برساتن ۽ ٻوڏ کي منهن ڏيڻ لاءِ اثرائتا قدم کنيا وڃن: مصدق ملڪ

لاڳاپيل خبرون

پاڪستان سڀني پاڙيسري ملڪن سان معمول جا لاڳاپا چاهي ٿو، ڳالهين وسيلي پراڻا تڪرار حل ٿي سگهن ٿا: وزيراعظم

ڀارت ستلج درياهه ۾ وڏي درجي جي ٻوڏ کان آگاهه ڪري ڇڏيو ،اوچي درجي جي ٻوڏ جي وارننگ جاري، 9 ضلعن ۾ هاءِ الرٽ جاري

سيالڪوٽ پي ٽي آءِ، ٺيڪيدار ڪمپني ۽ ڪامورن تباهه ڪيو:خواجا آصف

اسلام  آباد (مانيٽرنگ ڊيسڪ) وفاقي وزير مصدق ملڪ چوماسي جي آخري اسپيل کان خبردار ڪندي چيو آهي ته اسان جي ڀرپور ڪوشش آهي ته آخري اسپيل ۾ گهٽ کان گهٽ نقصان ٿئي پنهنجي بيان ۾ مصدق ملڪ چيو ته سيپٽمبر جي شروعاتي 10 ڏينهن ۾ چوماسي جو آخري اسپيل اچڻ جو امڪان آهي ۽ حڪومت جي ڀرپور ڪوشش آهي ته ان دوران گهٽ کان گهٽ نقصان ٿئي هن چيو ته وزيراعظم سڀني چيف سيڪريٽرين کي هدايتون ڏنيون آهن ته برساتن ۽ ٻوڏ کي منهن ڏيڻ لاءِ اثرائتا قدم کنيا وڃن، هن وقت ستلج، راوي ۽ چناب ۾ چاڙهه آهي، جنهن سبب ڪيترائي علائقا متاثر ٿي رهيا آهن سندس چوڻ هو ته حڪومت رڳو جائزو نه پئي وٺي پر عملي قدم به کڻي رهي آهي ته جيئن ڪو وڏو نقصان نه ٿئي.