عمران خان ساٿين جي راءِ سان اتفاق ڪري ته ڳالهيون ٿي سگهن ٿيون : خواجه سعد رفيق

لاڳاپيل خبرون

خيبرپختونخواهه جي گورنر جي منهنجي حڪومت ڪيرائڻ جي حيثيت نه آهي: علي امين گنڊاپور

پي ٽي آءِ جي صوبائي حڪومت خلاف تحريڪ عدم اعتماد آڻڻ جو معاملو غور هيٺ نه آهي: راڻا ثناءُالله

معيشت ۾ شفافيت جي لاءِ ڊيجيٽل ٽرانزيڪشن سسٽم لازمي آهي: وزيراعظم

لاهور (مانيٽرنگ ڊيسڪ) پ م ل ن جي سينئر اڳواڻ ۽ اڳوڻي وفاقي وزير خواجه سعد چيو آهي ته عمران خان سينئر ساٿين جي راءِ سان اتفاق ڪري ته ڳالهيون شروع ٿي سگهن ٿيون هڪ ٻئي کي گهلڻ ۽ تڪليف ڏيڻ ۾ توانائي خرچ ڪرڻ بدران ملڪ کي  ترقي ڏيارڻ جي  طريقن تي ڳالهه ٿيڻ گهرجي هن سوشل ميڊيا پليٽ فارم ايڪس تي پنهنجي بيان ۾ چيو ته ڪوٽ لک پت جيل ۾ قيد پي ٽي آءِ جي سينئر اڳواڻن جو سياسي جماعتن جي وچ ۾ ڳالهين واري عمل جي حمايت ۾ خط وڏي اهميت رکي ٿو جيڪڏهن پي ٽي آءِ باني پنهنجي سينئر ساٿين جي راءِ سان اتفاق ڪري ته ڳالهيون ٿي سگهن ٿيون ، محرم کان پوءِ به احتجاجي تحريڪ ڪامياب نٿي ٿي سگهي سخت موسم ، پي ٽي آءِ جو نهايت ڪمزور تنظيمي سرشتو ۽ اندروني گروپنگ ، رياستي ادارن جو هڪ امتحاني احتجاجي تحريڪ جي ناڪامي جا وڏا سبب آهن خواجه سعد رفيق چيو ته حڪومت ۽ اپوزيشن ۾ موجود سياسي قوتون مقبوليت جا پيمانا تبديل ٿيڻ جي باوجود سياسي حقيقت آهن اهڙي طرح اسٽيبلشمينٽ جي طاقت کان انڪار به حقيقت کان انڪار آهي