پاڪستان گڏيل قومن جي چارٽر ۽ عالمي قانونن جي تحت هن ذميواري کي عاجزي سان نڀائيندو: اسحاق ڊار

لاڳاپيل خبرون

غير قانوني طور رهندڙ افغان پناهگيرن کي ترت نيڪالي ڏيڻ جو فيصلو، هاڻي مهلت نه ڏينداسين: وزيراعظم

اتر وزيرستان ۾ سيڪيورٽي فورسز جي ڪئمپ تي حملي جي ڪوشش ناڪام، 6 خارجي مارجي ويا

سنڌ حڪومت هر مذهب، برادري ۽ طبقي جي خوشين ۾ برابر جي شريڪ آهي: ڊاڪٽر شام سُندر آڊواڻي

اسلام آباد (مانيٽرنگ ڊيسڪ) پاڪستان گڏيل قومن جي سلامتي ڪائونسل جي صدارت سنڀالي ورتي، صدارت دوران فلسطين تي ٽه ماهي کليل بحث به ٿيندو. نائب وزيراعظم ۽ پرڏيهي وزير اسحاق ڊار چيو ته پاڪستان جولاءِ 2025 لاءِ گڏيل قومن جي سلامتي ڪائونسل جي صدارت سنڀالي ورتي آهي. سندس چوڻ هو ته پاڪستان گڏيل قومن جي چارٽر ۽ عالمي قانونن جي تحت هن ذميواري کي عاجزي سان نڀائيندو.هن چيو ته اسان جي صدارت اهڙي وقت آئي آهي جڏهن دنيا ۾ تڪرار ۽ انساني بحران هلي رهيا آهن، سلامتي ڪائونسل کي ڳالهه ٻولهه ۽ سفارتڪاري ذريعي هاڪاري ڪارروائي طرف وٺي وڃڻ جي ڪوشش ڪنداسين.سندس چوڻ هو ته ته هو فلسطين تي ٽه ماهي کليل بحث جي صدارت به ڪندو ۽ هن مهيني ٻن اعليٰ سطحي دستخطي پروگرامن جي صدارت به ڪندو.هن چيو ته پهريون اجلاس امن ۽ تڪرارن جي پرامن حل سان لاڳاپيل هوندو، جڏهن ته ٻيو اجلاس گڏيل قومن ۽ او آءِ سي جي وچ ۾ سهڪار تي ٻڌل هوندو، پاڪستان سڀني ميمبر ملڪن سان ڀائيواري جو خواهشمند آهي.گڏيل قومن ۾ پاڪستان جي مستقل نمائندي عاصم افتخار احمد چيو ته پاڪستان هڪ اهڙي وقت ۾ گڏيل قومن جي سلامتي ڪائونسل جي صدارت سنڀالي رهيو آهي جڏهن دنيا سخت غير يقيني صورتحال، وڌندڙ تڪرارن، ۽ بين الاقوامي امن ۽ سلامتي لاءِ سنگين خطرن کي منهن ڏئي رهي آهي.هن چيو ته اسان ڪائونسل جي ٻين ميمبرن سان ويجهي سهڪار سان ڪم ڪنداسين ته جيئن گڏيل ۽ بروقت ڪارروائي کي ممڪن بڻائي سگهجي، جيڪي گڏيل قومن جي چارٽر ۽ عالمي برادري جي اميدن جي مطابق هجن.