نڪور خبرون
Home / سنڌ / سنڌ ڪابينا جي اجلاس ۾ ڪمند جو في مڻ اگهه 192 رُپيا مقرر ڪرڻ جي منظوري

سنڌ ڪابينا جي اجلاس ۾ ڪمند جو في مڻ اگهه 192 رُپيا مقرر ڪرڻ جي منظوري

ڪراچي (مانيٽرنگ ڊيسڪ) سنڌ سرڪار ڪمند جو في مڻ 192 رُپيا مقرر ڪرڻ ڪرڻ جي منظوري ڏئي ڇڏي، جڏهن ته ڪريشنگ سيزن 30 نومبر کان شروع ٿيڻ ۽ آبادگارن لاءِ 50 پئسا في ڪلوگرام پريميئم جي به منظوري ڏني وئي آهي. وڏي وزير مراد علي شاهه جي سربراهيءَ ۾ سنڌ ڪابينا جي اجلاس ۾ چيف سيڪرِتري سنڌ، صوبائي وزيرن، صلاحڪارن، خصوصي معاونن ۽ ٻين آفيسرز شرڪت ڪئي. وزيراعليٰ هائوس جي ترجمان جي پڌرائي موجب اجلاس ۾ سال 2019-20ع لاءِ ڪمند جو اگهه مقرر ڪرڻ، شاگرد يونين جي بحاليءَ لاءِ ترميمي بل ۽ ايجنڊا ۾ شامل ٻين معاملن تي غور ويچار ڪيو ويو. ڪمند جي اگهه جي منظوري سنڌ ڪابينا ڪمند جو اگهه 192 رُپيا في مڻ مقرر ڪرڻ جي منظوري ڏئي ڇڏي، جڏهن ته صوبائي وزير اسماعيل راهو اجلاس کي بريفنگ ڏني ته پنجاب حڪومت ڪمند جو في مڻ اگهه 190 رُپيا مقرر ڪيو آهي، جڏهن ته کنڊ جو اگهه 66 رُپيا في ڪلو مقرر ڪيو ويو آهي. سنڌ ۾ هن وقت 26 شگر ملز ۾ ڪريشنگ هلي رهي آهي. سنڌ ڪابينا شگر ملز ۾ ڪريشنگ جي تاريخ 30 نومبر مقرر ڪري ڇڏي. اُن کانسواءِ آبادگارن لاءِ 50 پئسا في ڪلوگرام تي پريميئم جي منظوري ڏني وئي آهي.

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے