صدر کي هٽائڻ واريون خبرون بي بنياد آهن، پ پ جي حمايت کانسواءِ حڪومت نه ٽِڪندي: نيئر بخاري

لاڳاپيل خبرون

موسمياتي تبديلي پاڪستان لاءِ فوري ۽ سنگين معاشي حقيقت بڻجي چڪي آهي: محمد اورنگزيب

پارليامينٽ جي بالادستي تي ڪو به سمجهوتو نه ڪيو ويندو: اياز صادق

جنگ جي ميدان جيان معاشي ميدان ۾ به ڪاميابيون ماڻينداسين: شهباز شريف

اسلام آباد (مانيٽرنگ ڊيسڪ) پيپلز پارٽي پارليامينٽرين جي سيڪريٽري جنرل نيئر بخاري صدر آصف علي زرداري خلاف هلندڙ افواهن جي ترديد ڪندي چيو آهي ته آصف زرداري ملڪ جو چونڊيل صدر آهي، سندس خلاف ٿيندڙ هلندڙ خبرن ۾ ڪا به سچائي نه آهي.پنهنجي بيان ۾ نيئر بخاري چيو ته جيڪي ماڻهو اهڙي قسم جا افواهه پکيڙي رهيا آهن، تن کي آئين ۽ قانون جي صحيح ڄاڻ ناهي، پيپلز پارٽي جي حمايت کانسواءِ حڪومت نٿي هلي سگهي.هن چيو ته اسيمبلي ميمبرن وٽ آئين تحت وزيراعظم يا وڏي وزير کي هٽائڻ جو اختيار موجود آهي، ڪنهن به وڏي وزير کي بي اعتمادي رٿ ذريعي هٽائڻ سان نظام غير مستحڪم ناهي ٿيندو.نيئر بخاري وڌيڪ چيو ته پيپلز پارٽي وفاقي ڪابينا ۾ شامل نه پئي ٿئي، جڏهن ته پي ٽي آءِ ڳالهين تي يقين ئي نٿي رکي.