پنجاب ۾اکين جي متاثرن سان ٿيندڙ افسوسناڪ واقعي تي افسوس آهي : سعد خالد نياز

لاڳاپيل خبرون

سينيٽ جي ڇهن سيٽن لاءِ ننڍي چونڊ، پ پ چار، ن ليگ ۽ جي يو آءِ هڪ، هڪ سيٽ کٽي ورتي

سنڌ ۾ امن امان جي صورتحال اطمنان جوڳي آهي ارسا جي چيئرمين جي مقرري تي خدشا هئا: وڏي وزير

پي ٽي آءِ باني سان اڊياله جيل ۾ ملاقات جو مڪينزم طئي ڪرڻ جو حڪم

ڪراچي(اسٽاف رپورٽر) سنڌ جي صحت، سماجي ڀلائي ۽ پبلڪ هيلٿ انجنيئرنگ واري نگران وزير ڊاڪٽر سعد خالد نياز پنجاب ۾ اکين جي متاثرن سان ٿيل افسوسناڪ واقعي تي افسوس جو اظهار ڪيو آهي. هن چيو ته الحمدالله سنڌ ۾ هن وقت تائين ايواسٽن انجيڪشن جو ڪو به ڪيس سامهون ناهي آيو. هن چيو ته هن وقت تائين جي ابتدائي ڄاڻ موجب سمورا متاثر ٿيل اکين جي انفيڪشن ۾ مبتلا هئا، جن کي مخصوص برانڊ جي دوا استعمال ڪرڻ سان متاثر ٿيڻ جو اطلاع آهي، ان ڪري مخصوص برانڊ جي دوا تي ڪارروائي ڪئي ويندي. هن چيو ته اکين جي نقصان کي روڪڻ تمام ضروري آهي، سنڌ ۾ ڪو به اڻ وڻندڙ واقعو پيش اچڻ کان اڳ ڪنهن خاص برانڊ جي دوا کي عارضي طور تي بند ڪيو وڃي. هن چيو ته اسان سڄي سنڌ جي اکين جي ماهرن سان رابطي ۾ آهيون. هن سڄي سنڌ ۾ اکين جي بيمارين جي ماهرن کي تاڪيد ڪئي ته اهي اکين جي انجيڪشن جي استعمال ۾ وڌيڪ احتياط ڪن ۽ عوام کي اپيل ڪئي ته اهي دوا استعمال ڪرڻ کان اڳ پنهنجي مقامي اکين جي ماهرن سان رابطو ڪن. هن چيو ته ڏسڻو اهو آهي ته اهي واقعا ان جي استعمال سبب پيش آيا يا ڪو ٻيو سبب آهي، برانڊ ڊسٽريبيوٽرز ۽ پروڊيوسرز طرفان دوائن جي ناقص تياري به ان جو سبب ٿي سگهي ٿو. هن چيو ته هي هڪ وڏو ٽيڪنيڪل مسئلو آهي جنهن ۾ ماهرن جا رايا تمام ضروري آهن ان ڪري جڏهن وڌيڪ تفصيل سامهون ايندا ته تفصيل سان آگاهه ڪيو ويندو.