صحافي مطيع الله جان، اسد طورسميت 27 يوٽيوبرز جا چينل بلاڪ ڪرڻ جو حڪم

لاڳاپيل خبرون

پاڪستان سڀني پاڙيسري ملڪن سان معمول جا لاڳاپا چاهي ٿو، ڳالهين وسيلي پراڻا تڪرار حل ٿي سگهن ٿا: وزيراعظم

ڀارت ستلج درياهه ۾ وڏي درجي جي ٻوڏ کان آگاهه ڪري ڇڏيو ،اوچي درجي جي ٻوڏ جي وارننگ جاري، 9 ضلعن ۾ هاءِ الرٽ جاري

سيالڪوٽ پي ٽي آءِ، ٺيڪيدار ڪمپني ۽ ڪامورن تباهه ڪيو:خواجا آصف

اسلام آباد (مانيٽرنگ ڊيسڪ) اسلام آباد جي مقامي عدالت ايف آءِ اي جي درخواست تي 27 مشهور يوٽيوب چينلز کي بلاڪ ڪرڻ جو حڪم ڏئي ڇڏيو . جڊيشل مئجسٽريٽ عباس شاهه يوٽيوب چينلن جي بلاڪ بابت ايف آءِ اي جي درخواست تي ٻڌڻي ڪئي.عدالت صحافي مطيع الله جان، اسد طور، اوريا مقبول جان، صديق جان سميت 27 يوٽيوب چينلن کي بلاڪ ڪرڻ جو حڪم ڏنو.عدالت ٻن صفحن تي ٻڌل تحريري حڪم نامو جاري ڪندي چيو ته رياست مخالف مواد بابت ايف آءِ اي 2 جون تي جاچ شروع ڪئي هئي، ايف آءِ اي جي پيش ڪيل ثبوتن مان عدالت مطمئن آهي، قانون پٽاندڙ ڪارروائي ڪري سگهون ٿا.عدالتي حڪم ۾ ڄاڻايو ويو آهي ته يوٽيوب جي انچارج آفيسر کي حڪم ڏنو ويو آهي ته ڄاڻايل 27 يوٽيوب چينلز بلاڪ ڪيا وڃن.ميڊيا رپورٽن موجب، عدالت ايف آءِ اي جي هڪ جاچ آفيسر جي درخواست تي يوٽيوب ڪمپني کي حڪم ڏنو آهي ته مطيع الله جان، اسد طور، حيدر مهدي، اوريا مقبول، آرزو ڪاظمي، صديق جان، عمران رياض خان، آفتاب اقبال، احمد نوراني سميت 27 چينلن کي بند ڪيو وڃي.