پي ٽي آءِ باني جا پٽ سياسي منظر نامي ۾ اچن ٿا ته صورتحال مختلف ٿي سگهي ٿي: فواد چوڌري

لاڳاپيل خبرون

پاڪستان سڀني پاڙيسري ملڪن سان معمول جا لاڳاپا چاهي ٿو، ڳالهين وسيلي پراڻا تڪرار حل ٿي سگهن ٿا: وزيراعظم

ڀارت ستلج درياهه ۾ وڏي درجي جي ٻوڏ کان آگاهه ڪري ڇڏيو ،اوچي درجي جي ٻوڏ جي وارننگ جاري، 9 ضلعن ۾ هاءِ الرٽ جاري

سيالڪوٽ پي ٽي آءِ، ٺيڪيدار ڪمپني ۽ ڪامورن تباهه ڪيو:خواجا آصف

لاهور (مانيٽرنگ ڊيسڪ) اڳوڻي وفاقي وزير فواد چوڌري چيو آهي ته مستقبل جي سياست پي ٽي آءِ باني عمران خان سان جڙيل آهي لاهور هاءِ ڪورٽ ۾ صحافين سان ڳالهيون ڪندي فواد چوڌري چيو ته پاڪستان ۾ وڌيڪ سياسي پارٽين جي گنجائش نه آهي، جيڪا به نئين پارٽي بڻجندي اها ريحام خان جي پارٽي جهڙي حيثيت رکندي هن واضح ڪيو ته مستقبل جي سياست باني پاڪستان تحريڪ انصاف(پي ٽي آءِ) سان جڙيل آهي اصل مسئلو انهي جي آزادي آهي، هن الزام لڳائيندي چيو ته موجوده پي ٽي آءِ قيادت باني کي جيل ۾ رکڻ ۾ ملوث آهي ته جيئن انهن جي قيادت کي ڪمزور ڪري سگهجي  هن چيو ته موجوده قيادت ڪنهن تحريڪ جي اهل ناهي عوامي حمايت حاصل ڪرڻ ۾ ناڪام آهي، عاليه حمزه جو به تحريڪ ۾ ڪوبه ڪردار نه آهي، جيڪڏهن پي ٽي آءِ باني جا پٽ سياسي منظر نامي ۾ اچن ٿا ته صورتحال مختلف ٿي سگهي ٿي فواد چوڌري وڌيڪ چيو ته منهنجي خلاف سمورن ڪيسز جي ڪابه قانوني حيثيت نه آهي، اي ٽي سي جي فيصلي سان سياسي گرمي پد وڌيڪ وڌندو