پاڪستان اسرائيل سان جنگ جي دوران جهڙي طرح ساٿ ڏنو اهو ڪڏهن به نٿا وساري سگهون: ايراني صدر

لاڳاپيل خبرون

معاشي طور تي ڪمزور طبقي جي ٻارن جي خدمت جو خواب ڏٺو اهو پورو ٿي رهيو آهي: محمد شهباز شريف

سڀني خطرناڪ عمارتن جو سروي ڪئي پئي وڃي. سروي جلدي مڪمل ڪيو وڃي: سعيد غني

ايم ڪيو ايم کي نفرت جي سياست ڇڏي عوامي مسئلن تي ڌيان ڏيڻ گهرجي: شرجيل ميمڻ

تهران (مانيٽرنگ ڊيسڪ) ايراني صدر مسعود پزشڪيان چيو آهي ته پاڪستان اسرائيل سان جنگ جي دوران جهڙي طرح ساٿ ڏنو اهو ڪڏهن به نٿا وساري سگهون وفاقي گهرو وزير محسن نقوي ۽ ايراني صدر مسعود پزشڪيان جي وچ ۾ تهران ۾ ملاقات ٿي جنهن ۾ پاڪ ايران لاڳاپا ۽ ٻطرفي تعاون تي خيالن جي ڏي وٺ ڪئي جڏهن ته انهي دوران محسن نقوي ايراني صدر کي جنگ ۾ عظيم فتح تي مبارڪباد ڏني گهرو وزير چيو ته پاڪستان ايران تي حملي جي هر فورم تي پرزور مذمت ڪئي ۽ ايراني سپريم ليڊر سميت پوري قوم جارحيت جي خلاف ڄمي مقابلو ڪيو گهرو وزير وزيراعظم شهباز شريف طرفان ايراني صدر کي نيڪ خواهشن ۽ احترام به پيغام پڻ پهچايو. انهي موقعي تي ڳالهيون ڪندي ايراني صدر چيو ته پاڪستان سان پنهنجن لاڳاپن کي انتهائي اهميت ڏيون ٿا. پاڪستان اسرائيل سان جنگ جي دوران جهڙي طرح ساٿ ڏنو اهو ڪڏهن به وساري نٿا سگهون هن وڌيڪ چيو ته اسرائيلي حڪومت مسلمان ملڪن جي وچ ۾ ورهاست پيدا ڪرڻ جي ڪوشش ڪري رهي آهي. اهڙي صورتحال ۾ اسلامي ملڪن جي وچ ۾ اتحاد ۽ هم آهنگي تمام گهڻو ضروري آهي