DailyWaka Sindhi News Paper
Related Articles
اسلام آباد ( مانيٽرنگ ڊيسڪ ) وزيراعظم جي سڌ سماءَ بابت صلاحڪار فردوس عاشق اعواڻ چيو آهي ته آصف علي زرداري حساب ڪتاب بند ڪرڻ جو مطالبو ڪري اين آر او گهريو آهي، سنڌ جي وڏي وزير ننڍي چونڊ ۾ ناڻي جا منهن کولي ڇڏيا آهن، وزيراعظم جي دوري ۾ نه ميديا ٽاڪ ٿي ۽ نه وري سياسي بيان جاري ٿيو، اليڪشن ڪميشن جو نوٽيس حيرت جوڳي ڳالهه آهي. اسلام آباد ۾ ميڊيا سان ڳالهائيندي فردوس عاشق اعواڻ چيو ته اليڪشن ڪميشن وزيراعظم کي نوٽيس جاري ڪيو جنهن تي حيرت ٿي آهي. هن چيو ته ڪابينا جي ميمبر جي لاڏاڻي تي وارثن کي مدد جي خاطري ڪرائي وئي، نه ڪا ميڊيا ٽاڪ ٿي ۽ نه وري سياسي بيان جاري ڪيا ويا. سندس چوڻ هو ته پ پ جو اميدوار ڪاغذ جمع ڪرائڻ به پوليس جي گاڏين سميت ويو، پ پ اڳواڻ باقاعده سرڪاري وسيلن سان چونڊ مهم هلائي رهيو آهي. فردوس عاشق اعواڻ چيو ته وزيراعظم پاڪستان جي ادارن کي مضبوط ڪرڻ چاهي ٿو، هڪ اڳواڻ پراڊڪشن آرڊر تي اسيمبلي آيو ۽ تقرير ڪئي، همراهه تقرير دوران دٻيل لفظن ۾ اين آر او گهريو. هن چيو ته همراهه جو چوڻ هو ته حساب ڪتاب بند ٿيڻ گهرجي، وزيراعظم واضح ڪيو آهي ته حساب ڪتاب جو عمل جاري رهندو. فردوس عاشق اعواڻ چيو ته عمران خان ادارن کي آزاد ڪيو آهي، طاقتور ادارن کي يرغمال ڪيو جن کي آزاد ڪيو پيو وڃي. هن چيو ته هڪ دستور جو ڪتاب آهي سڀني کي ماتحت ٿيڻو پوندو، اسان کي زندگي گذارڻ لاءِ قانون جي ماتحت ٿيڻو پوندو، قائد اعظم جي خواب کي پورو ڪرڻو آهي.
