27هين آئيني ترميمي بل 7 نومبر تي سينيٽ اجلاس ۾ پيش ڪيو ويندو

لاڳاپيل خبرون

قلات ۾ سيڪيورٽي فورسز جي ڪارروائي، ڀارتي پراڪسي فتنته الخوارج جا 4 دهشتگرد مارجي ويا

پاڪستان جو ويزن دوحه پڌرنامي جي روح سان هم آهنگ آهي: صدر

ارڙهين ترميم ۾ صوبن ۽ مرڪز وٽ جيڪي وسيلا آهن انهن کي بيلنس ڪرڻ جي ضرورت آهي: راڻا ثناءُالله

اسلام آباد: (مانيٽرنگ ڊيسڪ) 27هين آئيني ترميمي بل 7 نومبر تي سينيٽ اجلاس ۾ پيش ڪيو ويندو. ذريعن موجب سينيٽ ۽ قومي اسيمبلي جون قائمه ڪميٽيون بل جو اجلاس ۾ جائزو وٺنديون.ذريعن وڌيڪ ٻڌايو آهي ته 27هين آئيني ترميم جو بل ايندڙ هفتي منظور ڪيو ويندو. ياد رهي ته وفاقي حڪومت 27هين آئيني ترميم جون تياريون شروع ڪري ڇڏيون آهن. 27هين آئيني ترميم ۾ آرٽيڪل 243 ۾ ترميم ڪئي ويندي جنهن جو مقصد آرمي چيف کي ڏنل فيلڊ مارشل جي عهدي کي آئين ۾ شامل ڪرڻ ۽ انهي کي مڃڻ آهي.مجوزه ترميم ۾ آئيني عدالتن جو معاملو به شامل آهي، ايگزيڪٽو جي مئجسٽريٽ پاور جي ڊسٽرڪٽ ليول تي ورهاست تي به مجوزه ترميم ۾ شامل هوندي. انهي سان گڏ پوري ملڪ ۾ هڪ ئي نصاب جو هجڻ به 27هين ترميم جي تياري ۾ غور هيٺ اچڻ جو امڪان آهي.