نڪور خبرون
Home / پاڪستان / آئين انساني حقن جي ڳالهه ڪري ٿو، ان آئين ۾ مون حلف کنيو آهي: مراد علي شاهه

آئين انساني حقن جي ڳالهه ڪري ٿو، ان آئين ۾ مون حلف کنيو آهي: مراد علي شاهه

ڪراچي(مانيٽرنگ ڊيسڪ) سنڌ جي وڏي وزير سيد مراد علي شاهه چيو آهي ته صحافين جي لاءِ اسان اِهي شرطون لڳايون هيون ته جيڪا اسان رقم ڏئي رهيا آهيون اُهي پگهارن ۾ ڏيو، اخباري مالڪ اسان جي ماتحت ته ناهن، پر لڳي ٿو ته اسان هنن جي ماتحت ٿي ويا آهيون. هڪ تقريب کي خطاب ڪندي سيد مراد علي شاهه چيو ته منهنجو تعلق پاڪستان پيپلز پارٽي آهي آهي، منهنجي هن پارٽي ملڪ کي آئين ڏنو، تقرير ڪئي آزادي ته آهي پر تقرير کان پوءِ ڇا ٿيندو ان جي ڪا گارنٽي ناهي. هن چيو ته  1977ع ۾ مارشل لاڳو ٿي، منهنجو پيءُ جيل ويو ته مون زمينون سنڀاليون.سندس چوڻ هو ته آئين ۾ لکيل آهي ته هي آئين انساني حقن جي ڳالهه ڪري ٿو، ان آئين ۾ مون حلف کنيو آهي، منهنجو فرض آهي ته آئون انساني حقن جو جهنڊو بلند ڪيان.سيد مراد علي شاهه چيو ته قانون سازي سڀ کان وڌيڪ سنڌ اسيمبلي پاس ڪئي، قانون جيستائين حڪومت نه چاهي پاس نٿو ٿي سگهي، اسان جو مسئلو قانون تي عملدرآمد آهي، اسان جي بيورو ڪريسي ان عملدرآمد جي حوالي سان تربيت يافته ناهي. هن چيو ته انساني حق هڪ انسان ٻئي انسان کي ڏيندو آهي، اسان کي پاڻ کي ڏسڻ گهرجي ته ڇا اسان حق ادا ڪيون ٿا، چونڊيل ماڻهو عوامي نمائندا آهن، آفيسر سرڪاري ملازم آهن، اسان کي جنهن تي ڌيان ڏيڻو آهي ان کي وڌيڪ بهتر ڪرڻو پوندو جڏهن ته اڄ لاهور ۾ وڪيلن مظاهري ۾ ڪيتري انساني حقن جي پاسداري ڪئي، اسان کي سوچڻ گهرجي. هن چيو ته سياسي تنقيد برداشت ڪندا آهن، باهه ڪٿي ته نڪرڻي آهي، آئون دل تي ناهيان وٺندو، پر تنقيد ڪرڻ کان پهرين سوچيو سياستدان به انسان آهن. سندس چوڻ هو ته ماجده رضوي پهرين عورت جج آهي، اِهو به پيپلز پارٽي جي حڪومت ۾ ٿيو،  شهيد بيبي هميشه انساني حقن جي ڳالهه ڪئي ۽ بلاول ڀٽو زرداري به ان تي عمل پيرا آهي. تقريب کي خطاب ۾ هن چيو ته آئون 3 هفتا اڳ زرداري صاحب سان ملڻ ويس ته شاگرد يونين بحال ڪرڻ واري قانون جي تياري ۾ دير تي مون کان ناراض ٿيو. هن چيو ته هراسمنٽ ڪميٽي ۾ به اسان نئين آيل قانون ۾ شاگردن کي نمائندگي ڏني آهي، اِهو شاگرد يونين جو مسودو لا اسٽيڊنگ ڪميٽي ڏانهن ويندو جيڪا سڀني سان مشاورت ڪندي. مون شاگرد يونين ڏٺي آهي ۽ پنهنجي اسٽوڊنٽ واري دور ۾ ئي ختم ٿي. جيڪي نوجوان پڙهن پيا اُهي رڳو اسٽيڪ هولڊر ناهن، منفي راءِ به يونين جي لاءِ موجود آهي. هن وڌيڪ چيو ته  آئون جيترو هارين سان ويٺو آهيان ايترا توهان ناهيو ويٺا، آئون هنن سان سڄو حساب ڪتاب ڪندو هيس. هن وڌيڪ چيو ته دعا منگي ڪيس ۾ پوليس جاچ ڪري رهي آهي، ان گينگ کي گرفتار ڪنداسين، جنهن ڏينهن دعا اغوا ٿي آئون سمهي ناهيان سگهيو.

About admin

هي به ڏسي سگهو ٿا

عنقريب باڊهه کي تعلقي جو درجو ڏنو ويندو ۽ انشاء الله ڊسمبر ۾ باڊهه جو دؤرو ڪندس: مراد علي شاهه

ڪراچي / باڊهه  (رپورٽر) باڊهه کي تعلقي جو درجو ڏيارائڻ لاءِ شهرين پاران جوڙيل باڊهه …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے