نٿو ٻڌائي سگهان پر امڪان آهي ته پيپلز پارٽي حڪومت ۾ شامل ٿي وڃي: خواجه آصف

لاڳاپيل خبرون

غير قانوني طور رهندڙ افغان پناهگيرن کي ترت نيڪالي ڏيڻ جو فيصلو، هاڻي مهلت نه ڏينداسين: وزيراعظم

اتر وزيرستان ۾ سيڪيورٽي فورسز جي ڪئمپ تي حملي جي ڪوشش ناڪام، 6 خارجي مارجي ويا

سنڌ حڪومت هر مذهب، برادري ۽ طبقي جي خوشين ۾ برابر جي شريڪ آهي: ڊاڪٽر شام سُندر آڊواڻي

اسلام آباد:  (مانيٽرنگ ڊيسڪ) دفاع واري وزير خواجه آصف وفاقي ۽ پنجاب حڪومت ۾ پيپلز پارٽي جي شموليت جو اشارو ڏئي ڇڏيو آهي.خواجه آصف نجي چينل سان ڳالهين ۾ چيو ته هن وقت ڇا ٿي رهيو آهي اهو ته نٿو ٻڌائي سگهان پر امڪان آهي ته پيپلز پارٽي حڪومت ۾ شامل ٿي وڃي.دفاع واري وزير خواجه آصف چيو ته پيپلز پارٽي جي حڪومت ۾ شموليت سٺي ڳالهه هوندي، البته پيپلز پارٽي سان حڪومت جي رابطن جي تفصيل جي مون کي اڃان تائين  خبر نه آهي. هن چيو ته پيپلز پارٽي ۽ مسلم ليگ(ن) قومي ايجنڊا تي گڏجي ڪم ڪري سگهي ٿي.ياد رهي ته انهي کان اڳ سومر تي سنڌ جي سينئر وزير شرجيل انعام ميمڻ چيو هو ته في الحال وفاق سان پيپلز پارٽي کي ڪنهن به قسم جي آڇ نه ڪئي وئي آهي اسان اهڙين ڳالهين جي ترديد ڪريون ٿا.