مذهبي نفرت نه رڳو اخلاقي طور تي ناقابل دفاع آهي پر اهو گڏيل قومن جي چارٽر جي بنيادن تي حملو آهي: اسحاق ڊار

لاڳاپيل خبرون

پاڪستان سڀني پاڙيسري ملڪن سان معمول جا لاڳاپا چاهي ٿو، ڳالهين وسيلي پراڻا تڪرار حل ٿي سگهن ٿا: وزيراعظم

ڀارت ستلج درياهه ۾ وڏي درجي جي ٻوڏ کان آگاهه ڪري ڇڏيو ،اوچي درجي جي ٻوڏ جي وارننگ جاري، 9 ضلعن ۾ هاءِ الرٽ جاري

سيالڪوٽ پي ٽي آءِ، ٺيڪيدار ڪمپني ۽ ڪامورن تباهه ڪيو:خواجا آصف

نيويارڪ (مانيٽرنگ ڊيسڪ) نائب وزيراعظم ۽ پرڏيهي وزير سينيٽر محمد اسحاق ڊار گڏيل قومن جي سلامتي ڪائونسل جي صدر جي حيثيت ”عالمي امن ۽ سلامتي جي تحفظ ۾ گڏيل قومن ۽ علائقائي ۽ ذيلي علائقائي تنظيمن جي وچ ۾ تعاون: اسلامي تعاون تنظيم (او آءِ سي)“ تي بريفنگ ۾ پاڪستان جو بيان ڏنو. پرڏيهي آفيس پاران جاري بيان موجب نائب وزيراعظم ۽ پرڏيهي وزير پنهنجي بيان ۾ او آءِ سي کي گڏيل قومن کانپوءِ ٻي وڏي بين الحڪومتي تنظيم قرار ڏيندي ان کي عالمي ۽ علائقائي ڪوششن جي وچ ۾ پل ۽ سياسي ترجيحن کي انساني همدرديءَ سان هم آهنگ ڪندڙ تنظيم قرار ڏنو. هن چيو ته او آءِ سي جي قانوني حيثيت نه رڳو ان جي وسيع ۽ اسٽريٽجڪ ميمبر ملڪن سان ملي ٿي پر ان جي واضح اصولن سان به ملي ٿي جيڪي انصاف کي قائم ڪرڻ، انساني وقار جي تحفظ، سمورن ميمبر ملڪن جي خودمختياري، آزادي ۽ علائقائي سالميت جي احترام ۽ قومن جي وچ ۾ يڪجهتي کي فروغ ڏيڻ جي لاءِ ڪم ڪن ٿا. نائب وزيراعظم/ پرڏيهي وزير زور ڏنو ته انتهاپسندي خاص طور تي اسلامو فوبيا جي خوفناڪ عروج جي خلاف گڏيل قومن ۽ او آءِ سي جي وچ ۾ تعاون انتهائي ضروري آهي. هن چيو ته مذهبي نفرت نه رڳو اخلاقي طور تي ناقابل دفاع آهي پر اهو گڏيل قومن جي چارٽر جي بنيادن تي حملو آهي. هن او آءِ سي جي ڪردار کي ساراهيندي چيو ته تنظيم فلسطيني عوام جي آزادي ۽ رياست جي حق، ڄمون ۽ ڪشمير جي عوام جي خودمختياري جي حق ۽ ڀارت جي ڊگهي غيرقانوني قبضي جي خاتمي، ليبيا، افغانستان، شام، يمن ۽ ٻين علائقن ۾ امن جي ڪوششن جي حمايت ڪئي آهي.