سوات: پوليس ۽ سي ٽي ڊي جي گڏيل ڪارروائي، فتنته الخوارج جا 3 دهشتگرد مارجي ويا

لاڳاپيل خبرون

غير قانوني طور رهندڙ افغان پناهگيرن کي ترت نيڪالي ڏيڻ جو فيصلو، هاڻي مهلت نه ڏينداسين: وزيراعظم

اتر وزيرستان ۾ سيڪيورٽي فورسز جي ڪئمپ تي حملي جي ڪوشش ناڪام، 6 خارجي مارجي ويا

سنڌ حڪومت هر مذهب، برادري ۽ طبقي جي خوشين ۾ برابر جي شريڪ آهي: ڊاڪٽر شام سُندر آڊواڻي

سوات: (مانيٽرنگ ڊيسڪ) خيبرپختونخواهه جي ضلعي سوات ۾ پوليس ۽ سي ٽي ڊي جي گڏيل ڪارروائي دوران 3 دهشتگرد مارجي ويا.رپورٽ موجب سي ٽي ڊي فتنته الخوارج جا 3 دهشتگرد مارجي ويا، ڪامياب آپريشن ۾ اجمل عرف وقاص سميت 3 دهشتگرد مارجي ويا. ويلج ڊفينس ڪونسل جي ميمبرن جي قاتل اجمل جي مٿان 20 لک روپيه قيمت مقرر هئي.سي ٽي ڊي چيو ته مارجي ويل دهشتگرد سيڪيورٽي فورسز تي حملن ۽ پوليس اهلڪارن جي شهادتن ۾ ملوث هئا. پرڏيهي فنڊنگ سان دهشتگردي پکيڙيندڙ نيٽ ورڪ تباهه ڪيو ويو، دهشتگرد آءِ اي ڊي حملن ۽ ڀته خوري جي ڪيسز ۾ به گهربل هئا. ريجنل پوليس آفيسر مالاڪنڊ ڊويزن شير اڪبر خان چيو ته سي ٽي ڊي جي اها ڪارروائي سوات ۽ لاڳاپيل علائقن ۾ فتنته الخوارج جي آپريشنل ونگز تي اهم ڪارروائي آهي، فتنته الخوارج کي جڙ کان ختم ڪرڻ جي لاءِ پرعزم آهيون.انسپيڪٽر جنرل آف پوليس خيبرپختونخواهه ذوالفقار حميد فتنته الخوارج جي آپريشل ڪمانڊ ونگ پاران اهم ڪارروائي تي علاقائي پوليس ۽ سي ٽي ڊي سوات جي تعريف ڪئي. پنهنجي هڪ بيان ۾ هن چيو ته خيبرپختونخواهه ۾ امن امان جي قيام لاءِ دهشتگردن جي خلاف ڪارروائين جو سلسلو وڌيڪ تيز ڪيو ويندو.