نڪور خبرون
Home / انٽرنيشنل / عراق جي گادي واري شهر ۾ جنرل سليماني جي جنازي نماز ، امريڪا خلاف نعريبازي

عراق جي گادي واري شهر ۾ جنرل سليماني جي جنازي نماز ، امريڪا خلاف نعريبازي

بغداد (مانيٽرنگ ڊيسڪ) ايران جي پاسدارانِ انقلاب جنرل سليماني تي امريڪي حملي کي طاقت جي هڪ نئين باب جي شروعات قرار ڏيندي چيو آهي ته امريڪا جي هاڻوڪي خوشيءَ کي جلد سوڳ ۾ تبديل ڪيو ويندو. بغداد ۾ هزارن جي تعداد ۾ ماڻهو جنرل سليماني جي قتل خلاف رستن تي نڪري آيا. عراق جي گادي واري شهر بغداد ۾ امريڪي ڊرون حملي ۾ قتل ٿيل ايراني فوجي ڪمانڊر جنرل قاسم سليماني جي جنازي نماز ادا ڪئي وئي، جنهن ۾ هزارن جي تعداد ۾ ماڻهن شرڪت ڪئي. ايراني پاسدارانِ انقلاب جي قدس فورس جي سربراهه جنرل قاسم سليماني جو مڙهه ايران نيئڻ بعد اباڻي علائقي ۾ دفنايو ويندو. جنرل سليماني جي جنازي نماز کان اڳ صبح جي وقت ئي بغداد ۾ هزارن جي تعداد ۾ ماڻهو جلوسن جي صورت ۾ ٻاهر نڪري آيا، مظاهرين عراقي ۽ مليشيا جو جهنڊو لهرائيندي امريڪا خلاف اُڀ ڏاريندڙ نعرا هڻي رهيا هئا. امريڪا جي خوشي جلد سوڳ ۾ تبديل ڪنداسين: پاسدارانِ انقلاب ٻئي پاسي سموري ايران ۾ جنرل سليماني جي قتل تي سوڳ ملهايو پيو وڃي ۽ جڏهن ته حڪومت طرفان ٽن ڏينهن تائين سوڳ جو اعلان ڪيو ويو آهي. ايراني صدر ۽ سُپريم ڪمانڊر کانپوءِ پاسدارانِ انقلاب جي ترجمان به امريڪا کي پلاند جي ڌمڪي ڏئي ڇڏي آهي. پاسدارانِ انقلاب جي ترجمان جاري ڪيل هڪ بيان ۾ امريڪا کي سخت قسم جي وارننگ ڏيندي چيو آهي ته هاڻوڪي امريڪي حملي کانپوءِ طاقت جي هڪ نئين بابت جي شروعات ٿي چڪي آهي. امريڪا جي هاڻوڪي خوشيءَ کي جلد سوڳ ۾ تبديل ڪري ڇڏينداسين.

About admin

هي به ڏسي سگهو ٿا

سنڌ سميت سڄي ملڪ ۾ ڪرونا سبب صورتحال ڳڻتي جوڳي، ڪيس 64 هزارن کان وڌي ويا

ڪراچي/اسلام آباد (مانيٽرنگ ڊيسڪ) ملڪ ۾ ڪورونا وبا وڌيڪ 44 حياتيون ڳڙڪائي ڇڏيون، فوتين جو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے