نڪور خبرون
Home / انٽرنيشنل / ٽرمپ کي مواخذي جي ٻڌڻي ۾ اچڻ لاءِ ڪانگريس جو خط

ٽرمپ کي مواخذي جي ٻڌڻي ۾ اچڻ لاءِ ڪانگريس جو خط

واشنگٽن(مانيٽرنگ ڊيسڪ) آمريڪي ڪانگريس صدر ڊونلڊ ٽرمپ کي 4 ڊسمبر تي مواخذي جي ڪارروائيءَ جي پهرين ٻُڌڻيءَ ۾ شريڪ ٿيڻ جي دعوت ڏني آهي. ڊيموڪريٽڪ پارٽي جي هائوس جيوڊيشري ڪميٽيءَ جي چيئرمين جيرالڊ نيڊلر صدر کي خط لکي خط ۾ چيو ته هيءَ ٻُڌڻي مواخذي جي آئيني ۽ تاريخي اهميت تي بحث جو سٺو موقعو آهي هاڻي صدر کي فيصلو ڪرڻو پوندو ته هو مواخذي جي ڪارروائي جو حصو بڻجي ٿو يا وري مواخذي واري عمل تي اعتراض اُٿاريندو رهندو. هن جو چوڻ هو ته جيڪڏهن صدر ٽرمپ ٻُڌڻيءَ تي آيو ته هو گواهن کان سوال ڪرڻ تي مجاز هوندو. ان موقعي تي بحث پڻ ڪيو ويندو ته ڪانگريس مواخذي جي شروعاتي حڪم ڏيڻ جو مجاز آهي يا نه. نيڊلر اميد ظاهر ڪئي ته صدر ٽرمپ اڳوڻي صدر وانگر پاڻ خود يا وڪيل معرفت انڪوائريءَ جو حصو بڻجي. هن صدر کي چيو ته هو ٻُڌڻيءَ ۾ پنهنجي موجودگيءَ جي حوالي سان پهرين ڊسمبر تي شام جو 6 وڳي تائين آگاهه ڪري. واضح رهي ته آمريڪي صدر تي الزام آهي ته هن يوڪرين جي فوجي امداد روڪي نئين چونڊيل يوڪرين صدر کي ان ڳالهه تي مجبور ڪرڻ جي ڪوشش ڪئي هئي ته هو اڳوڻي آمريڪي نائب صدر ۽ صدارتي اميدوار جوبائيڊن جي پُٽ خلاف مبينه ڪرپشن جي الزام جي جاچ شروعات ڪرائي. ڪارروائيءَ ۾ ڏٺو ويندو ته آيا آمريڪي صدر واقعي ائين ئي ڪري سگهي ٿو يا نه، جيڪڏهن ٽرمپ کي 2 ڀاڱي 3 جي اڪثريت ڏوهي قرار ڏيندي ته ان لاءِ انتهائي مشڪل ٿي پوندو ته هو مواخذي جي ذريعي هٽايو ويندڙ پهريون آمريڪي صدر هوندو. ٻئي طرف صدر ٽرمپ مواخذي کي انتقامي ڪارروائي قرار ڏئي ٿو، قانوني ڪميٽي مواخذي جي شقون ترتيب ڏيندي صدر تي لڳل الزامن جي وضاحت لاءِ ڊسمبر جي شروعات ۾ ڪم شروع ڪري رهي آهي. گذريل هفتي هائوس انٽيليجنس ڪميٽي ٻن هفتن جي عوامي ٻُڌڻي بند ڪمري ۾ ڪئي. هفتن تائين گواهن جا بيان رڪارڊ ڪرايا ويا. چيئرمين ڪميٽي ايڊم شپ جو چوڻ آهي ته ڪميٽي پنهنجي رپورٽ 3 ڊسمبر تي پيش ڪندي.

About admin

هي به ڏسي سگهو ٿا

سعودي حڪومت سڄي ملڪ ۾ 21 ڏينهن جي لاءِ ڪرفيو جو اعلان

رياض: (مانيٽرنگ ڊيسڪ)  سعودي عرب جي سرڪاري اخبار(اردو نيوز) موجب سعودي حڪومت سڄي ملڪ ۾ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے