نڪور خبرون
Home / پاڪستان / غداري ڪيس، اسلام آباد هاءِڪورٽ خاص عدالت کي فيصلو ٻڌائڻ کان روڪي ڇڏيو

غداري ڪيس، اسلام آباد هاءِڪورٽ خاص عدالت کي فيصلو ٻڌائڻ کان روڪي ڇڏيو

اسلام آباد (بيورو رپورٽ) اسلام آباد هاءِ ڪورٽ پرويز مشرف خلاف غداري ڪيس تي محفوظ ڪيل فيصلو جاري ڪرڻ کان روڪي ڇڏيو. پي ٽي آءِ سرڪار پرويز مشرف خلاف غداري ڪيس هلائڻ لاءِ درخواست ۽ خصوصي عدالت جي قيام کي غلط قرار ڏئي ڇڏيو. چيف جسٽس اطهر من الله ايڊيشنل اٽارني جنرل سان مخاطب ٿيندي ريمارڪس ڏنا آهن ته 3 نومبر تي ملڪ ۾ لڳايل ايمرجنسي جو ٽارگيٽ عدليه هئي. اسلام آباد هاءِ ڪورٽ ۾ چيف جسٽس اطهر من الله جي سربراهيءَ ۾ جُڙيل 3 رُڪني بئنچ پرويز مشرف خلاف غداري ڪيس تي فيصلو جاري ڪرڻ کان روڪرائڻ لاءِ درخواست تي ٻڌڻي ٿي، جنهن دوران ايڊيشنل اٽارني جنرل پيش ٿيو، جڏهن ته طلبي باوجود قانون ۽ انصاف واري وزارت جو سيڪريٽري پيش نه ٿيڻ تي عدالت ڪاوڙ جو اظهار ڪيومشرف جي وڪيل کي ڪرسي تي ويهاري ڇڏيو ٻڌڻيءَ دوران اڳوڻي آمر جنرل پرويز مشرف جي وڪيل سلمان صفدر کي روسٽرم بدران ڪرسي تي ويهڻ جي هدايت ڪئي وئي، چيف جسٽس اطهر من الله ريمارڪس ڏنا ته پهرين وفاقي گهرو کاتي جي درخواست ٻڌنداسين، جنهن کانپوءِ ايڊيشنل اٽارني جنرل ساجد الياس ڀٽي روسٽرم تي اچي ويو. ايڊيشنل اٽارني جنرل سنگين غداري ڪيس لاءِ خصوصي عدالت جوڙڻ بابت سمورو رڪارڊ عدالت ۾ پيش ڪري ڇڏيو.قانون وزارت جي سيڪريٽري تي ناراضگياسلام آباد هاءِ ڪورٽ قانون ۽ انصاف واري وزارت جو سيڪريٽري پيش نه ٿيڻ تي ڪاوڙ ظاهر ڪئي، چيف جسٽس اطهر من الله حڪم ڏنو ته سيڪريٽري قانون کي وڃي چئو ته اڌ ڪلاڪ اندر عدالت پهچي وڃي. جسٽس عامر فاروق ريمارڪس ڏيندي چيو ته سيڪريٽري قانون کي سموري اصل رڪارڊ سوڌو طلب ڪيو هو. عدالت قانون واري وزارت جي ڊپٽي ساليسٽر کي ٻاهر وڃي سيڪريٽري کي عدالتي حڪم کان آگاهه ڪرڻ جو حڪم ڏنو ويو. 1999ع واري قدم خلاف شڪايت ڇو نٿا جمع ڪرايو ٻڌڻيءَ دوران چيف جسٽس اطهر من الله ريمارڪس ڏيندي چيو ته آڪٽوبر 1999ع واري قدم کي غيرآئيني قرار ڏنو ويو، توهان اُن حوالي سان شڪايت ڇو جمع نٿا ڪرايو؟ جنهن تي ايڊيشنل اٽارني جنرل ساجد الياس ڀٽي چيو ته اُن حوالي سان اڃا تائين ڪو فيصلو نه ٿيو آهي. 3 نومبر واري ايمرجنسي جو ٽارگيٽ عدليه هئي پرويز مشرف خلاف سنگين غداري ڪيس تي فيصلو جاري ڪرڻ کان روڪڻ جي حوالي سان درخواست تي ٻڌڻيءَ دوران چيف جسٽس اطهر من الله ريمارڪس ڏيندي چيو ته 3 نومبر تي لاڳو ڪيل ايمرجنسي جو ٽارگيٽ عدليه هئي، سمجهڻ جي ڪوشش ڪريو ته هي غير معمولي حالتون آهن. جسٽس عامر فاروق ايڊيشنل اٽارني جنرل سان مخاطب ٿيندي چيو ته توهان چئي رهيا آهيو ته خصوصي عدالت جي جوڙجڪ ئي غلط هئي، توهان دليلن سان ٻڌائي رهيا آهيو ته ائين نه آهي، پوءِ ته درخواست ئي صحيح نه آهي. ايترن سالن کانپوءِ خبر پئي ته غداري ڪيس ۾ درخواس غلط هئي ايڊيشنل اٽارني جنرل دليل ڏيندي چيو ته 4 آڪٽوبر 2019ع تي جيڪا خصوصي عدالت جوڙي وئي، اها جسٽس وقار سيٺ، جسٽس نذير اڪبر، جسٽس شاهد ڪريم تي ٻڌل هئي. جسٽس محسن اختر ڪياني ريمارڪس ڏيندي چيو ته توهان ايترن سالن کانپوءِ خبر پئي آهي ته وفاقي حڪومت طرفان داخل ڪرايل درخوست صحيح نه هئي. جيئن ائين آهي ته توهان پنهنجي شڪايت ئي واپس وٺو. ايڊيشنل اي جي چيو ته اها شڪايت گهرو سيڪريٽري طرفان داخل ڪرائي وئي هئي. چيف جسٽس اطهر من الله ريمارڪس ڏيندي چيو ته اها ڪهڙي پٽيشن آهي جو پٽيشنر اچي چوي ٿو ته مون جيڪو ڪجهه ڪيو، اُهو غلط هو. اهو شخص (مشرف) اشتهاري به ٿي چڪو آهي، اسان فيئر ٽرائل جون به گهرجون پوريون ڪيونائين کڻي چئو ته مشرف خلاف ڪيس نٿا هلائڻ گهروٻڌڻيءَ دوران جسٽس محسن اختر ڪياني ايڊيشنل اٽارني جنرل سان مخاطب ٿيندي ريمارڪس ڏنا ته توهان ائين کڻي چئو ته مشرف خلاف ڪيس نٿا هلائڻ گهرو، ٻڌايو ته هاڻي توهان اسان مان ڇا ٿا چاهيو؟ ڪهڙو آرڊر چاهيو ٿا؟ چيف جسٽس چيو ته توهان چئي رهيا آهيو ته غداري ڪيس هلائڻ واري درخواست ئي غلط هئي ۽ ٽرائل جو فورم به غلط هو. جيڪڏهن توهان کان غلطي ٿي ته توهان درخواست داخل ڪرائي غلطي صحيح ڪرائي ڇڏيو ها. اسلام آباد هاءِ ڪورٽ خصوصي عدالت کي پرويز مشرف خلاف سنگين غداري ڪيس تي محفوظ ڪيل فيصلو جاري ڪرڻ کان روڪي ڇڏيو.

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے