Daily Waka Sindhi News Paper
لاڳاپيل خبرون
اسلام آباد(مانيٽرنگ ڊيسڪ) عوامي مسلم ليگ جي سربراهه شيخ رشيد چيو آهي ته اڳوڻو وزيراعظم نواز شريف نگران حڪومت جو مدو وڌائڻ چاهي ٿو ۽ من پسند جي مقرري به چاهي ٿو، هڪ ٽڪيٽ ۾ ٻه مزا نٿا ملي سگهن، پي ڊي ايم جو سياسي جنازو نڪري چڪو آهي جنهن جون سياسي دانهون بلاول ڀٽو زرداري جي پريس ڪانفرنس ۾ واضح آهن. سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ شيخ رشيد چيو ته ڪريو يا ڊڄو نه جو فيصلو به 72 ڪلاڪن ۾ ٿي ويندو، 26 نومبر تي عمران خان جو راولپنڊي ۾ تاريخي استقبال ڪيو ويندو. سندس چوڻ هو ته ملڪ جو پرڏيهي وزير بلاول ڀٽو زرداري پنهنجي ملڪ جي صدر کي ڌمڪيون ڏئي رهي آهي. عوامي مسلم ليگ جي سربراهه شيخ رشيد چيو ته عمران خان کي ڪنهن جي مقرري تي ڪوبه اعتراض ناهي، جيڪو به نئون آرمي چيف ايندو اهو سياسي گند پنهنجي ڪلهن تي نه کڻندو ۽ ملڪ کي اليڪشن طرف وٺي ويندو جڏهن ته ايندڙ پنج ڏينهن سياست ۾ فيصلائتا آهن……..
