پنجاب اسيمبلي نااهلي ريفرنس معاملو، ڳالهين لاءِ ڌار ڌار ڪميٽيون قائم

لاڳاپيل خبرون

بلوچ عوام جي مدد سان ان پراڪسي جارحيت ۾ افغانستان ۽ ڀارت کي شڪست ڏينداسين: خواجا آصف

عمران خان جي چوڻ تي کيس اک جي علاج لاءِ پمز اسپتال آندو ويو: اعظم نذير تارڙ

هاڻي هڪ ڀيرو ٻيهر انتهاپسندي ۽ دهشتگردي کي شڪست ڏيڻ جي لاءِ اتحاد جي ضرورت آهي: عطاءُ الله تارڙ

لاهور (مانيٽرنگ ڊيسڪ) پنجاب اسيمبلي ۾ اپوزيشن جي معطل ميمبرن خلاف نااهلي ريفرنس واري معاملي تي حڪومت ۽ مخالف ڌر طرفان ڳالهين لاءِ الڳ الڳ ڪميٽيون جوڙي ويون آهن.ذريعن موجب، ريفرنس واري معاملي تي حڪومتي ۽ اپوزيشن ڌُرين جي ڳالهه ٻولهه لاءِ ڪميٽيون قائم ڪيون ويون آهن، حڪومتي ڪميٽي ۾ مجتبيٰ شجاع الرحمان، سلمان رفيق، رانا ارشد، سميع الله ۽ احمد اقبال شامل آهن.ان کانسواءِ علي حيدر گيلاني، شافع حسين ۽ شعيب صديقي به حڪومتي ڪميٽي جو حصو بڻايا ويا آهن، جڏهن ته مخالف ڌر طرفان اپوزيشن ليڊر احمد ڀچر مذاڪراتي ٽيم جي قيادت ڪندو.ذريعن جو چوڻ آهي ته اپوزيشن ڪميٽي ۾ علي امتياز، شيخ امتياز ۽ اعجاز شفيع جا نالا اڄ اسپيڪر کي موڪليا ويندا.ذريعن موجب، اپوزيشن ۽ حڪومتي اتحاد جي ڳالهين واري ڪميٽي جو ٻيو اجلاس آچر (سڀاڻي) تي ٿيندو ۽ جيڪڏهن ڳالهيون ڪامياب ٿيون ته اسپيڪر معطل ميمبرن خلاف ريفرنس واپس وٺي سگهي ٿو.ياد رهي ته 27 جون تي ٿيندڙ اسيمبلي اجلاس دوران اپوزيشن ميمبرن گوڙ۽ ڀڃ ڊاهه ڪئي هئي، جنهن کانپوءِ اسپيڪر 26 اپوزيشن ميمبرن جي رڪنيت معطل ڪندي، سندن نااهلي لاءِ ريفرنس اليڪشن ڪميشن ڏانهن موڪلڻ جو اعلان ڪيو هو.