آزادي ڏينهن جي تقريبن کي ڪامياب بڻائڻ لاءِ پنهنجو ڀرپور ڪردار ادا ڪن: سنڌ حڪومت

لاڳاپيل خبرون

غير قانوني طور رهندڙ افغان پناهگيرن کي ترت نيڪالي ڏيڻ جو فيصلو، هاڻي مهلت نه ڏينداسين: وزيراعظم

اتر وزيرستان ۾ سيڪيورٽي فورسز جي ڪئمپ تي حملي جي ڪوشش ناڪام، 6 خارجي مارجي ويا

سنڌ حڪومت هر مذهب، برادري ۽ طبقي جي خوشين ۾ برابر جي شريڪ آهي: ڊاڪٽر شام سُندر آڊواڻي

ڪراچي (مانيٽرنگ ڊيسڪ) سنڌ جي وڏي وزير سيد مراد علي شاهه جي صدارت هيٺ آزادي ڏينهن ۽ "معرڪہءِ حق” جي عنوان سان لاڳاپيل پروگرامن بابت هڪ اهم اجلاس وزيراعليٰ هائوس ۾ منعقد ٿيو. اجلاس ۾ مختلف بينڪن جي صدرن، سي اي اوز، ممتاز صنعتڪارن ۽ ڪاروباري برادري جي نمائندن شرڪت ڪئي. اجلاس ۾ سينيئر وزير شرجيل انعام ميمڻ، بلدياتي وزير سعيد غني، صنعت وزير ڄام اڪرام ڌاريجو، چيف سيڪريٽري آصف حيدر شاهه، وڏي وزير جو سيڪريٽري رحيم شيخ، ڪمشنر ڪراچي حسن نقوي ۽ ٻيا اعليٰ عملدار پڻ شامل هئا۔ وڏي وزير چيو ته هن سال آزادي ڏينهن "معرڪءِ حق” جي عنوان سان ڌام ڌوم سان ملهايو ويندو. هن ملڪ جي سمورن بينڪرن ۽ ناليوارن صنعتڪارن کان اپيل ڪئي ته هو آزادي ڏينهن جي تقريبن کي ڪامياب بڻائڻ لاءِ پنهنجو ڀرپور ڪردار ادا ڪن. وڏي وزير موجب سرڪاري، نيم سرڪاري ۽ نجي عمارتن کي رنگين بتيون لڳائي سجايو ويندو. هن موقعي تي ريليون، پريڊ، راندين جا مقابلا، تعليمي ادارن ۾ تقريبون، ٽاڪ شو ۽ شاپنگ مالز ۾ پڻ پروگرام منعقد ٿيندا. آزادي ڏينهن جي تقريبن جو تجويز ڪيل شيڊول هيٺين ريت آهي: 13 آگسٽ تي نيشنل اسٽيڊيم تي عوامي ڪنسرٽ ۽ آتشبازي، سمنڊ ڪناري (سي ويو) ۽ شارع فيصل تي ثقافتي ريليون ۽  راندين واري کاتي جي اھتمام ھيٺ گلستانِ جوهر ۾ "ڪئپٽن سيلر شهيد اسپورٽس گالا” منعقد ٿيندو. ڪراچي ميٽروپوليٽن ڪارپوريشن جي ميزباني هيٺ جهانگير ڪوٺاري تي ڪنسرٽ ۽ آتشبازي ٿيندي  جنھن جي تاريخ جو اعلان بعد ۾ ٿيندو. 10 آگسٽ تي نشان پاڪستان ۽ دو درياءَ وٽ ميراٿن ريس ۽ سي ويو تي گڏھ گاڏي ريس – ٻنهي جي ميزباني راندين وارو کاتو ڪندو. 9 آگسٽ تي ماھيگيري کاتي پاران بندرگاهه ۽ ڪياماڙي تي ٻيڙين جي ريس ٿيندي. 13 آگسٽ تي ثقافت کاتي پاران شهر کان چوڪنڊي قبرستان تائين عورتن جي بائيڪ ريلي منعقد ٿيندي. 3 آگسٽ تي راندين واري کاتي پاران  فيئر ويو هال کان مزارِ قائد تائين سائيڪل ريس منعقد ٿيندي. 8 آگسٽ تي حيدرآباد ڪلب ۾ موسيقي ۽ ثقافتي شو ۽  ساڳي ڏينهن سکر ميونسپل اسٽيڊيم تي به ثقافتي پروگرام ٿيندا. ٻئي پروگرام ثقافت کاتي جي اهتمام هيٺ ٿيندا. بينڪرن ۽ صنعتڪارن جي وزيرن تي ٻڌل ڪميٽي سان ملاقات ٿيندي جنهن جي اڳواڻي سينيئر وزير شرجيل انعام ميمڻ ڪندو. ان اجلاس ۾ آزادي واري ڏهاڙي جي پروگرامن کي آخري شڪل ڏني ويندي. بينڪرن ۽ صنعتڪارن وڏي وزير مراد علي شاهه کي آزادي ڏينهن جي تقريبن لاءِ مڪمل سهڪار جي خاطري ڪرائي