهه ناهي ڪئي، هر ناڪامي گهرو کاتي تي نٿي مڙهي سگهجي. سينيٽ اجلاس ۾ پاليسي بيان ڏيندي چوڌري نثار چيو ته هر ناڪامي تي گهرو کاتي ڏانهن آڱر کنئي وڃي ٿي. هن چيو ته ڪنهن به پارٽي سان نرم رويو رکڻ جي ڳالهه ناهي ڪئي وئي. وفاقي گهرو وزير چيو ته هاڻي ملڪ ۾ ڪنهن به دهشتگرد تنظيم جو نيٽ ورڪ نه آهي، ڪراچي ۾ گڏيل سهڪار سان صورتحال بهتر بڻائي وئي. هن چيو ته دهشتگردن بابت ڪا به ڄاڻ آهي ته ٻڌائي وڃي سندن خلاف ڪارروائي ڪئي ويندي. چوڌري نثار چيو ته دهشتگردي ۽ فرقيواريت ۾ فرق آهي، هر ناڪامي گهرو کاتي تي نٿي مڙهي سگهجي.
اڳتي پڙهو
اڳتي پڙهو
سنڌ ۾ ڪرپشن خلاف  ”سنڌ ردالڪرپشن“ جي نالي سان اتحاد جڙي ويو
سجاول جي واهن ۾ واري اڏامڻ لڳي،شهر ۾ پاڻي کوٽ،هزارين ايڪڙن تي پوکيل فصل سڪڻ لڳا
لعلورائنڪ ۽ آس پاس جي ڳوٺن ۾ مڇرن جو آزار وڌي ويو،اسپتالن ۾ مليريا ۾ مبتلا مريضن جي رش
نارو لڳ اسڪول جي بلڊنگ زبون حالي جو شڪار،شاگردن خوف وچان اسڪول اچڻ ڇڏي ڏنو
آدم شماري سنڌ جي بقا جو مسئلو آهي، ڀرپور نموني حصو وٺي سازشن کي ناڪام بڻائينداسين:آل پارٽيز


اڳتي پڙهو
خريف ۾ پاڻيءَ جي کوٽ 10 کان 60 سيڪڙو تائين ٿي سگهي ٿي: پيئڻ جي پاڻيءَ جي فراهميءَ کي ترجيح ڏني وڃي: وڏو وزير***آدمشماري جو طريقيڪار چيلينج : خدشا آهن، معاملو شفاف نه ٿيو ته وفاق لاءِ نقصانڪار هوندو:پيپلزپارٽي***سنڌ هاءِ ڪورٽ ۾ ڊاڪٽر عاصم حسين جي ضمانت وارين ٻن درخواستن تي ڌرين جا دليل مڪمل، فيصلو محفوظ***اسلام آباد هاءِ ڪورٽ اڳوڻي صوبائي وزير شرجيل انعام ميمڻ جي حفاظتي ضمانت منظور ڪري ورتي ***سنڌ ۾ ڪرپشن خلاف  ”سنڌ ردالڪرپشن“ جي نالي سان اتحاد جڙي ويو***هاڻي ملڪ ۾ ڪنهن به دهشتگرد تنظيم جو نيٽ ورڪ نه آهي: ڪنهن ڌر سان نرم رويو رکڻ جي ڳالهه ناهي ڪئي: چوڌري نثار***سپريم ڪورٽ سنڌ ۾ شراب جي وڪري تي پابندي وارو سنڌ هاءِ ڪورٽ جو فيصلو معطل ڪري ڇڏيو***اسلام آباد هاءِ ڪورٽ حج ڪرپشن ڪيس ۾ حامد سعيد ڪاظمي، رائو شڪيل ۽ راجا آفتاب بري ڪري ڇڏيو***سجاول جي واهن ۾ واري اڏامڻ لڳي،شهر ۾ پاڻي کوٽ،هزارين ايڪڙن تي پوکيل فصل سڪڻ لڳا***لعلورائنڪ ۽ آس پاس جي ڳوٺن ۾ مڇرن جو آزار وڌي ويو،اسپتالن ۾ مليريا ۾ مبتلا مريضن جي رش***نارو لڳ اسڪول جي بلڊنگ زبون حالي جو شڪار،شاگردن خوف وچان اسڪول اچڻ ڇڏي ڏنو***آدم شماري سنڌ جي بقا جو مسئلو آهي، ڀرپور نموني حصو وٺي سازشن کي ناڪام بڻائينداسين:آل پارٽيز*** خريف ۾ پاڻيءَ جي کوٽ 10 کان 60 سيڪڙو تائين ٿي سگهي ٿي: پيئڻ جي پاڻيءَ جي فراهميءَ کي ترجيح ڏني وڃي: وڏو وزير***آدمشماري جو طريقيڪار چيلينج : خدشا آهن، معاملو شفاف نه ٿيو ته وفاق لاءِ نقصانڪار هوندو:پيپلزپارٽي***سنڌ هاءِ ڪورٽ ۾ ڊاڪٽر عاصم حسين جي ضمانت وارين ٻن درخواستن تي ڌرين جا دليل مڪمل، فيصلو محفوظ***اسلام آباد هاءِ ڪورٽ اڳوڻي صوبائي وزير شرجيل انعام ميمڻ جي حفاظتي ضمانت منظور ڪري ورتي ***سنڌ ۾ ڪرپشن خلاف  ”سنڌ ردالڪرپشن“ جي نالي سان اتحاد جڙي ويو***هاڻي ملڪ ۾ ڪنهن به دهشتگرد تنظيم جو نيٽ ورڪ نه آهي: ڪنهن ڌر سان نرم رويو رکڻ جي ڳالهه ناهي ڪئي: چوڌري نثار***سپريم ڪورٽ سنڌ ۾ شراب جي وڪري تي پابندي وارو سنڌ هاءِ ڪورٽ جو فيصلو معطل ڪري ڇڏيو***اسلام آباد هاءِ ڪورٽ حج ڪرپشن ڪيس ۾ حامد سعيد ڪاظمي، رائو شڪيل ۽ راجا آفتاب بري ڪري ڇڏيو***سجاول جي واهن ۾ واري اڏامڻ لڳي،شهر ۾ پاڻي کوٽ،هزارين ايڪڙن تي پوکيل فصل سڪڻ لڳا***لعلورائنڪ ۽ آس پاس جي ڳوٺن ۾ مڇرن جو آزار وڌي ويو،اسپتالن ۾ مليريا ۾ مبتلا مريضن جي رش***نارو لڳ اسڪول جي بلڊنگ زبون حالي جو شڪار،شاگردن خوف وچان اسڪول اچڻ ڇڏي ڏنو***آدم شماري سنڌ جي بقا جو مسئلو آهي، ڀرپور نموني حصو وٺي سازشن کي ناڪام بڻائينداسين:آل پارٽيز
اڄ جي اخبار
سنڌخبرون