نڪور خبرون
Home / انٽرنيشنل / سيد علي گيلاني پاران والاريل ڪشمير ۾ هڙتال جو سڏ

سيد علي گيلاني پاران والاريل ڪشمير ۾ هڙتال جو سڏ

سرينگر: (مانيٽرنگ ڊيسڪ) ڪل جماعتي حريت ڪانفرنس جي چيئرمين سيد علي گيلاني والاريل ڪشمير ۾ 10 ڊسمبر تي انساني حقن جي عالمي ڏينهن جي موقعي موقعي تي هڙتال ۽ ڪارو ڏينهن ملهائڻ جي اپيل ڪئي آهي.سيد علي گيلاني پنهنجي هڪ بيان ۾ عالمي برادري کان والاريل ڪشمير ۾ ڀارتي ظلم بند ڪرائڻ جو مطالبو ڪندي چيو آهي ته ڪشميرين جي انساني حقن جي پامالين جو سنجيدگي سان نوٽيس ورتو وڃي. ڪل جماعتي حريت ڪانفرنس جي چيئرمين جو چوڻ هو ته ڪشميرين جي حق خود اراديت کان مسلسل انڪار انساني حقن جي سڀني کان وڏي ڀڃڪڙي آهي.ڀارت جي هٺ ڌرمي ڪشمير تڪرار کي پرامن حل ۾ سڀني کان وڏي رڪاوٽ آهي.بزرگ ڪشميري حريت اڳواڻ  جو چوڻ هو ته ڀارت طاقت جي زور تي مسلسل ڪشميرين جي شهري ۽ سياسي حقن کي پامال ڪري رهيو آهي ۽ ان لاءِ عالمي برادري ڪشمير ۾ انساني حقن جي موجوده صورتحال تي پنهنجي خاموشي ختم ڪري ڇڏي آهي. سيد علي گيلاني عالمي برادري تي زور ڏنو آهي ته هو والاريل ڪشمير ۾  ڀارتي ظلم تي ڀارت کان ان جي ڏوهن جو حساب گهريو.هن چيو ته ڪشمير جي آزادي ۽ حق خود  اراديت جي لاءِ جدوجهد هر صورت ۾ جاري رهندي. واضح رهي ته والاريل ڪشمير ۾ قابض ڀارت طرفان لاڳو ڪرفيو کي 4 مهينن کان وڌيڪ عرصو ٿي چڪو آهي ۽ وادي ۾ لاڪ ڊائون جي سبب ڪشميري عوام سخت اذيت جو شڪار آهن. 126 ڏينهن کان جاري ڪرفيو ۽ پابندين سبب والاريل وادي ۾ زندگي جو نظام مفلوج بڻيل آهي ۽ تعليمي ادارا، دڪانون، ڪاروباري مرڪز بند آهن جڏهن ته روڊن تي ٽرانسپورٽ به غائب آهي.ان کان علاوه انٽرنيٽ، موبائيل فون ۽ لينڊ لائن سروس به اڃان تائين بند آهي. جڏهن ته حريت اڳواڻ ۽ مقامي سياسي قيادت سميت 11 هزار ڪشميري گرفتار آهن. ڪشمير ميڊيا سروس موجب مسلسل4  مهينن کان وڌيڪ ڪرفيو سبب والاريل ڪشمير جي معيشيت کي 15 هزار ڪروڙ روپين جو نقصان ٿي چڪو آهي.

About admin

هي به ڏسي سگهو ٿا

سعودي حڪومت سڄي ملڪ ۾ 21 ڏينهن جي لاءِ ڪرفيو جو اعلان

رياض: (مانيٽرنگ ڊيسڪ)  سعودي عرب جي سرڪاري اخبار(اردو نيوز) موجب سعودي حڪومت سڄي ملڪ ۾ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے