فاطمه قتل ڪيس: فياض شاهه 5 ڏينهن جي جسماني ريمانڊ تي پوليس حوالي

لاڳاپيل خبرون

سنڌ ۾ امن امان جي صورتحال اطمنان جوڳي آهي ارسا جي چيئرمين جي مقرري تي خدشا هئا: وڏي وزير

سڄي سنڌ ۾ منشيات فروشن خلاف سخت ڪريڪ ڊائون جو فيصلو

ڪراچي ۾اسٽريٽ ڪرائم ۽ ڌاڙيلن خلاف سمورا وسيلا ڪتب آڻينداسين: مقبول باقر

خيرپور: (ويب ڊيسڪ) راڻيپور ۾  تشدد ڪري ماريل معصوم ٻارڙي فاطمه قتل ڪيس جي جوابدار فياض شاهه سميت ٻن جوابدارن کي 5 ڏينهن جي جسماني ريمانڊ تي پوليس جي حوالي ڪيو ويو آهي.جوابدار فياض شاهه ۽ جوابدار منصور بٽ کي دهشتگردي جي انت واري عدالت ۾ پيش ڪيو ويو، پوليس طرفان 14 ڏينهن جي جسماني ريمانڊ جي  استدعا ڪئي وئي هئي ٻنهي جوابدارن کي سخت سيڪيورٽي ۾ ٿاڻي منتقل ڪيو ويو.ايس ايس پي عابد بلوچ  ٻڌايو آهي ته مقتول فاطمه جي وارثن جي خدشن تي خانواهڻ جي ايس ايڇ او کي معطل ڪيو آهي. ٻارڙي جي وارثن جي الزامن تي ايس ايڇ او عبدالغني دايو خلاف جاچ جا حڪم ڏنا ويا آهن.پوليس موجب فياض شاهه کي فاطمه قتل ڪيس ۾ نه پر ڪٺ ڪوٺائي ڌمڪيون ڏيڻ واري ڪيس ۾ گرفتار ڪيو ويو آهي. گذريل ڏينهن فياض شاهه گرفتاري کان اڳ دستگير هائوس تي پريس ڪانفرنس دوران قرآن تي هٿ رکي چيو هو ته فاطمه جي قتل سان منهنجو، منهنجي ڌيءَ حنا شاهه ۽ ناٺي اسد شاهه جو ڪوبه تعلق نه آهي.