ترڪي ۾ افغان طالبان سان ڳالهيون، پاڪستان ثبوتن تي ٻڌل مطالبا ٽياڪڙين حوالي ڪري ڇڏيا: پرڏيهي آفيس جو ترجمان

لاڳاپيل خبرون

27هين آئيني ترميم، هڪ کان سواءِ ٻيا سمورا نڪتا رد، آرٽيڪل 243 جي حمايت ڪئي آهي: بلاول ڀٽو

پاڪستان ۽ بنگلاديش جي وچ ۾ سڌي طرح اڏامون جلد شروع ٿي وينديون : طارق فضل چوڌري

وزيراعظم شهباز شريف ٻن ڏينهن جي سرڪاري دوري تي آذربائيجان روانو ٿي ويو

اسلام آباد (مانيٽرنگ ڊيسڪ) پرڏيهي آفيس جي ترجمان طاهر حسين اندرابي چيو آهي ته استنبول ۾ افغان طالبان سان ڳالهه ٻولهه ۾ مصروف پاڪستاني وفد ثبوتن تي ٻڌل جائز ۽ منفي مطالبا ثالثن جي حوالي ڪيا آهن جنهن جو واحد مقصد سرحد پار دهشتگردي کي ختم ڪرڻ آهي. پريس بريفنگ ۾ هن چيو ته افغان طالبان حڪومت سان پاڪستاني وفد جي ڳالهه ٻولهه استنبول ۾ ثالثن جي موجودگي ۽ شرڪت سان شروع ٿي. هن چيو ته ثالثن اسان پاران فراهم ڪيل ثبوتن سان گڏوگڏ عالمي قانون ۽ اصولن جي بنياد تي پاڪستان جي موقف جي مڪمل تائيد ڪئي. هن چيو ته ثالث افغان طالبان جي وفد سان پاڪستان جي مطالبن تي ڳالهه ٻولهه ڪري رهيا آهن. هن چيو ته سوشل ميڊيا تي ڪا به ٻي معلومات خاص طور تي افغان هينڊلرز ۽ افغان اڪائونٽس پاران گردش ڪندڙ معلومات يا ته قياس آرائيون آهن يا ڄاڻي واڻي غلط معلومات آهي. ترجمان چيو ته اسان جي درخواست آهي ته اهڙي غلط معلومات کي نظرانداز ڪيو وڃي. صدر آصف علي زرداري جي 3 کان 6 نومبر تائين دوحه جي دوري بابت هن چيو ته صدر قطر جي ميزباني ۾ سماجي ترقي جي عالمي سربراهي اجلاس ۾ شريڪ ٿيو. هن چيو ته صدر سربراهي اجلاس کي پنهنجي اهم خطاب ۾ ڄمون ۽ ڪشمير تڪرار ۽ ڪشميرين جي خودمختياري جي حق کي حاصل ڪرڻ جي لازمي ضرورت کي اجاگر ڪيو، صدر ان ڳالهه تي زور ڏنو ته ڀارت جي غيرقانوني طور تي قبضي هيٺ ڄمون ۽ ڪشمير جا ماڻهو ڪيترن ئي ڏهاڪن کان ڀارت جي رياستي سرپرستي ۾ دهشتگردي کي منهن ڏئي رهيا آهن. ترجمان چيو ته صدر ڀارت پاران سنڌ طاس معاهدي جي خلاف ورزي جي معاملي تي پڻ ڳالهه ڪئي، ڀارت ڄاڻي واڻي عالمي قانونن جي خلاف ورزي ڪري رهيو آهي جيڪو علائقائي استحڪام جي لاءِ سڌوسنئون خطرو ۽ ان عمل سان لکين پاڪستانين کي انهن جي پاڻي جي حق کان محروم ڪيو ويو جنهن سان پاڪستان جي خودمختياري کي نقصان پهتو ۽ ان جي ماڻهن جي معيشت کي خطرو ٿيو، صدر فلسطين تي اسرائيلي جارحيت جي پڻ مذمت ڪئي. ترجمان چيو ته نائب وزيراعظم سينيٽر محمد اسحاق ڊار استنبول ۾ هڪ اجلاس دوران پنهنجي عرب ۽ اسلامي هم منصبن سان غزه ۾ پائيدار امن قائم ڪرڻ جي لاءِ امن منصوبي کي اڳتي وڌائڻ تي غور ڪيو. ترجمان چيو ته پاڪستان عزه امن منصوبي جو حصو بڻجندڙ 8 عرب اسلامي ملڪن مان هڪ آهي ۽ هو ان قدم سان واڳيل رهيو جنهن جي نتيجي ۾ شرم الشيخ ۾ غزه امن معاهدي تي صحيحون ٿيون. هن چيو ته انهن اڳواڻن فلسطينين جي لاءِ فوري انساني امداد جو مطالبو ڪيو ۽ اسرائيل پاران جنگبندي جي خلاف ورزين جي مذمت ڪئي. ترجمان چيو ته پاڪستان گڏيل قومن ۽ او آءِ سي جي قراردادن موجب 1967ع کان اڳ جي سرحدن ۽ القدس الشريف کي گادي واري شهر جي طور تي هڪ آزاد، قابل عمل ۽ واڳيل رياست فلسطين قائم ڪرڻ جي لاءِ پنهنجي اصولي موقف جي توثيق ڪئي.