سنڌو م وڏا وهڪرا داخل، اهم اجلاس، ٻوڏ جي ايمرجنسي لاڳو, انتظامن کي حتمي شڪل ڏني وئي

لاڳاپيل خبرون

پنجاب حڪومت جي سفارش، وفاقي ڪابينا انتها پسند جماعت تي پابنديءَ جي منظوري ڏئي ڇڏي

پنجاب حڪومت سنڌ لاءِ ڪڻڪ جي ٻج جي فراهمي بند ڪري ڇڏي، فصل متاثر ٿيڻ جو خدشو

پاڪستان ۽ پولينڊ ٻطرفي تعاون کي وڌائڻ تي اتفاق ڪيو آهي:اسحاق ڊار

سکر(رپوڙتر)سکر ۽ گڊو بئراج وٽ سنڌو درياهه ۾  پاڻي جي  سطح  وڌڻ سبب سکر ڊويزن ۾  ٻوڏ جي ايمرجنسي لاڳو ٿي وئي آهي. صوبائي حڪومت، ضلعي انتظاميا ۽ ريسڪيو ادارا  ماڻهن جي جان ، مال متاع ۽ فصلن کي بچائڻ لاءِ وڏي پيماني تي آپريشن شروع ڪري ڇڏيوآهي. اعليٰ سطحي دورا، لڳاتار نگراني ۽ چوويهه ڪلاڪ ريسڪيو ۽ رليف سرگرمين ذريعي اختيارين پنهنجي عزم جو اظهار ڪيو آهي ته متاثر ٿيل ماڻهن کي هر صورت ۾ تحفظ ڏنو ويندو 31 آگسٽ تي وڏي وزير سنڌ سيد مراد علي شاهه، صوبائي وزيرن سيد ناصر حسين شاهه، شرجيل انعام ميمڻ ۽ ڄام خان شورو سان گڏ سکر بئراج جو دورو ڪيو. وڏي وزير ڪمزور بندن کي مضبوط ڪرڻ، جيوبئگس ۽ پٿر اڇلائڻ، ۽ پاڪ نيوي ۽ پي ڊي ايم اي جون ٻيڙيون مقرر ڪرڻ جا حڪم ڏنا. چيئرمين ضلعي ڪائونسل سکر سيد ڪميل حيدر شاهه پنهنجي ٽيم سان گڏ متاثرن لاءِ انتظامن جو جائزو وٺي رهيو آهي ۽ ڪچي وارن علائقن مان ٻيڙين ذريعي ماڻهن کي محفوظ هنڌن ڏانهن منتقل ڪرائي رهيو آهي. ڪميشنر سکر عابد سليم قريشي به بندن ۽ ڪچي علائقن جو دورو ڪري متاثر خاندانن سان ملاقات ڪئي ۽ رليف ڪيمپن ۾ انتظامن جو معائنو ڪيو. ڊي سي سکر نادر شهزاد خان ٻيڙين ذريعي ڳوٺن جو دورو ڪيو ۽ ڪيترن ئي ماڻهن کي ريسڪيو 1122 جي مدد سان منتقل ڪرايو. ميئر ۽ ترجمان سنڌ حڪومت بئرسٽر ارسلان اسلام شيخ پڻ بندن جو دورو ڪري هنگامي انتظامن جو جائزو ورتو. 1 سيپٽمبر تي آبپاشي واري وزير ڄام خان شورو انجنيئرن سان گڏ ٽيڪنيڪل اجلاس ڪيو جنهن ۾ درياءَ جي وهڪرن جا انگ اکر ، وڌيڪ مشينري، پمپ ۽ لاڳاپيل ٻين پهلوئن تي غور ڪيو ويو.  ڪميشنر سکر جي آفيس ۾ اجلاس ٿيو جنهن ۾ ضلعي ڪائونسل جي چيئرمين سيد ڪميل حيدر شاهه، ميئر ارسلان شيخ، ڊي آءِ جي فيصل عبدالله چاچڙ ۽ ٻين عملدارن شرڪت ڪئي. فيصلو ڪيو ويو ته:155 رليف ڪيمپون قائم ڪيون وينديون.24 ميڊيڪل ڪيمپون ۽ 27 وينٽرنري ڪيمپون لڳنديون.3280 عملي ۽ ريسڪيو ٽيمون مقرر ڪيون ويون.پوليس، رينجرز، فوج ۽ نيوي سان گڏ سيڪيورٽي پلان تيار ڪيو ويو. اجلاس دوران ٻڌايو ويو  ته لڳ ڀڳ 224,313 ماڻهو، 37,319 خاندان ۽ 5 لک کان وڌيڪ مال مويشي متاثر ٿي سگهن ٿا. متاثر خاندانن کي ڪيمپن ۾ کاڌ خوراڪ، صاف پاڻي، دوائون ۽ رهائش ڏني پئي وڃي. طبي ٽيمون بيماريون ۽ سَپ جي ڏنگڻ جا ڪيس سنڀالي رهيون آهن. مال مويشي لاءِ ٽيمون ويڪسين ۽ چارو مهيا ڪري رهيون آهن