ڪي سي آر منصوبي جي هر صورت ۾ مڪمل ڪرڻ لاءِ پرعزم آهي: شرجيل انعام ميمڻ

لاڳاپيل خبرون

موسمياتي تبديلي پاڪستان لاءِ فوري ۽ سنگين معاشي حقيقت بڻجي چڪي آهي: محمد اورنگزيب

پارليامينٽ جي بالادستي تي ڪو به سمجهوتو نه ڪيو ويندو: اياز صادق

جنگ جي ميدان جيان معاشي ميدان ۾ به ڪاميابيون ماڻينداسين: شهباز شريف

ڪراچي(مانيٽرنگ ڊيسڪ) سنڌ جي سينيئر وزير ۽ اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ ڪراچي سرڪلر ريلوي لاءِ ريلويز بابت سينيٽ ڪميٽي جي ڪوششن جي آجيان ڪئي آهي ۽ چيو آهي ته ڪي سي آر لاءِ ايشيائي ترقياتي بينڪ سميت عالمي شراڪتدارن سان رابطن جو سلسلو جاري آهي.هڪ بيان ۾ سينيئر وزير شرجيل انعام ميمڻ چيو ته سنڌ سرڪار، سنڌ جي وڏي وزير جي اڳواڻيءَ ۾، ڪي سي آر منصوبي جي هر صورت ۾ مڪمل ڪرڻ لاءِ پرعزم آهي ۽ سنڌ حڪومت هن رٿا کي اوليتي بنيادن تي مڪمل ڪندي.هن چيو ته ڪي سي آر منصوبي ۾ ايندڙ رڪاوٽن جي حل لاءِ وفاقي حڪومت کان سهڪار جي اميد آهي، ۽ سنڌ ماس ٽرانزٽ اٿارٽي کي پاڪستان ريلويز سان گڏجي اڳڀرائي تيز ڪرڻ جي هدايت ڏني وئي آهي.شرجيل انعام ميمڻ چيو ته ڪي سي آر، ڪراچي جي 2.5 ڪروڙ شهرين لاءِ هڪ اهم ٽرانزٽ سهولت بڻجندو، اسان سينيٽ ڪميٽي جي تجويزن جي به آجيان ڪيون ٿا، ۽ جلد رڪاوٽون ختم ٿيڻ جي بھ  اميد آهي.