پارليامينٽ جي بالادستي تي ڪو به سمجهوتو نه ڪيو ويندو: اياز صادق

لاڳاپيل خبرون

اسلام آباد بلدياتي چونڊن ۾ دير: اليڪشن ڪميشن وفاقي گهرو وزير کي ذاتي حيثيت ۾ طلب ڪري ورتو

پاڪستان ۽ انڊونيشيا پاران وچ اوڀر ۾ وڌندڙ بحران تي گهري ڳڻتي جو اظهار

ايران کان 1979 ماڻهون پاڪستان داخل ٿي چڪا آهن: سرفراز بگٽي

اسلام آباد(مانيٽرنگ ڊيسڪ)قومي اسيمبلي جي اسپيڪر سردار اياز صادق جمهوريت مخالف عنصرن کي هڪ سخت پيغام ڏنو آهي، پارليامينٽ، آئين ۽ قانون جي بالادستي جي حفاظت لاءِ پنهنجي عزم کي ورجايو آهي.قومي اسيمبلي جي اسپيڪر سردار اياز صادق پنهنجي بيان ۾ چيو آهي ته پارليامينٽ جي بالادستي تي ڪو به سمجهوتو نه ڪيو ويندو. هن چيو ته جمهوريت ۽ ايوان خلاف هر سازش کي ناڪام بڻايو ويندو، ۽ جيڪي ماڻهو ان خلاف سازشون ڪن ٿا انهن کي پهريان پنهنجي گريبان ۾ ڏسڻ گهرجي.سردار اياز صادق چيو ته نگهبان جي حيثيت سان پارليامينٽ جي حفاظت ڪرڻ سندس ذميواري آهي، ۽ پارليامينٽ، آئين، قانون ۽ امن امان تي ڪو به سمجهوتو نه ٿو ٿي سگهي. مضبوط موقف اختيار ڪندي هن چيو ته پارليامينٽ کي جعلي سڏڻ جو ڊرامو هاڻي نه هلندو، جڏهن ته جيڪي ماڻهو ايوان ۾ ويهي ان خلاف سازشون ڪندا آهن اهي رياست جا دشمن آهن.