آئين بچايو مارچ، راهول گانڌي ۽ پريانڪا سميت ڪيترائي پارليامينٽ ميمبر گرفتار

لاڳاپيل خبرون

پاڪستان سڀني پاڙيسري ملڪن سان معمول جا لاڳاپا چاهي ٿو، ڳالهين وسيلي پراڻا تڪرار حل ٿي سگهن ٿا: وزيراعظم

ڀارت ستلج درياهه ۾ وڏي درجي جي ٻوڏ کان آگاهه ڪري ڇڏيو ،اوچي درجي جي ٻوڏ جي وارننگ جاري، 9 ضلعن ۾ هاءِ الرٽ جاري

سيالڪوٽ پي ٽي آءِ، ٺيڪيدار ڪمپني ۽ ڪامورن تباهه ڪيو:خواجا آصف

نئين دهلي: (مانيٽرنگ ڊيسڪ) ڀارتي اپوزيشن اڳواڻ راهول گانڌي ۽ پريانڪا گانڌي سميت ڪيترن ئي اڳواڻن کي آئين بچايو مارچ ڪرڻ تي گرفتار ڪيو ويو آهي. ڀارتي ميڊيا جي رپورٽ موجب اليڪشن ڪميشن طرفان مارچ جي دوران راهول گانڌي، پريانڪا گانڌي ۽ ٻين پارليامينٽ ميمبرن کي دهلي پوليس گرفتار ڪري پوليس اسٽيشن منتقل ڪري ڇڏيو آهي. گرفتاري جي موقعي تي ڳالهيون ڪندي  راهول گانڌي چيو ته اسان جو جهيڙو سياسي نه پر آئين، ووٽ جو حق ۽ شفاف ووٽر لسٽ جي لاءِ آهي. اسان اليڪشن ڪميشن پهتاسين ته انڊيا الائنس جي ميمبرن کي روڪي گرفتار ڪيو ويو هن چيو ته ووٽ جي چوري هاڻ سموري ملڪ جي سامهون بي نقاب ٿي چڪي آهي. هن چيو ته اها سياست جي نه پر جمهوريت جي تحفظ جي جنگ آهي، ڀارتي آئين هڪ ماڻهو، هڪ ووٽ جي ضمانت ڏئي ٿو، انهي لاءِ شفاف ووٽر لسٽ ۽ عوام جي جمهوري حقن جو تحفظ هر قيمت تي يقيني بنايو ويندو. جڏهن ته پريانڪا گانڌي چيو ته ڊڄڻي حڪومت هاڻ گرفتاريون ڪري رهي آهي،  گرفتارين سان اسان جا حوصلا ختم نٿا ٿي سگهن. ياد رهي ته راهول گانڌي ڀارتي اليڪشن ڪميشن ۽ بي جي پي تي ڌانڌلي جا الزام لڳايا هئا ۽ گذريل چونڊن ۾ نريندر مودي جي کٽڻ تي سوال پڻ اٿاريو هو.