Daily Waka Sindhi News Paper
لاڳاپيل خبرون
سکر (رپورٽر) سکر ڊويزن ۾ بلدياتي چونڊن، 464 پولنگ اسٽيشنون انتهائي حساس قرار، 12 هزار کان مٿي پوليس جا جوان، 11 فوجي ڪمپنيون ۽ 1509رينجرز جا جوان سيڪيورٽي لاءِ مقرر، سکر ڊويزن جي خيرپور، گھوٽڪي ۽ سکر ۾ 26جون تي ٿيندڙ بلدياتي چونڊن جي حوالي سان پوليس پاران سيڪيورٽي پلان تيار ڪيو ويو سکر ڊويزن جي ٽنهي ضلعن ۾ 26 جون تي 2203 پولنگ اسٽشنون قائم ڪيون وينديون، 464 پولنگ اسٽيشنون انتهائي حساس قرار ڏنيون ويون آھن 1199 پولنگ اسٽيشنون حساس ۽ 504 پولنگ اسٽيشنون نارمل قرار ڏنيون ويون آهن سکر ضلعي ۾ 647 پولنگ اسٽيشنن مان 124 انتهائي حساس، 249 حساس قرار ڏنيون ويون خيرپور ضلعي ۾ 897 پولنگ اسٽيشنون قائم ڪيون وينديون، جنهن مان 212 انتهائي حساس، 419 حساس قرار ڏنيون ويون آهن، گھوٽڪي ضلعي ۾ 659 پولنگ اسٽيشنون قائم ڪيون وينديون، جنهن مان 128 انتهائي حساس ۽ 531 حساس قرار ڏنيون ويون آهن، سکر ڊويزن ۾ 12767 پوليس جي جوانن کي اليڪشن واري ڏهاڙي مقرر ڪيو ويو آهي سکر ضلعي ۾ 2438، خيرپور ۾ 3534 ۽ گھوٽڪي ضلعي ۾ 2764 اهلڪارن کي مقرر ڪيو ويو آهي. 769اهلڪارن کي پيٽرولنگ، 210 اهلڪارن کي مختلف پڪٽن ۽ 288 اهلڪارن کي پولنگ جي سامان لاءِ مقرر ڪيو ويو آهي سيڪيورٽي پلان تحت پوليس جي مدد ۽ صورتحال کي ڪنٽرول ڪرڻ لاءِ پاڪ فوج ۽ رينجرز جي جوانن کي پڻ مقرر ڪيو ويندو. جڏهن ته پولنگ اسٽيشنن اندر سي سي ٽي وي ڪيمرائون پڻ نصب ڪيون وينديون.
