سنڌ حڪومت ضلعي سطح تي جشن آزادي جون تقريبون منعقد ڪندي:شرجيل

لاڳاپيل خبرون

غير قانوني طور رهندڙ افغان پناهگيرن کي ترت نيڪالي ڏيڻ جو فيصلو، هاڻي مهلت نه ڏينداسين: وزيراعظم

اتر وزيرستان ۾ سيڪيورٽي فورسز جي ڪئمپ تي حملي جي ڪوشش ناڪام، 6 خارجي مارجي ويا

سنڌ حڪومت هر مذهب، برادري ۽ طبقي جي خوشين ۾ برابر جي شريڪ آهي: ڊاڪٽر شام سُندر آڊواڻي

ڪراچي (مانيٽرنگ ڊيسڪ) سنڌ جي سينئر وزير ۽ اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ، صوبائي وزير بلديات سعيد غني ۽ ميئر ڪراچي مرتضيٰ وهاب سان گڏ، نيشنل اسٽيڊيم ڪراچي جو دورو ڪري 13 آگسٽ تي یوم آزادي جي موقعي تي سنڌ حڪومت پاران منعقد ٿيندڙ شاندار ميوزيڪل شو جي انتظامن جو جائزو ورتوان موقعي تي شرجيل انعام ميمڻ کي انتظامن ۽ تيارين بابت تفصيلي بريفنگ ڏني وئي صوبائي وزير بلديات سعيد غني ۽ ميئر ڪراچي مرتضيٰ وهاب سان گڏ ميڊيا سان ڳالهائيندي سينئر وزير شرجيل انعام ميمڻ چيو ته سنڌ حڪومت صوبي ۾ ضلعي ۽ تعلقي سطح تي یوم آزادي جي حوالي سان شاندار  تقريبون منعقد ڪري رهي آهي هن چيو ته پاڪستان ٺاهڻ جي قرارداد پڻ سنڌ اسيمبلي پاران پيش ڪئي وئي هئي ۽ سنڌ جي وڏي وزير هڪ وزارتي ڪميٽي ٺاهي آهي جنهن ۾ مختلف مذهبي ۽ سياسي اڳواڻ شامل آهن شرجيل انعام ميمڻ واضح ڪيو ته هي نه ته حڪومت جو پروگرام آهي ۽ نه ئي پيپلز پارٽي جو، پر سڄي پاڪستان جو پروگرام آهي هن چيو ته حيدرآباد ۾ هڪ تاريخي پروگرام منعقد ڪيو ويو ۽ اڄ سکر ۾ به هڪ تقريب منعقد ڪئي پئي وڃي. نيشنل اسٽيڊيم جي گنجائش 27,000 آهي ۽ سڀني سيٽن کي رجسٽر ڪيو ويو آهي شرجيل انعام ميمڻ چيو ته پروگرام ۾ صرف اهي ماڻهو شرڪت ڪندا جيڪي رجسٽرڊ ٿيا آهن، جڏهن ته انهن لاءِ لائيو نشريات جو بندوبست ڪيو ويو آهي جيڪي رجسٽرڊ نه ٿي سگهيا. ڪراچي ڪنسرٽ کي سنڌ جي سڀني ضلعن ۾ اسڪرينن تي لائيو ڏيکاريو ويندو ڪالهه منعقد ٿيل تاريخي مشاعري جي تقريب جي تعريف ڪندي هن چيو ته گذريل رات ڪراچي ۾ هڪ  مشاعري جي تاريخي محفل منعقد ڪئي وئي، ۽ سڄي شهر کي یوم آزادي جي موقعي تي ڪنوار وانگر سينگاريو ويو آهي شرجيل انعام ميمڻ شهرين کي اپيل ڪئي ته نظم و ضبط جو مظاهرو ڪن ۽ هن پروگرام کي ڪامياب بڻائين هن چيو ته سيڪيورٽي لاءِ اسٽيڊيم ۾ وڏي تعداد ۾ پوليس ۽ رينجرز کي مقرر ڪيو ويندو، جڏهن ته عورتن، مردن ۽ خاندانن لاءِ الڳ الڳ داخلا جا انتظام ڪيا ويندا. ميوزيڪل ڪنسرٽ لاءِ ٽريفڪ جو مڪمل پلان ۽ شٽل سروس پڻ فراهم ڪئي ويندي هن چيو ته سڄي قوم ڀارت کي شڪست ڏني آهي ۽ ڪالهه ڀارتي هوائي فوج جي سربراهه پاڪستان خلاف ڪوڙیون دعوائون ڪيون ته اسان پاڪستاني جهاز به ڪيرايا آهن، جيتوڻيڪ سڄي دنيا پاڪستان جي فتح کي تسليم ڪري رهي آهي هڪ سوال جي جواب ۾ شرجيل انعام ميمڻ چيو ته پي ٽي آءِ 5 آگسٽ تي ڪشمير جي یوم استحصال واري ڏينهن تي احتجاج ڪرڻ لاءِ اهڙو ڏينهن چونڊيو ته جيئن انتشار پکيڙي سگهجي. هن چيو ته ماڻهو هاڻي عمران خان لاءِ ٻاهر نڪرڻ لاءِ تيار نه آهن ۽ سندس لاءِ نيويارڪ ٽائمز ۾ مهانگا اشتهار شايع ٿي رهيا آهن. هن چيو ته اسان چاهيون ٿا ته پي ٽي آءِ به آزادي جي ڏينهن جي جشن ۾ شرڪت ڪري هڪ ٻئي سوال جي جواب ۾ هن چيو ته شهر جي امن کي خراب ڪندڙ شرپسند عنصرن کي ڪنهن به حالت ۾ برداشت نه ڪيو ويندو ۽ ڪجهه سازشين جي ڪوششن کي ناڪام بڻايو ويندو. هن چيو ته اسان انهن معاملن کان ڊڄڻ وارا نه آهيون شرجيل انعام ميمڻ چيو ته "صاحب” ۽ "ڀائي” ٻئي سٺا لفظ آهن ۽ پراڻو دور نه ايندو ۽ اسان ان کي اچڻ نه ڏينداسين. جيڪو به غلط ڪم ڪندو ان خلاف ڪارروائي ڪئي ويندي، خاص طور تي جيڪڏهن ڪو ڪاوڙ ۾ ٽرڪ ساڙيندو ته ان خلاف 7 اي ٽي اي تحت ڪيس داخل ڪيو ويندو هن وڌيڪ چيو ته جيڪو به غلط پيغام موڪليندو ان کي سختي سان روڪيو ويندو ۽ شهر ۾ نفرت جي سياست کي ڪامياب ٿيڻ نه ڏنو ويندو ان موقعي تي سيڪريٽري اطلاعات نديم الرحمان ميمڻ، ڪراچي ڪمشنر سيد حسن نقوي، ڪراچي پوليس چيف جاويد عالم اوڍو، ۽ مختلف کاتن جا سيڪريٽري ۽ آفيسر پڻ  موجود هئا.