ڪراسنگ پوانئٽس تي سهولت لاءِ عورتون ۽ ٻارڙا بائيوميٽرڪ کان آجا هوندا: سرفراز بگٽي

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

اسلام آباد (مانيٽرنگ ڊيسڪ)  نگران گهرو وزير سرفراز بگٽي چيو آهي ته ڪراسنگ پوانئٽس تي سهولت لاءِ عورتون  ۽ ٻارڙا بائيوميٽرڪ کان آجا هوندا. نگران گهرو وزير سرفراز بگٽي سان افغان ناظم الامور  سردار احمد شڪيب ملاقات ڪئي.  ملاقات ۾  ٻه طرفو معاملا ۽ افغان شهرين جي پنهنجي وطن واپسي جي حوالي سان ڳالهه ٻولهه ڪئي وئي. نگران وزير چيو ته پاڪستان ۾ غير قانوني طور رهندڙ پرڏيهين جي واپسي جو سلسلو جاري آهي. گهرو وزير چيو ته هدايتون جاري  ڪيون آهن ته پنهنجي وطن واپس ويندڙن سان عزت اهترام سان پيش اچڻ گهرجي. نگران وزير چيو ته پروف آف رجسٽريشن ۽ افغان اسٽيشن   ڪارڊ رکندڙ ماڻهن جي خلاف ڪائي ڪارروائي عمل  ۾ نه پئي آندي وڃي. نگران گهرو وزير چيو ته ان ڏس ۾ ڪنهن ڪوتاهي ۽ بدتميزي کي برداشٽ نه ڪيو ويندو. هن چيو ته گهرو وزارت ۾ ان ڏس ۾ ڪنٽرول سينٽر ۽ هيلپ لائن قائم ڪئي وئي آهي. افغان سفارت خانو هڪ نمائيندو مقرر ڪري جيڪو شڪايتن جي فوري حل لاءِ ڪنٽرول سينٽر سان هر وقت رابطي ۾ رهي نگران گهرو وزيري چيو ته ڪرااسنگ پوائنٽس تي سهولت لاءِ عورتون ۽ ٻارڙا بائيو ميٽرڪ کان آجا هوندا.