نڪور خبرون
Home / انٽرنيشنل / ميري يووانوچ سفارتخاني ۾ منهنجي تصوير لڳائڻ کان انڪار ڪيو هو: ٽرمپ

ميري يووانوچ سفارتخاني ۾ منهنجي تصوير لڳائڻ کان انڪار ڪيو هو: ٽرمپ

واشنگٽن(مانيٽرنگ ڊيسڪ) آمريڪي صدر ٽرمپ پنهنجي مواخذي جي ٻڌڻي ۾ گواهي ڏيندڙ اڳوڻي سفير ميري يووانوچ تي هڪ انوکو الزام هنيو آهي.برطانوي خابرو اداري موجب يوڪرين ۾ آمريڪا جي اڳوڻي سفير ميري يووانوچ بابت ٽرمپ دعويٰ ڪئي آهي ته ميري منهنجي تصوير سفارتخاني ۾ لڳائڻ کان انڪار ڪيو هو.بي بي سي موجب فوڪس نيوز کي انٽرويو ڏيندي ٽرمپ چيو ته ميري يووانوچ يوڪرين ۾ قائم آمريڪي سفارتخاني ۾ منهنجي تصوير لڳائڻ نٿي چاهي. آمريڪي صدر سفير جي برطرفي جو ڀرپور دفاع ڪيو ۽ ان حوالي سان وڌيڪ تفصيل ٻڌائڻ کان پاسو ڪيو. ٽرمپ وڌيڪ چيو ته هر ڪو چوي ٿو ته هي تمام گهڻي شاندار سفير هئي پر  هن سفارتخاني ۾ منهنجي تصوير نه لڳائي. هو سفارتخاني جي انچارج هئي ۽ هن تقريبن  2 سالن کان وڌيڪ عرصو گذاريو.آمريڪي صدر الزام لڳايو ته ميري يووانوچ  مون کي گهٽ وڌ ڳالهايو هو  ۽ هو منهنجو بچاءُ به نه ڪندي هئي جڏهن ته مون کي سفير بدلي ڪرڻ جو اختيار آهي. ٽرمپ جو چوڻ هو ته اهو هڪ اصول آهي ته اوهان آمريڪي صدر جي تصوير سفارتخاني ۾ لڳايو. هو ڪا فرشته نه پر هڪ عورت هئي.ياد رهي ته صدر ٽرمپ يوڪرين ۾ آمريڪي سفير ميري يووانوچ کي مئي ۾ ان جي عهدي تان هٽائي ڇڏيو هو. برطرفي تي ٽرمپ جي خلاف مواخذي جي ٻڌڻي ۾ اڳوڻي سفير گواهي ڏيندي چيو ته ان جي ڪرپشن جي خلاف ڪاوشن جي ڪري  مون کي بااثر يوڪرينين جي سخت سوالن کي منهن ڏيڻو پيو هو جنهن سبب مون کي عهدي تان هٽايو ويو.

About admin

هي به ڏسي سگهو ٿا

سنڌ سميت سڄي ملڪ ۾ ڪرونا سبب صورتحال ڳڻتي جوڳي، ڪيس 64 هزارن کان وڌي ويا

ڪراچي/اسلام آباد (مانيٽرنگ ڊيسڪ) ملڪ ۾ ڪورونا وبا وڌيڪ 44 حياتيون ڳڙڪائي ڇڏيون، فوتين جو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے