پنجاب ۾ برسات جو هڪ ٻيو طاقتور اسپيل تيار، مري ۽ گليات ۾ لينڊ سلائيڊنگ جو خطرو

لاڳاپيل خبرون

پاڪستان سڀني پاڙيسري ملڪن سان معمول جا لاڳاپا چاهي ٿو، ڳالهين وسيلي پراڻا تڪرار حل ٿي سگهن ٿا: وزيراعظم

ڀارت ستلج درياهه ۾ وڏي درجي جي ٻوڏ کان آگاهه ڪري ڇڏيو ،اوچي درجي جي ٻوڏ جي وارننگ جاري، 9 ضلعن ۾ هاءِ الرٽ جاري

سيالڪوٽ پي ٽي آءِ، ٺيڪيدار ڪمپني ۽ ڪامورن تباهه ڪيو:خواجا آصف

لاهور: (مانيٽرنگ ڊيسڪ) پنجاب ۾ سانوڻي برساتن جي هڪ ٻئي اسپيل جي اڳڪٿي ڪئي وئي آهي جڏهن ته مري ۽ گليات ۾ لينڊ سلائيڊنگ جو به امڪان ظاهر ڪيو ويو آهي.پي ڊي ايم اي ترجمان پنجاب جو چوڻ آهي ته سانوڻي برساتن جو هڪ ٻيو اسپيل 28 جولاءِ کان شروع ٿيندو. 28 کان 31 جولاءِ جي دوران پنجاب جي مختلف ضلعن ۾ برسات پوڻ جو امڪان آهي. پي ڊي ايم اي پنجاب جي ترجمان موجب مري، گليات، اٽڪ، چڪوال، جهلم، منڊي بهاءُالدين لاهور، شيخوپوره، سيالڪوٽ، گجرات، گوجرانوالا ۽ حافظ آباد ۾ برسات جو امڪان آهي. نئين اسپيل جي تحت نارووال، ساهيوال، جهنگ، ٽوبه ٽيڪ سنگهه، خوشاب، سرگودها، ميانوالي، ننڪانه صاحب، چنيوٽ، فيصل آباد ۽ اوڪاڙه ۾ به برسات جو امڪان آهي. پي ڊي ايم اي پنجاب جي ترجمان موجب 29 کان 31 جولاءِ جي دوران ڊيره غازي خان، بهکر، بهاوالپور، پاڪپتن، وهاڙي، لودهران، مظفر ڳڙهه ۽ راجن پور ۾ به برسات پئجي سگهي ٿي.پي ڊي ايم اي ترجمان جو چوڻ آهي ته تيز برسات سبب مري ۽ گليات ۾ لينڊ سلائيڊنگ جو خطرو آهي، برسات سبب ڪچا گهر ۽ زبون حال بڻيل عمارتن کي نقصان پهچڻ جو امڪان آهي.ياد رهي ته پنجاب ۾ برسات جي گذريل اسپيل جي دوران مختلف حادثن ۾ 252 ڄڻا فوت ٿي ويا هئا جڏهن ته وڏي انگ ۾ گهرن ۽ روڊن کي به نقصان پهتو هو.