پاڪستان افغانستان ۾ خوارجين جي موجودگيءَ خلاف اثرائتا قدم کنيا آهن: ليفٽيننٽ جنرل احمد شريف چوڌري

لاڳاپيل خبرون

موسمياتي تبديلي پاڪستان لاءِ فوري ۽ سنگين معاشي حقيقت بڻجي چڪي آهي: محمد اورنگزيب

پارليامينٽ جي بالادستي تي ڪو به سمجهوتو نه ڪيو ويندو: اياز صادق

جنگ جي ميدان جيان معاشي ميدان ۾ به ڪاميابيون ماڻينداسين: شهباز شريف

راولپنڊي (مانيٽرنگ ڊيسڪ) پاڪ فوج جي سڌ سماءَ واري شعبي (آءِ ايس پي آر) جي ڊائريڪٽر جنرل ليفٽيننٽ جنرل احمد شريف چوڌري چيو آهي ته پاڪستان افغانستان ۾ خوارجين جي موجودگيءَ خلاف اثرائتا قدم کنيا آهن، آئينده به پاڪ فوج دشمن جي هر اڳرائيءَ خلاف شيهي جي ڀِت ثابت ٿيندي. اهڙو اظهار هن غلام اسحاق خان انسٽيٽيوٽ آف انجنيئرنگ سائنسز اينڊ ٽيڪنالاجي، ٽوپي (صوابي) جي دؤري دوران شاگردن سان ڳالهائيندي ڪيو. هن هاڻوڪي پاڪ- افغان سرحدي چڪرين، سيڪيورٽي صورتحال ۽ سوشل ميڊيا جي ڪردار تي به ڳالهه ٻولهه ڪئي. ڊي جي آءِ ايس پي آر واضح ڪيو ته پاڪستان افغانستان ۾ خوارجين جي موجودگيءَ خلاف اثرائتا قدم کنيا آهن، آئينده به پاڪ فوج دشمن جي هر اڳرائيءَ خلاف شيهي جي ڀِت ثابت ٿيندي. هن چيو ته نوجوان قوم جي روشن مستقبل جا ضامن آهن ۽ ملڪي ترقي ۽ خوشحاليءَ ۾ نوجوانن جو ڪردار اهم آهي. شاگردن ۽ استادن طرفان پاڪ فوج جي شهيدن ۽ غازين کي زبردست خراجِ تحسين پيش ڪيو ويو. يونيورسٽيءَ جي شاگردن چيو ته اهڙيون وڌيڪ بامقصد ويهڪون منعقد ٿيڻ گهرجن ته جيئن ڊس انفارميشن ۽ پروپيگنڊا جو خاتمو ٿئي، قوم امن جي ڪوششن ۽ ملڪي ترقيءَ ۾ پاڪ فوج جي ڪردار کي قدر جي نگاهه سان ڏسي ٿي. شاگردن چيو ته پاڪ فوج دشمن کي ڀرپور ۽ فيصلائتو جواب ڏنو جنهن تي اسان کي فخر آهي. ڊي جي آءِ ايس پي آر سوالن جا پڻ تفصيلي جواب ڏنا جنهن سان موجود مونجهارا ختم ٿيا.