مراد سعيد جي نوٽيس بابت ميڊيا تي ٻڌو اٿم: ريحام

لاڳاپيل خبرون

عمران خان عوام کي ڏيڻ بدران ڦريو آهي، اٽو، کنڊ، گئس عوام کان ڦريو آهي: بلاول ڀٽو

ملڪ توڙڻ کي وساريو پر مري سانحو وسرڻ نه ڏينداسين: لاهور هاءِ ڪورٽ

پ پ سنڌ ۾ 15 سالن کان حڪومت ۾ آهي پر حالتون توهان جي سامهون آهن : شاهه محمود قريشي

ڪراچي (مانيٽرنگ ڊيسڪ) وزيراعظم عمران خان جي اڳوڻي گهر واري ريحام خان چيو آهي ته ڪنھن سياسي پارٽي ۾ شامل نھ پئي ٿيان، مراد سعيد جي ليگ نوٽيس بابت اخبار مان خبر پئي، جڏهن به ڪراچي اچان ٿي ته رستا اڳي کان وڌيڪ ٽٽل نظر اچن ٿا، اھا حالت رھي ته ماڻھو ڪراچي نه ايندا، پر ھتي سٺا کاڌا ملن ٿا. ڪراچي پريس ڪلب ۾ پريس ڪانفرنس ڪندي هن چيو ته هن وقت حڪمران ۽ مخالف ڌر سڀ ڌرڻن ۾ آھن ته پوءِ ڪم ڪري ڪير پيو، اسان جي ھن ملڪ ۾ معاشي سميت اھم مسئلا آھن. هن چيو ته مھانگائي رڳو بيان جي حد تائين نه ھجي، انهيَ تي سياستدانن کان پڇا ڪرڻ گھرجي ته اھي سينيٽ ۽ قومي اسمبلي ۾ ڇو نٿا ڳالھائين. هن چيو ته پريس ڪانفرنس ڪير به ڪري سگھي ٿو، مني جيٽ کي سينٽ ۾ اپوز ڇو نٿو ڪيو وڃي، آئون لسانيت يا ڪنهن ھڪ مخصوص گروھ کي سپورٽ نٿي ڪريان پر پھرين پنهنجي خاندان کي بھتر مدد ڪندس ته ٻين جي به حقن لاءِ ڪم ڪري سگھنديس. هن چيو ته جيستائين جنهن جي نمائندگي حق آھي اھو نه ڪندو ته ٻيو ڪير ڪيئن ڪندو، آئون جڏھن سياست ۾ اينديس ته پوءِ ڏسنديس. هن چيو ته مان اڳ ۾ به 2016 ۾ به ڪراچي پريس ڪلب آئي ھيس، ڪراچي ۾ مون ڪڏهن جاب ناھي ڪئي پر اچڻ وڃڻ رھيو  آھي، خبر ۾ نٿي رھڻ چاھيان ته به خبرن ۾ اچي وڃان ٿي، خدا ھن حڪومت کي موقعو ڏي ته جيئين منھنجون وڌيڪ ڳالهيون به سچيون ٿين، آئون عورتن جي مدد ڪرڻ چاھيان ٿي. هن چيو ته اسان جو بيانيو ڪنهن ٻئي جي ھٿ ۾ ھوندو آھي جيڪو پنهنجي ھٿ ۾ ھجڻ گھرجي، منهنجي ذھن ۾ جھموريت آھي، ملڪ ۾ ھجي يا نه ھجي، سڀ کان پھرين اوھان جو حق آھي ته پگھار پوري ملي. هن چيو ته مراد سعيد جي ليگل نوٽيس بابت خبر اخبار ۾ ملي، جيڪڏهن ڪو ٻيووڌيڪ پبلسٽي ڏيڻ چاھي ٿو ته ڀلي ڏي، منهنجي سياست جون ڳالهيون تڏھن به ٿيون پئي جڏھن بني گالا ۾ شامي ڪباب پئي ٺاھيا. هن چيو ته باقي ڪھڙي پارٽي ۾ شامل ٿئي ته ووٽ وجھڻ وقت ڪنفيوزيشن ھجي ٿي ته جوائن ڪرڻ وقت به ڪنفيوزشن آھي جنهن پارٽي مان جڏھن آفر ٿيندي ته پوء ڏسنديس. هن چيو ته اڄ ھڪڙي ڀاءُ جي ڪري ھتي آئي آھيان، هرپيج پڙھڻ جھڙو آھي، جن ماڻهوَ چاھيو اھو ڪتاب پاڪستان ۾ نه اچي پر اھو اچي ويو آھي. هن چيو ته جيڪو تنقيد ڪري ٿو اھو دوست نٿو ٿي سگهي،عورتن جي لاءِ سماج مون انھي ڪري لکيو ته جن عورتن به پڙھيو آھي انهن جو چوڻ آھي ته اھو انهن سان به ٿيو آھي اھو ڪتاب ريحام خان ئي لکي سگھي ٿي، مون تي ڪنهن جو ڪنثرول نه ھو نه قبول ڪندي آھيان، مون پنهنجون غلطيون به لکيون آھن انھي سان ماڻهن کي ھمت ملي آھي.