نڪور خبرون
Home / پاڪستان / نوازشريف کي پرڏيهه موڪلڻ جو طريقو غلط آهي: فواد حسين

نوازشريف کي پرڏيهه موڪلڻ جو طريقو غلط آهي: فواد حسين

اسلام آباد (مانيٽرنگ ڊيسڪ) سائنس ۽ ٽيڪنالاجي واري وفاقي وزير فواد حسين چوڌري هڪ دفعو وري اڳوڻي وزيراعظم نوازشريف جي پرڏيهه روانگي تي ڪاوڙ جو اظهار ڪندي سخت تنقيد ڪئي آهي. سماجي رابطن واري ويب سائيٽ ٽوئيٽر تي بيان جاري ڪندي فواد حسين چوڌري چيو ته ”مونکي ڇو ڪڍيو“ کان ”خدا جي واسطي مونکي ڪڍو“ جو سفر اختتام ڏانهن وڌي رهيو آهي، اهڙي ليڊرشپ ووٽ لاءِ عزت گهرندي آهي ته جمهوري نظام جو مذاق ٺهندو آهي. هُن چيو ته ن ليگ جي ورڪرن سان همدردي آهي جيڪي نوازشريف کي ليڊر مڃي ڏينهن رات کُوار ٿيندا رهيا، ن ليگ جي قيادت پنهنجي ورڪرن سان ڌوڪو ڪيوآهي. ٻئي پاسي اسلام آباد ۾ پريس ڪانفرنس ڪندي فواد چوڌري چيو ته نوازشريف جو اهڙي طريقي سان پرڏيهه وڃڻ معاشري جي ناڪامي جو تاثر وڌيو آهي، اِن فيصلي تي سپريم ڪورٽ ۾ اپيل ڪرڻ بابت اڄ ڪابينا جي اجلاس ۾ غور ٿيندو، ڇنڇر واري ڏينهن نوازشريف جو فيصلو ٿيو جيڪو سومر تي به ٿي سگهيو ٿي. هُن چيو ته نوازشريف جي صحت لاءِ دُعاگو آهيون پر جهڙي طريقي سان کيس موڪليو ويو اُهو طريقي ڪار غلط آهي، مان سمجهان ٿو ته نوازشريف جي فيصلي خلاف سپريم ڪورٽ وڃڻ گهرجي.

About admin

هي به ڏسي سگهو ٿا

پاڪستان ريلوي شهرين لاءِ محفوظ سفر يقيني بڻائيندو: شيخ رشيد

اسلام آباد (مانيٽرنگ ڊيسڪ) ريلوي واري وزير شيخ رشيد چيو آهي ته وزيراعظم هدايت ڏئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے