نڪور خبرون
Home / پاڪستان / پارليامينٽ کان اختيار وٺندڙ سمورا ادارا پارلياماني بالادستي کي قبول ڪري: بلاول ڀٽو

پارليامينٽ کان اختيار وٺندڙ سمورا ادارا پارلياماني بالادستي کي قبول ڪري: بلاول ڀٽو

اسلام آباد (مانيٽرنگ ڊيسڪ) پاڪستان پيپلز پارٽي جي چيئرمين  بلاول ڀٽو زرداري چيو آهي ته تحريڪ انصاف ۽(ن) ليگ آرمي ايڪٽ واري بل ۾ پارلياماني قائدا نظر انداز ڪرڻ چاهين ٿا.پ پ پارليامينٽ جي بالادستي ۽ جمهوريت جي لاءِ هميشه جدوجهد ڪندي رهندي آهي. رپورٽ موجب بلاول ڀٽو زرداري ٽوئٽر تي پيغام ڏيندي چيو ته جڏهن مان اسلام آباد پهتس ته(ن) ليگ ۽ پي ٽي آءِ آرمي ايڪٽ جي غير مشروط حمايت ڪري ايوانن کان منظوري جو فيصلو ڪري چڪيون هيون.ٻئي پارٽيون فيصلو ڪري چڪيون هيون ته پارلياماني قاعدن ۽ ضباطن کي نظر انداز ڪيو وڃي ۽ بل کي نه ته سمورن اسيمبلي ميمبرن کي ڏنو وڃي ۽ نه ئي ان  کي اسٽينڊنگ ڪميٽي ڏانهن موڪليو ويندو. بلاول ڀٽو چيو ته مان خوش آهيان ته سموريون پارٽيون بل کي واپس قومي اسيمبلي جي اسٽينڊنگ ڪميٽي ۾ موڪلڻ تي گڏ ٿيون. ٻنهي ايوانن جي قائدن ۽ ضابطن جي پاسداري سان گڏ هي بل سينيٽ جي اسٽينڊنگ ڪميٽي ۾ به نظرثاني جي لاءِ  ويندو.بلاول  ڀٽو چيو ته پارليامينٽ کان اختيار وٺندڙ سمورا ادارا پارلياماني بالادستي کي قبول ڪري اسان سان قانونسازي جو چئي رهيا آهن. هي سٺو سنئوڻ آهي ته هڪ سال کان وڌيڪ عرصو غير فعال رهندڙ پارليامينٽ قانونسازي جي لاءِ تيار آهي. بلاول ڀٽو وڌيڪ چيو ته هي ان جي لاءِ اهم ڪاميابيون آهن جيڪي پارلياماني بالادستي ۽ جمهوريت جي لاءِ هميشه جدوجهد ڪندا رهندا آهن.

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے