ڀارت ۽ اسرائيل پاڪستان کي گري لسٽ ۾ شامل ڪرائڻ ۾ ناڪام رهيا: خواجه آصف

لاڳاپيل خبرون

پنجاب حڪومت جي سفارش، وفاقي ڪابينا انتها پسند جماعت تي پابنديءَ جي منظوري ڏئي ڇڏي

پنجاب حڪومت سنڌ لاءِ ڪڻڪ جي ٻج جي فراهمي بند ڪري ڇڏي، فصل متاثر ٿيڻ جو خدشو

پاڪستان ۽ پولينڊ ٻطرفي تعاون کي وڌائڻ تي اتفاق ڪيو آهي:اسحاق ڊار

اسلام آباد: (مانيٽرنگ ڊيسڪ) دفاع واري وزير خواجه آصف چيو آهي ته ڀارت ۽ اسرائيل جي سمورين سازشن جي باوجود پاڪستان کي گري لسٽ ۾ شامل نه ڪيو ويو. سماجي رابطن جي ويب سائيٽ ايڪس تي پنهنجي پيغام ۾ خواجه آصف چيو ته فنانشنل ايڪشن ٽاسڪ فورس جي ذيلي اداري انٽرنيشنل ڪوآپريشن ريويو گروپ جو اجلاس منعقد ٿيو جنهن ۾ پاڪستان کي گري لسٽ ۾ شامل نه ڪرڻ جو فيصلو ٿيو. اجلاس جي دوران چين واضح موقف اختيار ڪندي پاڪستان لاءِ رليف جي حمايت ڪئي. هن چيو ته ترڪي به چين جي موقف جي توثيق ڪئي، جاپان به پاڪستان جي مڪمل حمايت ڪئي ڇو ته هو ايشيا پيسفڪ گروپ جو شريڪ چيئرمين آهي. هن چيو ته جيڪڏهن حقيقت پسندي سان جائزو ورتو وڃي ته پاڪستان هينئر تائين ايف اي ٽي ايف جي سمورين ضرورتن کي پورو ڪري چڪو آهي، هاڻ انهي جو ڪنهن به لسٽ ۾ رهڻ جو ڪوبه جواز ناهي، پر پاڪستان جي لاءِ اها وڏي فتح آهي. خواجه محمد آصف وڌيڪ چيو ته ڀارت ۽ اسرائيل جي سمورين سازشن جي باوجود پاڪستان کي گري لسٽ ۾ شامل ناهي ڪيو ويو.