انٽرنيشنل گرلز هاسٽل جو افتتاح،سنڌ سرڪار اعليٰ تعليم کي هٿي ڏيڻ لاءِ قدم کڻي رهي آهي: مراد علي شاهه

لاڳاپيل خبرون

غير قانوني طور رهندڙ افغان پناهگيرن کي ترت نيڪالي ڏيڻ جو فيصلو، هاڻي مهلت نه ڏينداسين: وزيراعظم

اتر وزيرستان ۾ سيڪيورٽي فورسز جي ڪئمپ تي حملي جي ڪوشش ناڪام، 6 خارجي مارجي ويا

سنڌ حڪومت هر مذهب، برادري ۽ طبقي جي خوشين ۾ برابر جي شريڪ آهي: ڊاڪٽر شام سُندر آڊواڻي

ڪراچي ( اسٽاف رپورٽر ) سنڌ جي وڏي وزير مراد علي شاهه چيو آهي ته سنڌ سرڪار اعليٰ تعليم کي هٿي ڏيڻ لاءِ قدم کڻي رهي آهي، تعليم، ٽيڪنالاجي ۽ نوجوانن جي طاقت سان ئي ترقي ممڪن آهي، سنڌ ۾ اعليٰ تعليم لاءِ 42 ارب رپيه مخصوص ڪيا ويا آهن، سنڌ سرڪار جو پيپلز آءِ ٽي پروگرام هڪ انقلابي قدم آهي، يونيورسٽين کي تحقيقي منصوبن، ڪانفرنسن، ليبز ۽ انفراسٽرڪچر لاءِ به فنڊ ملي رهيا آهن.وڏي وزير مراد علي شاهه اين اي ڊي يونيورسٽي ۾ فوڊ انجنيئرنگ ڊپارٽمينٽ جي نئين عمارت ۽ انٽرنيشنل گرلز هاسٽل جو افتتاح ڪري ڇڏيو.افتتاحي تقريب کي خطاب ڪندي مراد علي شاهه چيو ته تعليم، ٽيڪنالاجي ۽ نوجوانن جي طاقت سان ئي ترقي ممڪن آهي، سنڌ سرڪار اعليٰ تعليم کي هٿي ڏيڻ لاءِ قدم کڻي رهي آهي.سندس چوڻ هو ته سنڌ ۾ اعليٰ تعليم لاءِ 42 ارب رپيه مخصوص ڪيا ويا آهن، اهي فنڊ سمورن صوبن ۾ سڀ کان وڌيڪ آهن.سنڌ جي وڏي وزير چيو ته سنڌ سرڪار جو پيپلز آءِ ٽي پروگرام هڪ انقلابي قدم آهي، يونيورسٽين کي تحقيقي منصوبن، ڪانفرنسن، ليبز ۽ انفراسٽرڪچر لاءِ به فنڊ ملي رهيا آهن.مراد علي شاهه چيو ته آءِ ٽي پروگرام سان 40 سيڪڙو ملازمت جي شرح حاصل ٿيڻ جي اميد آهي، تعليم، روزگار ۽ برابري کي هٿي وٺرائڻ سنڌ حڪومت جو مشن آهي، سنڌ ڊيجيٽل، معاشي ۽ تعليمي ترقي جي رستي تي هلي رهي آهي.