پنجاب حڪومت جي سفارش، وفاقي ڪابينا انتها پسند جماعت تي پابنديءَ جي منظوري ڏئي ڇڏي

لاڳاپيل خبرون

اسلام آباد بلدياتي چونڊن ۾ دير: اليڪشن ڪميشن وفاقي گهرو وزير کي ذاتي حيثيت ۾ طلب ڪري ورتو

پاڪستان ۽ انڊونيشيا پاران وچ اوڀر ۾ وڌندڙ بحران تي گهري ڳڻتي جو اظهار

ايران کان 1979 ماڻهون پاڪستان داخل ٿي چڪا آهن: سرفراز بگٽي

اسلام آباد (مانيٽرنگ ڊيسڪ)وزيراعظم جي صدارت هيٺ ٿيندڙ اجلاس ۾ وفاقي ڪابينا تحريڪ لبيڪ پاڪستان (ٽي ايل پي) تي پابندي جي منظوري ڏئي ڇڏي.وزيراعظم جي صدارت هيٺ ٿيل ڪابينا اجلاس دوران پنجاب حڪومت جي ٽي ايل پي تي پابندي واري سفارش بابت ميمبرن کي آگاهه ڪيو ويو.وفاقي ڪابينا آئين جي آرٽيڪل 17 تحت ٽي ايل پي تي پابندي جي منظوري ڏني، جڏهن ته گهرو وزارت کي وڌيڪ ڪارروائي لاءِ حڪم جاري ڪيا ويا آهن.اجلاس ۾ گهرو وزارت طرفان ٽي ايل پي بابت ڪابينا کي تفصيلي بريفنگ پڻ ڏني وئي.وزيراعظم جي صدارت ۾ ٿيل اجلاس ۾ ملڪ جي اقتصادي ۽ سياسي صورتحال تي غور ڪيو ويو، جڏهن ته افغانستان سان تازو ٿيل جنگ بندي معاهدي کانپوءِ جي صورتحال پڻ غور هيٺ آئي.ان کانسواءِ بچاءِ واري وزير افغانستان سان ٿيل معاهدي بابت بريفنگ ڏني، جڏهن ته اجلاس ۾ اي سي سي ۽ ڪابينا ڪميٽي قانون سازي وارن فيصلن جي منظوري پڻ ڏني.