Home / پاڪستان / پشاور هاءِ ڪورٽ جو فيصلو ڪالعدم، سرڪاري آفيسون وراثتي شيءِ نه آهن: چيف جسٽس

پشاور هاءِ ڪورٽ جو فيصلو ڪالعدم، سرڪاري آفيسون وراثتي شيءِ نه آهن: چيف جسٽس

اسلام آباد (مانيٽرنگ ڊيسڪ) سپريم ڪورٽ چيو آھي تھ فوتي ملازم جَي اولاد کي نوڪريون ڏيڻ جو قانون عجيب آهي، ائين نٿو ٿي سگهي تھ پيءُ جي فوت ٿيڻ بعد سندس پٽ ڀرتي ٿي وڃي، سپريم ڪورٽ طرفان سروس دوران فوت ٿيل سرڪاري ملازمن جَي ٻارن کي نوڪريون ڏيڻ بابت ڪيس ۾ ريمارڪس ڏنا ويا.  چيف جسٽس ريمارڪس ڏنا ته اي ايس آءِ جو پٽ چئي ٿو مونکي ڊائريڪٽ ڊي ايس پي مقرر ڪيو، جسٽس مظهر عالم ميان خيل ريمارڪس ڏنا ته شروعاتي طور تي اهو قانون پوليس ۽ ٻين شهيدن لاءِ هو، ايڊيشنل اٽارني جنرل چيو ته وزير اعظم پيڪيج 2005 کان لاڳو  ٿيو، جنهن تي چيف جسٽس چيو ته سرڪاري آفيسون وراثت ۾ ملڻ واري شئي ناهي، عدالت فوتي ملازم جي پٽ کي سرڪاري نوڪري ڏيڻ بابت پشاور هاءِ ڪورٽ جو حڪم ڪالعدم قرار ڏئي ڇڏيو. سپريم ڪورٽ وفاقي حڪومت سميت چئني صوبن کان سرڪاري گهرن جا تفصيل طلب ڪري ورتا، ڪيس جي ٻڌڻي دوران عدالت ريمارڪس ڏنا ته سنڌ حڪومت رڳو ڪراچي جي رهائشگاهن جا تفصيل جمع ڪرايا، صوبائي حڪومت کي ٻين ضلعن ۾ موجود سرڪاري رهائشگاهن جا تفصيل به جمع ڪرائڻ جو حڪم ڏنو ويو، سپريم ڪورٽ بلوچستان حڪومت ۽ سي ڊي اي کان به سرڪاري رهائشگاهن جا تفصيل طلب ڪري ورتا آھن.

بابت admin

هي به ڏسي سگهو ٿا

مريم نواز ۽ صفدر ضمانت جو ناجائز فائدو پيا وٺن، رد ڪئي وڃي: نيب جي استدعا

اسلام آ باد (مانيٽرنگ ڊيسڪ) قومي احتساب بيورو (نيب) مريم نواز ۽ سندس مڙس ڪيپٽن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے