نڪور خبرون
Home / سنڌ / سنڌ جي تقسيم واري ڳالهه تي پي ٽي آئي ۽ جي ڊي اي وارن جي خاموشي افسوس ناڪ آهي: اسماعيل راهو

سنڌ جي تقسيم واري ڳالهه تي پي ٽي آئي ۽ جي ڊي اي وارن جي خاموشي افسوس ناڪ آهي: اسماعيل راهو

ڪراچي(مانيٽرنگ ڊيسڪ)پاڪستان پيپلزپارٽي جي اڳواڻ ۽ زراعت واري صوبائي وزير اسماعيل راهو چيو آهي ته ايم ڪيو ايم بار بار نئين صوبي جو مطالبو ڪري سنڌ ۾ جهيڙا ڪرائڻ چاهي ٿي. اسماعيل راهو ايم ڪيو ايم پاران قومي اسمبلي ۾ نئين صوبي جو بل پيش ڪرڻ تي ردعمل ڏيندي وڌيڪ پنهنجي جاري ڪيل بيان ۾ چيو ته ايم ڪيوايم جي ان حرڪت جي مذمت ڪيون ٿا، ايم ڪيو ايم پاڻ کي زنده رکڻ لاءِ بار بار تقسيم جي ڳالهه ڪري پئي، بهادر آباد تائين محدود جماعت صوبو تقسيم ڪرڻ وارو بل قومي اسمبلي مان واپس وٺي ۽ سنڌ جي عوام کان معافي وٺي نه ته سنڌ جو عوام انهن کي معاف نه ڪندو. هن چيو ته سنڌ ڌرتي ماءُ جهڙي طرح ٻاهران آيلن کي پناهه ڏني ان جو مطلب هرگزاهو ناهي ته ٻاهران آيل ڪير به ان کي ٽوڙڻ جي ڳالهه ڪري.صوبائي وزير ايم ڪيو ايم وارن کي مشورو ڏيندي چيو ته اهي سنڌ جو ورهاڱو ڇڏي ڏين، پنهنجي جماعت کي وڌيڪ تقسيم ٿيڻ کان بچائن ڇو جو وڌيڪ هڪ ٻيو گروپ فروغ نسيم جي سربراهي ۾ بڻجڻ وارو آهي،سنڌ جي تقسيم واري ڳالهه تي پي ٽي آئي ۽ جي ڊي اي وارن جي خاموشي افسوس ناڪ آهي، ڇا پي ٽي آئي ۽ جي ڊي اي به ان سازش جو حصو آهن؟ اسماعيل راهو چيو ته ايم ڪيو ايم هاڻ به لندن مان ايندڙ اشارن تي هلي رهي آهي، جڏهن به رموٽ جو بٽڻ لنڊن مان آن ٿئي ٿو ته ايم ڪيو ايم پاڪستان وارا نچڻ شروع ڪن ٿا.

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے