اهو اهو واعدو هو، هر شهري کي زمين، رهائش ۽ عزت ڏني ويندي: آصفه ڀٽو زرداري

لاڳاپيل خبرون

ٽرمپ جي ڪري ئي پاڪستان ۽ ڀارت وچ ۾ جنگبندي ممڪن ٿي، سندس قيادت ۾ پاڪ آمريڪا لاڳاپا وڌيڪ مضبوط ٿيندا: شهباز شريف

سي پيڪ رڳو هڪ ترقياتي منصوبو نه پر پاڪ چين مضبوطي دوستي جي علامت آهي: احسن اقبال

پاڪستان ٽيڪس هدف پورا ڪرڻ ۾ ناڪام، آءِ ايم ايف خدشا ظاهر ڪري ڇڏيا

نوابشاه(مانيٽرنگ ڊيسڪ) خاتونِ اول ۽ قومي اسيمبلي جي میمبر بي بي آصفه ڀٽو زرداري چيو ته اڄ جو ڏينهن اسان سڀني لاءِ فخر جو ڏينهن آهي. گهرن جي مالڪيءَ جا دستاويز صرف ڪاغذ جو ٽڪرو نه آهن، پر اهي اوهان جي مستقبل جي تحفظ جي علامت آهن.نوابشاهه، شهيد بينظير آباد ۾ سنڌ پيپلز هائوسنگ فار فلڊ افيڪٽيز منصوبي تحت مالڪيءَ جي دستاويزن جي تقسیم واري تقريب کي خطاب ڪندي، هن چيو ته سنڌ حڪومت پاران ايس پي ايڇ ايف منصوبي تحت 21 لک گهر تعمير ڪيا پيا وڃن، ۽ سڀ کان اهم ڳالهه اها آهي ته هر گهر جي زمين ان گهر جي عورت جي نالي تي ڪئي پئي وڃي.بي بي آصفه ڀٽو چيو ته هي رڳو هڪ گهر ناهي، پر اوهان لاءِ ۽ اوهان جي ٻارن لاءِ اختيار، عزت ۽ تحفظ جي علامت آهي۔هن منصوبي کي چيئرمين بلاول ڀٽو زرداري جي محنت، بصيرت ۽ عوام دوست سوچ جو نتيجو قرار ڏيندي بي بي آصفه چيو ته اڄ تائين ڪنهن به ٻئي صوبي يا سياسي جماعت ايڏو وڏو ۽ عوامي ڀلائي وارو قدم نه کنيو آهي.بي بي آصفه، شهيد ذوالفقار علي ڀٽو جي واعدي جو حوالو ڏيندي چيو ته اهو اهو واعدو هو، جيڪو شهيد ڀٽو عوام سان ڪيو هو ته هر شهري کي زمين، رهائش ۽ عزت ڏني ويندي. اڄ چيئرمين بلاول ڀٽو زرداري اهو واعدو پورو ڪري رهيو آهي.هن چيو ته انشاءَ ﷲ، اوهان به محفوظ رهندؤ ۽ اوهان جا ايندڙ نسل به عزت ۽ وقار سان زندگي گذاريندا.