سخت فيصلن سان معيشت بحال ٿي، غلطيون ٻيهر نه ورجايون وڃن: گورنر اسٽيٽ بينڪ

لاڳاپيل خبرون

موسمياتي تبديلي پاڪستان لاءِ فوري ۽ سنگين معاشي حقيقت بڻجي چڪي آهي: محمد اورنگزيب

پارليامينٽ جي بالادستي تي ڪو به سمجهوتو نه ڪيو ويندو: اياز صادق

جنگ جي ميدان جيان معاشي ميدان ۾ به ڪاميابيون ماڻينداسين: شهباز شريف

ڪراچي: (مانيٽرنگ ڊيسڪ) اسٽيٽ بينڪ جي گورنر جميل احمد چيو آهي ته ناڻي جي  مٽاسٽا جا ذخيرا 14 ارب ڊالر کان مٿي ٿي ويا آهن. حڪومت  ۽ مرڪزي بينڪ جي سخت فيصلن سبب معيشت بحال ٿي آهي، اڳ جهڙيون غلطيون ٻيهر نه ورجايون وڃن. ويمن آنئرپرينيور فنانس ڪوڊ پاڪستان جي افتتاحي تقريب کي خطاب ڪندي اسٽيٽ بينڪ جي گورنر چيو ته افراط زر گهٽ ترين سطح تي آهي، ترسيلات زر ۽ برآمدات سبب ڪرنٽ اڪائونٽ سرپلس ٿيو آهي. جميل احمد وڌيڪ چيو ته پاڪستان ۾ پائيدار طريقي سان معاشي سرگرميون وڌي رهيون آحن، مالياتي پاليسي زري پاليسي کي سپوٽ ڪيو جنهن سبب معاشي بهتري ٿي آهي. هن چيو ته ماضي جي مسئلن کان بچڻ جي لاءِ ضروري آهي ته غلطيون نه ورجايون وڃن. اسان کي انهي موقعي مان فائدو کڻي پائيدار معيشت طرفان وڌڻو پوندو.