سينيٽ ۾ پاڪستان آرمي، ايئر فورس، نيوي ترميمي ايڪٽ ۽ پريڪٽس اينڊ پروسيجر ترميمي بل منظور

لاڳاپيل خبرون

وفاقي آئيني عدالت جي پهرئين چيف جسٽس ۽ 3 ججن حلف کڻي ورتو، جسٽس مسرت هلالي جي جج بڻجڻ کان انڪار

ملڪ ۾ يوم سياه منائڻ جو اعلان، ترميمون آئين جي بنيادي ڍانچي ۽ عدالتن تي حملو آهن: اپوزيشن اتحاد

پاڪستان افغان سرزمين تان پاڪستان ۽ ان جي عوام جي خلاف ٿيندڙ دهشتگردي کي بلڪل برداشت نه ڪندو : پرڏيهي ترجمان

اسلام آباد (مانيٽرنگ ڊيسڪ) سينيٽ آرمي، ايئر فورس، نيوي ترميمي ايڪٽ ۽ پريڪٽس اينڊ پروسيجر ترميمي بل منظور ڪري ورتو. سينيٽ اجلاس سينيٽ چيئرمين سيد يوسف رضا گيلاني جي صدارت ۾ ٿيو، جنهن ۾ وفاقي وزيرن سينيٽر اسحاق ڊار، خواجه آصف ۽ طارق فضل چوڌري بل پيش ڪيا. ايوان، پاڪستان آرمي ايڪٽ، پاڪستان ايئرفورس ايڪٽ، پاڪستان نيوي ايڪٽ ۽ پريڪٽس اينڊ پروسيجر ترميمي بل اڪثريت سان منظور ڪري ورتا. سينيٽ مان بلن جي منظوري جي موقعي تي پي ٽي آءِ ۽ جي يو آءِ جي ميمبرن بل جي مخالفت ڪئي. همايون مهمند ۽ ڪامران مرتضيٰ بل جي مخالفت ڪندي بل کي ڪميٽي ڏانهن موڪلڻ جو مطالبو ڪيو جڏهن ته سينيٽ چيئرمين بلن جي منظوري لاءِ ايوان مان راءِ ورتي جنهن کانپوءِ ايوان بلن کي اڪثريت راءِ سان منظور ڪري ورتو. سينيٽ ۾ خيالن جو اظهار ڪندي اسحاق ڊار چيو ته ايوان 27 هين آئيني ترميم منظور ڪئي ۽ انهي ڪري ايڪٽس ۾ ترميم جي ضرورت هئي، آرمي، نيوي ۽ ايئر فورس ايڪٽ ۾ ترميم ڪئي وئي.