پشتون قوم تاريخي طور بهادر ۽ حب الوطن رهي آهي،بلاول

لاڳاپيل خبرون

بلوچ عوام جي مدد سان ان پراڪسي جارحيت ۾ افغانستان ۽ ڀارت کي شڪست ڏينداسين: خواجا آصف

عمران خان جي چوڻ تي کيس اک جي علاج لاءِ پمز اسپتال آندو ويو: اعظم نذير تارڙ

هاڻي هڪ ڀيرو ٻيهر انتهاپسندي ۽ دهشتگردي کي شڪست ڏيڻ جي لاءِ اتحاد جي ضرورت آهي: عطاءُ الله تارڙ

ڪراچي/ اسلام آباد (ويب ڊيسڪ) پاڪستان پيپلز پارٽي جي چيئرمين بلاول ڀٽو زرداري پشتون ثقافت جي ڏهاڙي تي خيبرپختونخواهه جي عوام سميت پوري قوم کي مبارڪباد ڏني آهي.ميڊيا سيل بلاول حوثي پاران جاري ڪيل پڌرائي موجب پ پ چيئرمين پشتون ڪلچر ڊي جي موقعي تي پنهنجي پيغام ۾ وڌيڪ چيو ته پشتون ثقافت پاڪستان جي ثقافتي گلدستن ۾ هڪ خوبصورت گل آهي ۽ اهو اسان جو قومي ورثو آهي. هن چيو ته پشتون ثقافت جو بنياد پيار، مهمان نوازي ۽ فطرت سان محبت آهي. پشتون قوم تاريخي طور بهادر ۽ حب الوطن رهي آهي. چيئرمين بلاول ڀٽو زرداري چيو ته ملڪ جو ثقافتي تنوع اسان جي سماجي خوبصورتي ۽ سڃاڻپ آهي، اسان کي ان تي فخر آهي. هن چيو ته پاڪستان پيپلز پارٽي ملڪ جي سمورن ثقافتن کي برابري جي اهميت ۽ حيثيت ڏيڻ تي يقين رکي ٿي.