نڪور خبرون
Home / پاڪستان / سنڌ وارن کي به چوندا ته اُنهي نظام کانسواءِ صوبو ترقي نٿو ڪري سگهي: عمران خان

سنڌ وارن کي به چوندا ته اُنهي نظام کانسواءِ صوبو ترقي نٿو ڪري سگهي: عمران خان

اسلام آباد (مانيٽرنگ ڊيسڪ) وزيراعظم ڪلين ۽ گرين پاڪستان پروگرام جو افتتاح ڪري ڇڏيو، عمران خان چيو  ته گدلاڻ سبب لاهور ۾ ساهه کڻڻ مشڪل ٿي ويو آهي. اسلام آباد ۾ ڪلين اينڊ گرين پاڪستان انڊيڪس جي تقريب کي خطاب دوران وزيراعظم چيو ته اسان ماضيءَ ۾ غلط رستي تي هليا وياسين، تنهن ڪري اسان کي پنهنجو قبلو درست ڪرڻو آهي ۽ پاڪستان کي اهڙو ملڪ بڻايو ويندو، جنهن جو مثال سموري دُنيا ۾ ڏنو ويندو. وزيراعظم چيو  ته سندن حڪومت پنجاب ۽ ڪي پي ۾ نئون مڪاني نظام آڻي رهي آهي، سنڌ وارن کي به چوندا ته اُنهي نظام کانسواءِ صوبو ترقي نٿو ڪري سگهي. ماحولياتي تبديلي جي حوالي سان ڳالهائيندي وزيراعظم چيو ته ڪابه حڪومت اڪيلي سر ملڪ کي صاف ۽ ساوڪ ڀريو نٿي بڻائي سگهي، انتظاميا ۽ چونڊيل نمائندا اُن جو حصو ٿين، نوجوان طبقو به اُن لاءِ حڪومت جو ساٿ ڏئي.سنڌ ۾ نئين مڪاني نظام ذريعي ترقيپنهنجي خطاب ۾ وزيراعظم عمران خان چيو ته موجوده حڪومت پاڪستاني تاريخ جو سڀ کان بهترين مڪاني نظام آڻي رهي آهي، سنڌ ۾ پي ٽي آءِ جي حڪومت نه آهي، پر اسان کين ٻڌائينداسين ته جيڪڏهن سنڌ کي ترقي ڪرڻي آهي ته هن نظام کانسواءِ ترقي نٿي سڪري سگهي.هن چيو ته  پنجاب ۽ ڪي پي ۾ جيڪو مڪاني نظام آڻي رهيا آهيون، اُن سان ملڪي تاريخ ۾ پهريون ڀيرو هيٺئين سطح تائين اختيارن جي منتقلي ٿيندي ۽ ڳوٺن کان ويندي تعلقي تائين ماڻهو پنهنجي مستقبل جو پاڻ فيصلو ڪري سگهندا.سندس چوڻ هو ته الله جي حڪم تي نه هلڻ واريون قومون تباهه ٿي وينديون آهن، 35 سال اڳ لاهور وڏو صاف شهر هو پر هاڻي ماحولياتي گدلاڻ سبب ماڻهن جو ساهه کڻڻ مشڪل ٿي ويو آهي.وزيراعظم عمران خان چيو ته لاهور جي باري ۾ ڪنهن به نه سوچيو، اهو دنيا جو 3 نمبر وڏو گدلاڻ وارو آهي، لاهور ۾ 70 سيڪڙو وڻ ڪاٽيا ويا آهن……

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے