نڪور خبرون
Home / پاڪستان / سياسي ۽ آئيني بحران جي فوري حل آزاداڻا، منصفاڻا چونڊون آ۽ حڪومت جو خاتمو آهي: مولانا فضل الرحمان

سياسي ۽ آئيني بحران جي فوري حل آزاداڻا، منصفاڻا چونڊون آ۽ حڪومت جو خاتمو آهي: مولانا فضل الرحمان

اسلام آباد (مانيٽرنگ ڊيسڪ) آل پارٽيز ڪانفرنس ۾ فيصلو ڪيو ويو ته نين چونڊن تي ڪا به مفاهمت نه ٿيندي. جمعيت علماءِ اسلام ف جي سربراهه مولانا فضل الرحمان جي صدارت هيٺ آل پارٽيز ڪانفرنس ٿي، جنهن ۾ ملڪ جي گڏيل صورتحال جو جائزو ورتو ويو. آل پارٽيز ڪانفرنس کانپوءِ جي يو آءِ ف جي سربراهه مولانا فضل الرحمان پريس ڪانفرنس ڪندي چيو ته سياسي ۽ آئيني بحران جو حل حڪومت جو خاتمو آهي. مولانا فضل الرحمان چيو ته سياسي ۽ آئيني بحران جي فوري حل آزاداڻا ۽ منصفاڻا چونڊون آهن، اليڪشن ڪميشن ميمبرن جي نالن لاءِ 3 رڪني ڪميٽي جوڙي وئي آهي، هيءَ ڪميٽي اليڪشن ڪميشن جي خالي جاين تي ڀرتين لاءِ نالن کي فائنل ڪندي. جي يو آءِ ف جي سربراهه جو چوڻ هو ته اسان پنهنجي 4 نڪتن تي قائم آهيون، حڪومت جي نااهلي جو سبب پورو رياستي ڍانچو معطل ٿي ويو آهي، وزيراعظم جي حڪمراني جو طريقو نفرت ۽ ڏڦيڙ کي هٿي ڏئي رهيو آهي. مولانا فضل الرحمان جو چوڻ هو ته سمورن صوبن ۽ ضلعي هيڊڪوارٽرز ۾ احتجاجي مظاهرا ڪيا ويندا نين چونڊن تي ڪا مفاهمت نه ٿيندي.

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے