افغانين خلاف هيل تائين ڪا ڪارروائي ناهي ٿي:آئي جي پوليس ڪي پي

لاڳاپيل خبرون

گلگت بلتستان معدنيات سان مالا مال آهي، سياحت کي هٿي ملي سگهي ٿي: صدر

پاڪستان خلاف هڪ ٻي ڀارتي ڪارروائي بي نقاب، جاسوس ملاح گرفتار، فورسز جون ورديون به هٿ

اسان کي 25 هزار ڏيڻ چاهيون ٿا، توهان ڪهڙن شرطن تي ملا جو ضمير خريد ڪرڻ چاهيو ٿا؟ فضل الرحمان

پشاور (ويب ڊيسڪ) خيبرپختونخواهه جي پوليس انسپيڪٽر جنرل اختر حيات گنڊاپور واضح ڪيو آهي ته خيبرپختونخواهه ۾ غير قانوني طور رهندڙ پرڏيهين خلاف ڪو به ڪريڪ ڊائون شروع نه ڪيو ويو آهي ۽ نه ئي ڪنهن افغان شهري کي غير قانوني طور رهڻ تي گرفتار ڪيو ويو آهي. ذريعن موجب آءِ جي خيبرپختونخواهه اختر حيات گنڊاپور چيو ته ملڪ ۾ رهندڙ پرڏيهين جي ڊيڊ لائن ۾ اڃا وقت بچيو آهي، هن وقت تائين ڪارروائي لاءِ ڪا به هدايت ناهي ملي.هن چيو ته خيبرپختونخواهه ۾ پوليس افغان پناهگيرن خلاف ڪا به ڪارروائي يا ڪريڪ ڊائون نه ڪري رهي آهي، اڃا تائين هڪ به ماڻهو گرفتار ناهي ڪيو ويو. آءِ جي خيبرپختونخواهه انهن الزامن جي به ترديد ڪئي ته پوليس افغان پناهگيرن کي حراسان ڪري انهن کان پئسا وٺي رهي آهي. هن چيو ته صوبي ۾ ڪٿي به هڪ به شخص کي غير قانوني رهائش جي الزام ۾ گرفتار نه ڪيو ويو آهي، غيرقانوني رهندڙ ماڻهو رضاڪاراڻي طور تي پنهنجي ملڪ واپس وڃي سگهن ٿا.