ڌاڙيلن لاءِ پاليسي چٽي آهي، عام معافي نه ملندي، ڪيسز کي منهن ڏيڻو پوندو: ضياءَ لنجار

لاڳاپيل خبرون

آزاد ڪشمير ۾ ان هائوس تبديلي معاملو، پيپلز پارٽي جو فارورڊ بلاڪ سان رابطو، صدر جو وزيراعظم سان رابطو

افغانستان مان دراندازي جي ڪوشش ناڪام، 4 آپگهاتي بمبارن سميت 25 خارجي مارجي ويا، 5 جوان شهيد

وزيراعظم جو سڄي ملڪ جي گهريلو واهپيدارن لاءِ گيس ڪنيڪشن کولڻ جو اعلان

گهوٽڪي: (مانيٽرنگ ڊيسڪ) صوبائي گهرو وزير سنڌ ضياءُالحسن لنجار چيو آهي ته حڪومت جي ڌاڙيلن خلاف سرينڊر پاليسي چٽي آهي، اها عام معافي نه آهي، ڪيسز ۾ عدالتن کي منهن ڏيڻو پوندو.صوبائي گهرو وزير ضياءُالحسن چيو ته گهوٽڪي ۾ قبائلي تڪرار ختم ڪرائڻ جي لاءِ سردارن تي دٻاءُ وڌو پيو وڃي، جيڪي ڌاڙيل سرينڊر نه ڪندا انهن جي خلاف ڀرپور آپريشن ڪيو ويندو.هن چيو ته شڪارپور، ڪشمور ۽ ڪنڌڪوٽ ۾ آپريشن جاري آهي، گهوٽڪي ۾ به وڏي پيماني تي آپريشن جي منصوبه بندي ڪئي پئي وڃي. ضياءُالحسن لنجار چيو ته ڪچي جي زمين ڪنهن ڪمپني يا ماڻهو کي نه ڏني ويندي، اهي زمينون ٻيلي کاتي ۽ مقامي رهواسين جون ملڪيتون آهن.صوبائي گهرو وزير چيو ته شهيد صحافي جان محمد مهر جو مُک قاتل مارجي چڪو آهي، نصرالله گڏاڻي جي قتل  ۾ ملوث جوابدار عدالتي ڪيسز کي منهن ڏئي رهيا آهن. ضياءُالحسن لنجار سنڌ بار ڪونس جي چونڊن ۾ پروگريسو پينل جي اميدوارن جي حمايت ڪندي وڪيلن کان وڌ کان وڌ ووٽ ڏيڻ جي اپيل ڪئي.